Yos. 6:20 - Ebaibul

²⁰ Tokutakis nai ŋisacaradotin ŋamomwar a ŋimeesekin. Ŋinapei eiraryata ŋituŋa eruye a ŋamomwar a ŋimeesekin, tocelut kiworout nooi, tosodi arwatata toritakin kwap. Toemaros ŋituŋa tooma etaun aneni daadaŋ aya ikes, kikamasi etaun daadaŋ.

Yos. 6:20 Iomraidhean Croise

2 Ŋakiro a ŋirwa 13:15

Tocelut nai nooi ŋasigarya a Yudaya, apaki ŋin ŋina aceluniata ikes nooi, abu Akuj tobwaŋ Yeroboam ka Ŋisirael daadaŋ alokiŋaren Abiya ka ŋasigarya a Yudaya.

Sepan. 1:16

akoloŋit ŋina ituruunere arupepe ka ŋina eramakinere eli ŋolo itijikinere ŋitaunio ŋulu edukuk nooi ka ŋituŋa ŋulu eya naduketa ŋuna aoyak nooi, ŋuna ejiere.”

Ŋibur. 11:30

Anupit iŋes aukoror arwatata ŋina a Yeriko, kedaut Ŋisirael akirim ŋirwa ŋikanikaarei.

Yos. 6:5

Ani iirarete iyes ŋisacaradotin ekusete ŋamomwar ekaoyan, itemokino ŋituŋa daadaŋ tocelut nooi kiworout, ikotere ebwaŋa arwatata ŋina ke etaun toukor, tosodi toemaros ŋituŋa daadaŋ tooma etaun.”

1 Sam. 4:5

Ani edolunere Asaduku ŋina ka Acamunet a Ekapolon neni eboiyoto Ŋisirael, tocelut Ŋisirael daadaŋ nooi, kituruturokin akwap.