Yos. 6:18 - Ebaibul

¹⁸ Nai iyes, kiuryasi, nyetapa idiotuŋanan ŋiboro ŋulu ilamitae ŋul, ikotere apaki ŋina imunyaryata iyes ikes, nyikodut ŋiboro ŋulu ilamam, yaut nalomari ŋina a Ŋisirael, ido kituruwosi ŋina ilamam, ŋina akodakin ŋican.

Yos. 6:18 Iomraidhean Croise

2 Sam. 21:1

Alokaru a ŋulu araakar Daudi ekepukan, abu eron toropik eyai nakwap keŋ ŋikaru ŋiuni; aŋun, abu Daudi kiŋit Ekapolon ŋakiro a ŋironia a ŋul. Toboŋok Ekapolon iŋes tema, “Erae aŋuna iilitor Saul ka ekal keŋ aŋuna aponiata toara Ŋigibeoni.”

Ekal. 9:18

Ejok aosou akilo ŋiboro ŋulu a ejie, nai epedori ekasecan epei bon amunaar ibore ŋini alalan ŋini ajokan.

Yona 1:12

Tolimok Yona ikes tema, “Kimasakinae ayoŋ nanam, ikotere edipakin anam aŋuna kus; anerae ayeni ayoŋ atemar erae aŋuna kaŋ iŋes abunio ekuwuam lo ŋolo apolon nooi neni kus.”

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

2 Ŋikor. 6:17

Nabo, ebala Ekapolon, “Itemokino iyes toesikis ikes, totyakaros aneni kec. Nyitap idiobore ŋini nyeseg, ido ekejau ayoŋ iyes.

Ŋiep. 5:11

Nyilomanarete nakiro ŋuna koŋinae ŋuna ka akiryonut, nai kisileereutu ikes.

Ŋikis. 13:17

Nyiridasi a ŋakan kus idiobore ŋini emaikina tomunaarae, ikotere ejoŋoe Ekapolon aŋoikinit iyes, ikisyon iyes, ido anakisyon keŋ, ikitiput iyes lopite ŋolo ekoŋitor neni atapapaa kus.

Ŋikis. 23:10

Ani kitoroniyar ituŋanan aŋuna abunio kiruja nakwaare, ido tobuko ŋaokot ŋuna ka aur, emaikina iŋes tolot aneni eperi ajore ka nyemaikina iŋes toboŋu neni eperi ajore.

Ŋikis. 7:26

Nyiyaut ŋiboro ŋulu eŋerit Akuj nakais kus, kitiyata iyes ŋun, ikityakaryo iyes daŋ toruworos ŋulu ikimunyaryo ikwa ikes. Emaikina iyes toŋerito jik ka tojamuwarito ikes, anerae erae ikes ŋulu etyakaritae aŋuna ka akinyasuno.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:13

Tonyou, kitaleu ŋituŋa. Tolimok ikes ebe, ‘Kitesegunos aŋuna a moi taparacu, anerae ebala Ekapolon ŋolo erae Akuj a Ŋisirael ebe, eyakasi ŋiboro ŋulu icenen neni kus Ŋisirael, nyiwoikinete iyes ŋimoe kus mati jik kilemasi iyes aneni kus ŋiboro ŋulu ikicikitae iyes atemar nyilemasi.’

Yos. 7:15

Ani nai ŋini eseunio toryamunae eyakar ŋiboro ŋulu icenen, eponio akicunyakin iŋes ka ŋiboro keŋ daadaŋ kaapei ka ŋituŋa keŋ, anerae abil iŋes Acamunet ŋina ke Ekapolon ka nabo etiya ŋuna a ŋileec nooi alo Isirael.”

Yos. 7:25

Abu Yosua tema, “Kaanukiro ikiinakinia iyoŋ isua ŋican? Ikisicani Ekapolon Akuj iyoŋ nakoloŋit na.” Kiruwakis Ŋisirael daadaŋ Akan ka ŋituŋa keŋ a ŋamoru, tocakae ikes ka ŋibaren kec, tosodi kicunyakinae.

1 Yoa. 5:21

Ŋidwe kaŋ, tocoikisi ŋakujo ŋuna nyerae ŋuna a kire.

1 Sam. 15:9

Kimyekis Saul ka ŋituŋa Agag ka ŋamesekin ta ŋaatuk ŋuna ajokak, ŋitak ŋulu atumak ka ŋikaalei ta ibore daadaŋ ŋini ajok, apotu ikes nyear ŋul, nai apotu ikes tomunyasi jik ibore daadaŋ ŋini ajamuwarito ikes ka acaryoono aneni kec.