Yos. 6:17 - Ebaibul

¹⁷ Emunyaryo iwon etaun lo kaapei ka ibore daadaŋ ŋini eyai tooma keŋ aŋuna ke Ekapolon. Raab bon amalaat kaapei ka ŋituŋa keŋ ikes eesikinio aŋuna abunio iŋes kiwua ŋirototin yok ŋulu eyakitae iwon ne.

Yos. 6:17 Iomraidhean Croise

Akisy. 12:3

Eterereŋi ayoŋ ŋulu ikiterereŋete iyoŋ, tosodi eceni ŋulu ikicenete iyoŋ. Aŋuna kon, eterereŋi ayoŋ ŋituŋa ŋulu ka akwap daadaŋ.”

Esir 10:8

ka atemar ituŋanan ŋini nyebuni Yerusalem alotooma ŋirwa ŋiuni, lopite ŋolo atubunitotor ŋikapolok ka ŋikasikou emaikina todemarae iŋes ŋiboro keŋ daadaŋ, ido nyimarakinio nabo iŋes lotuŋa ŋulu aboŋunete aneni arikoritae.

Isa. 34:6

Eyakar Ekapolon ekileŋ, ileleba ŋaokot lokileŋ ŋol, erapit arurak ekileŋ ŋol, ileleba ŋaokot a ŋikaalei a ŋulumesekin ka ŋuna a ŋamee lokileŋ ŋol, ileleba ŋaruraka a ŋiŋalur a ŋimeesekin lokileŋ ŋol, anerae eyakar Ekapolon amuronot Bosira, eari Ekapolon ŋituŋa ŋulu alalak alo Edom.

Yer. 46:10

Erae akoloŋit ŋin ŋina ke Ekapolon Akuj ŋina a ŋajoresyo, akoloŋit ŋina ka akinyaŋar ŋakiro a ŋimoe keŋ. Eari ekileŋ ikes tari ŋina eupya, tari ŋina eronikiniata ŋaokot a ŋimoe ikes. Eari Ekapolon Akuj ŋina a ŋajoresyo ŋimoe keŋ erae amuronot anakwap a ŋina alo Kuju alodiyete aŋolol Eupurate.

Esek. 39:17

“Lokoku a ituŋanan, alimu Ekapolon Akuj ŋakiro nu atemar tonyarau ŋikabilae a ŋikeny daadaŋ ka ŋityaŋ ŋulu ka ariet daadaŋ, tolimok ikes ebe, ‘Tocunakinos, ido potu kaapei anakiboisyo a daadaŋ akinyam ŋituŋa ŋulu aarit ayoŋ aŋuna kus, aarit ayoŋ ŋituŋa ŋulu alalak nooi alokamukumukui a ŋulu a Isirael, inyamete iyes akiriŋ kec ka imasete ŋaokot kec.

Ŋilep. 27:21

Ani kipotokin ŋalup ŋun alokaru a ŋolo a ŋatomonikan neni ke Ekapolon eruwor ŋalup ŋun ŋuna esegak ŋuna erae ainakinet neni a ŋisacaradotin.

Mika 4:13

Ebala Ekapolon ebe, “Ŋituŋa a Yerusalem, toloto kisicana ŋimoe kus, eketogogoŋi ayoŋ iyes ikwa emaanik ŋolo egogoŋ ŋamomwar ikwa ŋasuwa ka togogoŋ ŋimolokony ikwa eburonis. Ireunete iyes ŋakwapin ŋuna alalak, ikiinakinete iyes ayoŋ ebari kec ŋolo kepotu ikes toŋatut anaryenyeo. Iyaunete iyes ebari ŋol neni kaŋ ke Ekapolon a akwap a daadaŋ.”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

1 Ŋikor. 16:22

Ani pa kemina ituŋanan Ekapolon, itemokino iŋes kicenoi. Ekapolon kosi, bua!

1 Ŋikor. 2:7

Nai ikitatami isua iyes aosou ŋina ka Akuj ŋina imunono ŋina iwuaitae. Eriŋa tari akwap nyesubuna, keris Akuj ketyaku atemar itemokino iwon omora ka iŋes apolou keŋ.

Ŋigal. 3:10

Ilamam ŋituŋa ŋulu erubakinito iwuapito ŋuna a Ŋikisila. Anerae ebasi Ŋakigireta ebe, “Ilamam aneni ka Akuj ituŋanan daadaŋ ŋini nyiwuapit ŋakiro daadaŋ ŋuna igiritae lokitaabo ŋolo a Ŋikisila”.

Ŋigal. 3:12

Nai emam ŋuna a Ŋikisila ŋuna etapito anupit, ikwapei ebaakatar Ŋakigireta ebe, “Erae akitiya daadaŋ ŋuna ecamito Ŋikisila epedorya ituŋanan akiyar”.

Ŋikis. 20:17

Emaikina iyes kitoŋopiyasi anakwap ŋituŋa lu: Ŋiitaiti ka Ŋiamori, Ŋikanaani ka Ŋiperisi, Ŋiipi ka Ŋiyebusi. Tomunyasi ikes lopite ŋolo ikicikia Ekapolon Akuj kus iyes akitiya,

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

Yak. 2:25

Ekote ŋakiro nenipei nen tari aneni ka amalaat a ŋina anyaritae Raab. Abu Akuj kituruwo iŋes ŋina iyookino alokiŋaren keŋ aŋuna a ŋiticisyo keŋ; anerae abu iŋes kijau ŋirototin ŋulu a Isirael, kiŋarak ikes tosiwa alorot ke ece.

Yos. 2:1

Kiyakiya nai Yosua ŋolo arae lokoku a Nun ŋirototin ŋiarei aneni anyaritae Sitim alosit akireb anakimunono. Kicik ikes tema, “Toloto torebo akwap, torae nooi Yeriko.” Toloto ikes, tolomasi ewari kai ŋina ka amalaat a ŋina anyaritae Raab topero nen.

Yos. 2:22

Toloto ŋirototin lowae ŋolo eya ŋikamukumukui, kiriyata aina ŋirwa ŋiuni, akitodol ŋina aboŋoryata ŋikilyok ŋulu ewuapito ikes. Kirimo ŋikilyok ŋul iwarito ŋirototin ŋul nen daadaŋ, nyeryamut.

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”

1 Sam. 15:6

Tolimok Saul Ŋikeni tema, “Toloto! Toema nariet! Topakaros aneni a Ŋiamaleki, ani kemam, akamunyari ayoŋ iyes kaapei ka ikes; kitiyata ŋun, anerae ipotu iyes kitoodiut arimao neni a Ŋisirael a daadaŋ apaki ŋina aponiata ikes alo Ijipit.” Aŋun, apotu Ŋikeni topakaros aneni a Ŋiamaleki.