Yos. 4:3 - Ebaibul

³ Kisirwor ikes tema, ‘Kideputu ŋamoru ŋatomon ka ŋaarei aneni awuatar ŋisacaradotin alokidiŋ aŋolol Yorodan, tosodo yaasi kiwuakis neni iperiyorete iyes lolo.’ ”

Yos. 4:3 Iomraidhean Croise

Akisy. 28:22

Tosodi eruwor amoru na ŋina etowoik ayoŋ ne neni ilipere Akuj; ibore daadaŋ ŋini ikiinakini iyoŋ ayoŋ Akuj, akainakini ayoŋ iyoŋ atutubet apei anatomon.”

Ŋikiru. 103:2

Okoe etau kaŋ, kipur Ekapolon, nyikimuryakis ŋuna ajokak daadaŋ ŋuna adau iŋes akitiya.

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Luk. 19:40

Toboŋok Yesu ikes tema, “Akalimokini ayoŋ iyes atemar, ani kililiŋa ikes, ecelunete ŋamoru nu.”

Yos. 24:27

Tolimok nai Yosua ŋituŋa daadaŋ tema, “Amoru na iŋes ikisuudae iwon aŋuna adaunia akiirar ŋakiro daadaŋ ŋuna erwor Ekapolon neni yok. Iŋes ebuni akisuuda iyes erae pa kiwuap iyes acamit a Akuj kus.”

Yos. 3:13

Apaki ŋina iciakyata ŋisacaradotin ŋulu edakito Asaduku ŋina ka Acamunet a Ekapolon a ŋolo erae elope ka akwap daadaŋ ŋakipi ŋuna a Yorodan, etubosi ŋakipi towua aiwapei.”

Yos. 4:4

Tosodi nai Yosua tonyarau ŋikilyok ŋitomon ka ŋiarei ŋulu keris iŋes keseu, a ŋolokabila epeikile.

Yos. 4:8

Kitiyata Ŋisirael ikwapei ecikitor Yosua ikes, apotu kideput alokidiŋ aŋolol Yorodan ŋamoru ŋatomon ka ŋaarei ekimar ŋolo a ŋikabilae a Ŋisirael, lopite ŋolo kelimokinitor Ekapolon Akuj Yosua. Apotu ikes yaasi ŋamoru tari neni alomete ikes kiwuakis nen.

1 Sam. 7:12

Tolemu nai Samuel amoru a nen, tosipok kidiŋ Misipa ka Yesana, tolimok ekiro a amoru a ŋin Ebenesa, anerae abu iŋes tema, “Erae na esuuda ŋolo itoodiunit atemar ikiŋarak Ekapolon iwon tari tokona.”