Yos. 4:24 - Ebaibul

²⁴ Erae ŋun ikotere akiteyenunia ŋituŋa daadaŋ anakwap atemar egogoŋ Ekapolon Akuj ka erae ikotere iyes itopoloorete Ekapolon Akuj kus ŋikaru ka ŋikaru.”

Yos. 4:24 Iomraidhean Croise

1 Ŋirw. 8:40

Aŋun nai, ikitopoloorete ikes iyoŋ ŋirwa daadaŋ ŋulu iboiyoto ikes anakwap a ŋina ibu iyoŋ inak atapapaa kosi.

1 Ŋirw. 8:60

ikotere nai ŋituŋa ka akwap a daadaŋ eyenunete atemar erae Ekapolon Akuj; mam Akuj ace.

2 Ŋirw. 19:19

Tokona Ekapolon, iyoŋ ŋolo irae Akuj kosi, tolakunae isua aneni a Senakerib, ikotere toyenut ŋakwapin a daadaŋ atemar iyoŋ bon irae Akuj.”

2 Ŋirw. 5:15

Toboŋosi nai Naaman ka ŋisigarya keŋ neni ke Elisa. Towo Naaman alokiŋaren Elisa tema, “Ayenu tokona ayoŋ atemar mam anakwap a daadaŋ neni eyai Akuj mati Isirael bon; tocamu tokona ainakinet aneni kaŋ a eketiyan kon.”

1 Ŋakiro a ŋirwa 29:12

Neni kon eponitotor ebari ka apolou; iyoŋ ipukat ŋinibore daadaŋ. Nakan kon eyakasi agogoŋu ka apedor, akitopoloor ka ainakin agogoŋu neni a daadaŋ.

Yob 40:9

Igogoŋ iyoŋ lopite ŋolo egogoŋio Akuj a? Ipedori iyoŋ agirokin a etoil a ŋolo ikoni ŋolo keŋ a?

Ŋikiru. 106:8

Kikote neni daŋ, abu Akuj toiu ikes aŋuna ke ekiro keŋ, ikotere Akuj iteyenuni apedori keŋ ŋina etiron.

Ŋikiru. 89:13

Epol nooi agogoŋu kon, itopolooritae nooi apedor kon.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Awos. 14:31

Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Awos. 15:16

Emini ekabule ka akuryanu neni kec; anapedor a ŋina ka akan kon. Okoe Ekapolon! Itiiraete ikes ikwa amoru, akitodol ŋina elunyarotor ŋituŋa kon, itiiraete ikes akitodol ŋina elunyarotor ŋituŋa ŋulu ibu iyoŋ toiu.

Awos. 20:20

Tema Moses neni a ŋituŋa, “Nyikuryaketa, anerae ebunit Akuj erae akikatakin iyes, ikotere torubakis iwuapito ŋakiro keŋ nyiseceta.”

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Isa. 52:10

Etoodik Ekapolon apedor keŋ, neni a ŋituŋa a ŋakwapin a daadaŋ; iŋolikinete ŋituŋa a ŋakwapin a daadaŋ aiuno ŋina ka Akuj yok.

Yer. 32:40

Ewuakini ayoŋ acamunet ŋina a ŋikaru ka ŋikaru ka ikes, arubakini ayoŋ jik etiyae ŋuna ajokak neni kec, ewuakini ayoŋ lotai kec akitopoloorit ayoŋ, ikotere nyakaŋero nabo ikes ayoŋ.

Ŋikis. 28:10

Eyenunete ŋituŋa a akwap a daadaŋ atemar irae iyes ŋituŋa a Ekapolon, ido ikikerete ikes iyes.

Ŋikis. 6:2

Ikotere iyes ka ŋidwe kus ta ŋidwe a ŋidwe kus, itopoloorito Ekapolon Akuj kus ŋirwa ŋulu ka akiyar kus daadaŋ, kiwuapa ŋakiro ŋuna etubunit iŋes daadaŋ ka ŋakiciketa keŋ ŋuna ekeciki ayoŋ iyes akiwuap, ikotere tolalata ŋirwa a akiyar kus.

1 Sam. 17:46

Ikipotokini iyoŋ Ekapolon nakoloŋit na napedor kaŋ, ido akaari ayoŋ iyoŋ ekemasak kwap, otubo akou kon. Aarakini ayoŋ ŋataruk ka ŋityaŋ a akwap ŋajorei a Ŋipilistin nakoloŋit na, ikotere nai akwap daadaŋ eyenuni atemar eyai Akuj Isirael.