Yos. 4:13 - Ebaibul

¹³ Arae ekimar kec edokarete anaŋolol Yorodan ŋalipyo ŋatomoniomwon. Atenito ikes ejie etubete aŋolol alokiŋaren Ekapolon Akuj, toloto ejie nadipo ŋina alo Yeriko.

Yos. 4:13 Iomraidhean Croise

2 Ŋirw. 25:5

Nai abu ajore ŋina a Ŋibabiloniyae kiwuap erwosit, ido toditasi anadipoe a Yeriko. Apotu ŋasigarya a Sedekia daadaŋ toema kielaros aneni keŋ

Awos. 13:18

Aŋun, abu Akuj kisitor ikes lorot ŋolo pa acorot ŋolo etorit naloŋisat tomia nanam ŋina Areŋan. Apotu Ŋisirael kitipeut alo Ijipit etiŋito ŋiboro ŋulu ke ejie etenito ejie.

Yer. 39:5

Nai apotu ŋasigarya a Ŋibabiloniyae kiwuapakis ikes, ido toditasi Sedekia anadipoe a Yeriko. Kedaut akikamun Sedekia, kitipeunioto iŋes neni a erwosit Nebukadinesar a ŋolo a Babilon alo Ribila anakwap a ŋina ka Amas. Abu nai erwosit totubok Sedekia a nen.

Yer. 52:8

Nai apotu ŋasigarya a Ŋibabiloniyae kiwuapa erwosit Sedekia, ido toditasi anadipoe a Yeriko, apotu ŋasigarya a Sedekia daadaŋ toema kielaros aneni keŋ.

Ekim. 32:17

nai ikilemuni isua ŋiboro kosi ŋulu ke ejie, kiŋarenikinoe Ŋisirael daadaŋ tari ŋina ikiyaunia isua ikes nakibois kec. Nai mono emaikina ŋidwe kosi kidoŋo lotaunio ŋulu edukuk ejok aŋuna a ŋituŋa a ŋulu iboiyete anakwap a na.

Ŋiep. 6:11

Tonapa ŋiboro daadaŋ ŋulu jiyet ŋulu ikiinakini Akuj iyes, ikotere nai ipedorete akitepeg, kipiyosi ŋakiro ŋuna aronok ŋuna ikilokitor Satan.

Ŋikis. 3:18

Apaki ŋin, abu ayoŋ ekecik iyes otema, “Tari daŋ kikiinit iyes Ekapolon Akuj kus akwap ŋin toruwor ŋina kus, emaikina ŋasigarya kus totuboros ekekwaye Yorodan etiŋito ŋiboro ŋulu ke ejie, kiŋarenikis ŋiyeneta kus Ŋisirael ŋuluce.

Yos. 4:12

Apotu ekabila a Ruben ka ŋolo a Gad ta atutubet apei ŋina ke ekabila a Manase kipopooros etiŋito ŋiboro ŋulujiet, kiŋarenikis Ŋisirael lopite ŋolo kelimokinitor Moses ikes.

Yos. 4:14

Akoloŋit ŋin, abu Ekapolon Akuj kituruwo Yosua ekarwon alokiŋaren Ŋisirael daadaŋ, tokera ikes iŋes ŋirwa daadaŋ ŋulu ayarya Yosua, tokera lopite ŋolopei sek kekeritotor Moses.

Yos. 5:10

Ani eriŋa Ŋisirael elomito Giligal, nadipo ŋina alo Yeriko, apotu kinumunuma ŋasuban ŋuna a Paska eboŋ ŋirwa ke elap ŋitomon ka ŋiomwon elap ŋolo ke epei.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.