Yos. 6:27 - Ebaibul

²⁷ Aŋun, arukito Ekapolon ka Yosua ka abu arwonu keŋ kielakin akwap ŋin daadaŋ.

Yos. 6:27 Iomraidhean Croise

Akisy. 39:21

Nai arukito Ekapolon ka Yosepu, kitoodik Ekapolon iŋes amina ŋina nyiryaŋiryaŋa, inak iŋes tojokyar alokiŋaren ŋolo apolokinit ŋimabus.

2 Sam. 7:9

Arukitoe iwon ŋinapei aneni daadaŋ ibu iyoŋ tolot, ido amunya ayoŋ ŋimoe kon daadaŋ ŋulu eriwokina kiŋaren kon. Eturuwori ayoŋ ekiro kon ŋolo eyenen nooi, kikwaanikin ka ŋirorwa a ŋarwonita anakwap.

1 Ŋakiro a ŋirwa 14:17

Abu nai arwonu a Daudi todol nakwapin daadaŋ, ido abu Ekapolon inak akuryanu nakwapin daadaŋ aŋuna a Daudi.

Esta 9:4

Akuryaka ikes, anerae Moridekai iŋes arae ekapolon alokai a erwosit, ido aris ŋituŋa a ŋakwapin a ŋun a daadaŋ kiirasi ŋuna ka apolou keŋ a ŋina eata jik apoloor nooi.

Mat. 14:1

Apaki ŋin, topup erwosit Erode ŋakiro ŋuna epuritotor ŋituŋa Yesu.

Mat. 18:20

Anerae neni ecunakin ŋiarei kori ŋiuni alokiro kaŋ, ayakaun ayoŋ kidiŋ kec.”

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Mat. 4:24

Tokeikin ŋakiro keŋ nakwap a Siria daadaŋ. Yaut ŋituŋa neni keŋ ŋikadyakak daadaŋ ŋulu adyakasi ŋidekesyo ŋulu agelegelya: ŋulu ekamunito ŋipyan, ŋulu erakanarosi ka ŋulu aŋwalak, kitaŋaleu Yesu ikes daadaŋ.

2 Ŋikor. 13:14

Toyai neni kus daadaŋ ajokis ŋina ke Ekapolon Yesu Kristo ka amina ŋina ka Akuj ta akimorikina ŋina ke Etau a ŋolo Asegan.

Ŋikis. 31:6

Togogoŋ ka totitiny, nyikuryaketa, kori nyikibul aŋuna kec, anerae irukito iyes ke Ekapolon Akuj kus, nyikimyekini iŋes iyes, kori nyikiŋeri.”

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.

2 Tim. 4:22

Toyai Ekapolon lotau kon! Toyai neni kus daadaŋ ajokis ŋina ka Akuj.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Yos. 1:9

Tokona nai, ekeciki ayoŋ iyoŋ; togogoŋ ka totitiny. kiurya nyikikadanak, anerae ayoŋ Ekapolon Akuj kon, ikirukit ayoŋ ka iyoŋ aneni ilosi daadaŋ.”

Yos. 9:1

Apotu ŋirwosi daadaŋ ŋulu alo To Yorodan kiirasi ŋakiro ŋun. Arae ŋirwosi ŋul ŋulu anakwap a ŋina a ŋikamukumukui, ŋulu anadipo a ŋina alo To ka ŋulu alodiyete anam Mediteranian akitodol Lebanon. Arae ŋirwosi ŋul ŋulu a Ŋiitaiti, a Ŋiamori, a Ŋikanaani, a Ŋiperisi, a Ŋiipi ta ŋulu a Ŋiyebusi.

Yos. 9:3

Nai ani iirarete ŋituŋa ŋulu ke etaun a Gibeon, ŋuna keris Yosua kitiyak lotaunio a Yeriko ka Ai,

Yos. 9:9

Toboŋokis ikes temasi, “Ikiponit isua anakwap a ŋina alwanan nooi ekapolon, anerae ikipotu eirasi ŋakiro ŋuna a Ekapolon a ŋolo erae Akuj kus. Ikipotu eirasi ŋakiro daadaŋ ŋuna etiyae iŋes alo Ijipit

Ŋikat. 1:19

Arukito Ekapolon ka ŋituŋa a Yuda, apotu ikes kikamasi akwap ŋina a ŋikamukumukui, nai apotu nyepedosi akiritar ŋituŋa ŋulu eboiyete anadipoe a ŋikamukumukui, anerae ayakatar ŋul ŋagaari ŋuna ametae a ŋaŋolei ŋuna etiyaunitae a ŋasuwa.

1 Sam. 18:14

Eloununui Daudi ŋimoe kec, anerae ayai Ekapolon kaapei ka iŋes.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’