Yos. 5:2 - Ebaibul

² Apaki ŋin, tolimok Ekapolon Yosua tema, “Kibetununu ŋamoru kisitiya ikwa ŋileŋia kileŋerya nabo Ŋisirael.”

Yos. 5:2 Iomraidhean Croise

Awos. 4:25

Nai abu Sipora tolemu amoru ŋina akwanan kileŋerya lokoku keŋ, ido totapak amuny ŋina atubun nakejen a Moses tema, “Kire jik, irae iyoŋ ekile kaŋ ŋolo irae a ŋaokot!”

Ŋirom. 2:29

Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.

Ŋirom. 4:11

Eleŋeryo iŋes ekaku, ido toruwor akileŋeryo keŋ emacar ŋolo itoodiunit atemar aŋuna ka anupit keŋ, aris Akuj kecamu iŋes erae ŋolo iyookino eriŋa nyileŋera. Aŋun, erae Aburaam papaa a daadaŋ a ŋulu enupito Akuj ka ŋulu adau iŋes acamun erae ŋulu iyookino, tari pa kileŋeritae.

Ŋikis. 10:16

Aŋun tokona, kilocokisi ŋipitesyo kus, tojoŋoto jik arakau ŋituŋa ŋulu egogoŋ ŋakyes;

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋikol. 2:11

Anakimorikina ka Kristo, iruworosi tokona iyes ŋulu ikileŋeritae; meere ka akileŋeryo a ŋina itiyaete ŋituŋa, nai ka akileŋeryo a ŋina etiyae Kristo, ŋina ikilacakinit iyes anapedor a ŋina ke ekuwane a ŋolo ka aseconu.

Yos. 5:3

Kitiyau nai Yosua ŋileŋia ŋulu arae ŋamoru kileŋerya Ŋisirael alomukura a ŋolo enyaritae Gibeas-Aralos.