Yos. 4:9 - Ebaibul

⁹ Abu daŋ Yosua tolimok ŋikilyok ŋul asipokin ŋamoru ŋatomon ka ŋaarei kidiŋ aŋolol Yorodan neni sek awuatar ŋisacaradotin ŋulu adakito Asaduku ŋina ka Acamunet. Eriŋa ŋamoru ŋun eya nen tari tokona.

Yos. 4:9 Iomraidhean Croise

Akisy. 26:33

Tolimok Isaka ekiro a akare a ŋin Siba; aŋun, aponi tonyarae ekiro a etaun a ŋolo abu min nen Beeriseba tari tokona.

Akisy. 28:18

Tonyou Yakob a nen taparacu sek, tolemu amoru ŋina sek ecoloŋit iŋes eperi, tosipok kwap, tobukok akimyet kidiama namoru ŋin.

2 Sam. 4:3

(Apaki ŋin, keris ŋituŋa a Beeros keema Gitaim, ido eriŋa iboiyete a nen tari nakoloŋit na erae ŋigelaanotin.)

1 Ŋirw. 18:31

Tolemu iŋes ŋamoru ŋatomon ka ŋaarei, ekimar ŋolo a ŋikabilae a ŋidwe a ŋulusapa a Yakob a ŋolo abu akirot bu neni keŋ ebala, “Eruwor ekiro kon Isirael.”

2 Ŋakiro a ŋirwa 5:9

Aoyak ŋipirin ŋul nooi, atakanete ŋakyes kec anakibois a ŋina Asegan nooi iyai kiŋaren akibois ŋina ayai kidiŋ Akai ka Akuj, nai pa atakanete iyai kiŋa akibois ŋina Asegan nooi; eyakasi ŋipirin ŋul nen tari tokona.

Awos. 24:12

Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Awos. 28:21

Emaikina ŋamoru ŋun erae ŋatomon ka ŋaarei, a ŋinamoru egiritae ekiro epei a ŋidwe a Yakob a ŋulusapa; ŋolokiro imarit ekabila epei alotooma ŋikabilae ŋulutomon ka ŋiarei.

Mat. 27:8

Aŋun, iŋes eriŋa enyaritere emanikor ŋol, “Emanikor a Ŋaokot” tari tokona.

Mat. 28:15

Kijaasi ŋisigarya ŋisiliŋa kiwuapa ŋakiro ŋuna alimokinitae. Ekeikina ŋakiro nu Loyudayan daadaŋ tari nakuwar na.

Ŋikis. 34:6

Aponi tonukae akuwan keŋ nakadipaalat ŋina anakwap a Moab ŋina ayai neni eteosi ka Bes-Peor, nai mam ituŋanan eyeni neni eyai alyal keŋ tari tokona.

Yos. 24:26

Kigir Yosua ŋakiro ŋun lokitaabo ŋolo a Ŋikisila a ŋulu ka Akuj, tosodi tolemu amoru ŋina apolon, tosipok diyete ekuyon ŋolo apolon ŋolo ayai nakibois ŋina Asegan ŋina ke Ekapolon.

Yos. 4:10

Apaki ŋina adokaryata Ŋisirael ekekwaye aŋolol Yorodan, arubakinito ŋisacaradotin ŋulu adakito Asaduku ŋina ka Acamunet ewuasi alokidiŋ aŋolol, akitodol ŋina erikakinotor ŋakiro daadaŋ ŋuna ecikit Ekapolon Akuj Yosua alimokin ŋituŋa kitiyata, lopite ŋolo keris Moses kicikia Yosua. Apotu ŋituŋa kiburuburakis akidok aŋolol ekekwaye.

Ŋikat. 1:26

Abu nai ekile ŋol tolot nakwap a Ŋiitaiti, toduk etaun, tolimok ekiro a etaun a ŋol Lus, ekiro ŋol iŋes enyaritere etaun ŋol tari tokona.

1 Sam. 30:25

Akisyakin anakoloŋit a ŋin, abu Daudi totub ŋun erae ekisil ŋolo amaikina kiwuapae anakwap a Isirael; eriŋa ŋun iwuapitae tari nakoloŋit na.

1 Sam. 7:12

Tolemu nai Samuel amoru a nen, tosipok kidiŋ Misipa ka Yesana, tolimok ekiro a amoru a ŋin Ebenesa, anerae abu iŋes tema, “Erae na esuuda ŋolo itoodiunit atemar ikiŋarak Ekapolon iwon tari tokona.”