Yos. 4:14 - Ebaibul

¹⁴ Akoloŋit ŋin, abu Ekapolon Akuj kituruwo Yosua ekarwon alokiŋaren Ŋisirael daadaŋ, tokera ikes iŋes ŋirwa daadaŋ ŋulu ayarya Yosua, tokera lopite ŋolopei sek kekeritotor Moses.

Yos. 4:14 Iomraidhean Croise

1 Ŋirw. 3:28

Kiirasi Ŋisirael daadaŋ epite ŋolo kebunio erwosit totubio ŋakiro ŋun; min akereru neni kec aŋuna a erwosit, anerae apotu ikes kiŋolikis aosou ŋina ka Akuj ŋinatubet ŋakiro iyookino eyai neni a erwosit.

2 Ŋirw. 2:15

Kiŋolik atukot a ŋikadwarak a ŋulu a Yeriko Elisa elwana, tolimu tema, “Aryamu Elisa apedor ŋina ke Eliya.” Potu ŋikadwarak ŋul, kisiryama iŋes, kijuuroto a lokiŋaren keŋ.

1 Ŋakiro a ŋirwa 29:25

Abu Ekapolon kitopoloo Solomon nooi alokiŋaren Ŋisirael daadaŋ, inak iŋes apolou ŋina ailiilon, ŋina emam ekiŋaren erwosit alo Isirael ayakar.

2 Ŋakiro a ŋirwa 30:12

Alo Yudaya daŋ, abu Akuj inak ŋituŋa acamun ke epeitau anakimorikina akitiya ŋuna alimunito erwosit ka ŋikapolok anakirot a ŋina ke Ekapolon.

Awos. 11:3

(Abu Ekapolon inak Ŋijipitian arimaanikin Ŋisirael, ido abu Moses toruwor ŋolo etopoloorito ŋulu epukatotor Parao ka ŋituŋa ŋulu a Ijipit daŋ.)

Awos. 14:31

Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Ŋakit. 24:21

Ikaakoku, kitopoloorite Ekapolon ka erwosit, nyicamu akimorikin ka ŋituŋa ŋulu eŋerito Ekapolon, kori erwosit;

Ŋirom. 13:4

Anerae erae iŋes eketiyan ŋolo ka Akuj, ŋolo itiyae etic keŋ aŋuna ka akiŋarakin iyoŋ. Nai ani kitiya iyoŋ ŋuna aronok, itemokino tokuryaniar aneni keŋ, anerae eyakar iŋes apedor ŋinakisicanet iyoŋ. Erae iŋes eketiyan ŋolo ka Akuj ŋolo eyauni akisicanet ŋina ka anyunyura a ŋina ka Akuj neni a ŋulu itiyaete ŋuna aronok.

1 Ŋikor. 10:2

Aponi kibatisae ikes daadaŋ ananam eriŋa edou imukorit ikes, toruworos ŋikewuapak a Moses.

Yos. 3:7

Kirwor nai Ekapolon neni a Yosua tema, “Akoloŋit na, esyakini ayoŋ akitopoloor iyoŋ alokiŋaren Ŋisirael daadaŋ, ikotere toyenuniata ikes atemar ikiruki ayoŋ ka iyoŋ lopite ŋolo abunio orukioto ka Moses.

Yos. 4:13

Arae ekimar kec edokarete anaŋolol Yorodan ŋalipyo ŋatomoniomwon. Atenito ikes ejie etubete aŋolol alokiŋaren Ekapolon Akuj, toloto ejie nadipo ŋina alo Yeriko.

Yos. 4:15

Tolimok Ekapolon Yosua tema,

1 Sam. 12:18

Aŋun, abu Samuel tonyara Ekapolon, ido abu Ekapolon yau agiro ka akiru akoloŋit ŋin; kitopoloosi nooi ŋituŋa daadaŋ Ekapolon ka Samuel.