Yos. 6:23 - Ebaibul

²³ Apotu ŋikilyok ŋul toloto yaut Raab kiŋa, erukito ka papa keŋ, toto keŋ ka ŋikaitotoi keŋ kaapei ka ŋituŋa keŋ daadaŋ. Yaarae ikes daadaŋ neni alomito Ŋisirael, kitogwaŋakinae ikes kiŋa alomar a Ŋisirael.

Yos. 6:23 Iomraidhean Croise

Akisy. 12:2

Eketipituni ayoŋ iyoŋ anakwap ka eketerereŋi, ido eturuwo ekiro kon ŋolo eyenen anakwap, ikotere iyoŋ iruwor ŋolo ka arereŋu.

Akisy. 18:24

Ani mono keyakasi ŋituŋa ŋatomonikan ŋulu iyookino lotaun ŋol; imunyari mono iyoŋ akibois daadaŋ, nyisyoni iyoŋ iŋes aŋuna a ŋituŋa a ŋatomonikan a ŋulu iyookino alotooma etaun ŋol a?

Akisy. 19:29

Nai ŋina enyasunia Akuj ŋitaunio ŋulu aya nadipo anakwap a ŋin, abu iŋes tominak Aburaam, ido tolema Lot alotaunio a ŋul apaki ŋina enyasunia ŋitaunio ŋul, ŋulu sek eboiyo Lot ekiŋaren.

Ekim. 31:19

Kiboiyoto alokiŋa alomar ŋirwa ŋikanikaarei iyes daadaŋ ŋulu ipotu toara ŋituŋa, kori totapa ŋituŋa ŋulu etwakito, emaikina iyes kitaleunos epete ŋirwa ŋiuni ka epete ŋirwa ŋikanikaarei kaapei ka ŋituŋa ŋulu irikunete iyes lojie.

Ŋitic. 10:28

Tolimok ikes tema, “Iyenete iyes ŋilopeyek epite ŋolo italeere ituŋanan ŋini Yudayat akipeyokin kori arukit ka ituŋanan ŋini gela. Nai eketoodik Akuj ayoŋ atemar nyitemokino abala idiotuŋanan erono kori nyeseg.

Ŋitic. 27:24

tema, ‘Paulo, nyikibul! Itemokino iyoŋ towo alokiŋaren ekepukan a Roma. Kiira! Aŋuna kon, eiuni Akuj tari ŋituŋa daadaŋ ŋulu idokito ka iyoŋ ameeli.’

1 Ŋikor. 5:12

Nyerae ekaatic atubonokin ŋituŋa ŋulu nyeyakasi natukot a Ŋikristo. Akuj iŋes etubokini ikes. Nai itemokino iyes totubonokinete ŋituŋa ŋulu eyakasi natukot a Ŋikristo ikwapei ebaakatar Ŋakigireta ebe, “Totyakasi anatukot kus ituŋanan ŋini itiyae aronis.”

Ŋiep. 2:12

Apaki ŋin, pa iyenete iyes Kristo. Iraakasi iyes ŋigelaanotin, nabo pa iraakasi iyes ŋipei ka ŋituŋa ŋulu seuna ŋulu ka Akuj. Pa ikimarakinitae iyes Nacamuneta ŋuna esileereunito ŋakiikineta ŋuna ka Akuj neni a ŋituŋa keŋ, ido iboiyete iyes anakwap a na emam akigeno ka emam ayenut Akuj.

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

Ŋibur. 11:7

Anupit iŋes eirarya Noa ŋakiro ŋuna ecikya Akuj iŋes aŋuna a ŋakiro a ŋuna eriŋa nyetakanuna. Abu iŋes kiira ŋakiro ŋuna ka Akuj, toduk ataker ŋina abunio iŋes ka ekeekal toiunotor. Aŋakiro a ŋun, aponi totubokinae akwap daadaŋ, nai abu Noa toryamu aneni ka Akuj akiyookino, anerae anupit iŋes.

Yos. 2:13

Kiikinae ayoŋ atemar iesikinete iyes papa kaŋ, toto kaŋ, atalokaato kaŋ, atanakaato kaŋ kaapei ka ŋituŋa kec daadaŋ ka ikiiunete iyes isua nyikiari!”

Yos. 2:16

Kicik iŋes ikes tema, “Toloto nakan ŋina a ŋikamukumukui, ikotere nyiryamasi ka ŋikilyok ŋulu ikiwarito iyes. Toŋopa aina ŋirwa ŋiuni akitodol ŋina eboŋunioto ŋikilyok ŋul lotaun kec, totuboros nai iyes, toloto.”

Yos. 2:18

erae kitiya iyoŋ ŋakiro nu: Apaki ŋina ikamarere isua akwap na, itemokino iyoŋ toenik arac ŋina areŋan na lodirisa ŋolo sek ikiyooliunio iyoŋ isua, itemokino iyoŋ tocunak kai kon papa kon, toto kon, atalokaato kon ka ŋituŋa a ekal a papa kon daadaŋ.

Ŋikat. 1:25

Abu nai ekile ŋol kitoodik ikes erot ŋolo elomarere lotaun, apotu ikes toara ŋituŋa daadaŋ alotaun, nai kimyekis tolot ekile ŋolo etoodikini ikes erot ŋolo elomarere lotaun, toloto kaapei ka ekal keŋ.