Yos. 6:7 - Ebaibul

⁷ Tolimok nai iŋes ŋituŋa tema, “Kicodosi, kimyekisi ŋikilyok ŋulu ajiok ikiŋarenikis iyes, toloto ikes kiŋaren Asaduku ŋina ka Acamunet, kicodosi kilukakis etaun kidiŋ.”

Yos. 6:7 Iomraidhean Croise

Yos. 1:14

Ŋaberu kus, ŋidwe kus ka ŋibaren kus, emaikina kidoŋo nakwap ŋina alo Kide aŋolol Yorodan, nakwap ŋina abu Moses ikiik iyes, nai ŋikilyok kus ŋulu ke ejie, emaikina todokasi ekekwaye, kiŋarenikis ka kiŋarakis ŋituŋa kus,

Yos. 4:13

Arae ekimar kec edokarete anaŋolol Yorodan ŋalipyo ŋatomoniomwon. Atenito ikes ejie etubete aŋolol alokiŋaren Ekapolon Akuj, toloto ejie nadipo ŋina alo Yeriko.

Yos. 6:3

Kirimokisi ka ŋajorei kon daadaŋ kilodakis etaun kiryama. Toboŋonokisi akilodanakin etaun akitodol ŋirwa ŋikanikapei.

Yos. 6:6

Tonyarau nai Yosua ŋolo arae lokoku a Nun ŋisacaradotin tolimok tema, “Todaka Asaduku ŋina ka Acamunet, totiŋa ŋisacaradotin ŋikanikaarei ŋamomwar a ŋimeesekin ŋakanikaarei, kiŋarenikis Asaduku ŋina ka Acamunet a Ekapolon.”

Yos. 6:8

Ŋinapei erikakinia Yosua akisirwor ŋituŋa kiŋarenik Ekapolon ŋisacaradotin ŋikanikaarei ŋulu atiŋito ŋamomwar a ŋimeesekin ŋakanikaarei, akusete ŋisacaradotin daadaŋ ŋamomwar a ŋimeesekin, kiwuapite ikes Asaduku ŋina ka Acamunet a Ekapolon.