Yos. 3:16 - Ebaibul

¹⁶ totubos ŋakipi, towua aiwapei aneni alwanan, alotaun a ŋolo anyaritae Adam, a ŋolo ebakasi ka Saretan. Tosodo ŋakipi ŋuna aleleete lowae ŋolo ka anam a ŋina enyaritae ŋina Atwan, totubos. Todokasi nai ŋituŋa ekekwaye aŋolol Yorodan alowae a ŋolo iteosi ka Yeriko.

Yos. 3:16 Iomraidhean Croise

Akisy. 14:3

Tocunakis ŋirwosi ŋulukan ŋul ŋajorei kec nakadipaalat ŋina a Sidim (iŋes Anam ŋina Atwan.)

1 Ŋirw. 4:12

Baana lokoku a Ailid, iŋes epukat Taanak, Megido ka Bes-sean daadaŋ akwap ŋina edunyasi ka Saresan ŋina ayai kwap etaun Yesireel, ido anyoun alo Bes-sean tari Abel-Meola, akitodol yaye Yokimeam;

1 Ŋirw. 7:46

Aponi ŋiboro ŋul daadaŋ kitiyaunae anadipo a ŋina a aŋolol Yorodan alokidiŋ Sukos ka Saresan ikwapei alimunitor erwosit Solomon.

Ŋikiru. 114:3

Abu anam ŋina Areŋan totyaik ikes ka abu aŋolol Yorodan tojoŋo alel;

Ŋikiru. 114:5

Kaanukiro, abunio anam totyaikinia ikes? Kaanukiro abunio Yorodan, tojoŋo alel?

Ŋikiru. 29:10

Ekapolon iŋes ipukat akalele; Ekapolon iŋes ipukat ikwapei Erwosit ŋikaru ka ŋikaru.

Ŋikiru. 33:7

Abu iŋes kiwuak ŋakipi a ŋanamyo iwapei lopite ŋolo iwuakinere ŋakipi namot; ecunanakini iŋes ŋakipi ŋuna alalak loburin a ŋanamyo.

Ŋikiru. 66:6

Abu iŋes kilocok neni sek arae anam kituruwo akwap neni aonon, apotu ŋituŋa todoka aŋolol a ŋakejen. Aŋun, olelyana neni ka Akuj.

Ŋikiru. 74:15

Ibu iyoŋ toŋaana ŋiitan tolelyata ŋakipi alolelyan ka anayona, ibu iyoŋ kitoon jik ŋaŋololin ŋuna sek aleleata ŋakipi jik.

Ŋikiru. 77:19

Abu erot kon kitor kidiŋ anam, abu erot kon kitor kidiŋ ŋakipi ŋuna alalak nooi; ido mam ituŋanan abu kiŋolik ŋikukus kon.

Ŋikiru. 78:13

Abu Akuj totyak ŋakipi ka anam, kitoryo ikes kidiŋ nen todokasi; abu kitowo ŋakipi towua ikwa arwatata.

Awos. 14:21

Kikyaa nai Moses akan keŋ kidiama Nanam, ido abu Ekapolon akuwar ŋin daadaŋ totub ŋakipi ananam, kitoon nen a ekuwuam a ŋolo akutunit alo Kide.

Awos. 14:22

Tolomasi Ŋisirael Nanam ŋina Areŋan, kitoro neni aonit. Arounito ikes ŋakipi aloteten ka alokedyeny esibit ŋarwatatain.

Awos. 14:29

Nai apotu Ŋisirael todoka Anam eonit neni alosyoto ikes ka erounito ikes ŋakipi esibit ŋarwatatain aloteten ka alokedyeny kec.

Awos. 15:8

Ibu iyoŋ tokutak anam, totyakas ŋakipi ananam, apotu ŋakipi towua ikwa arwatata; apotu ŋakipi ŋuna aya nenicukul ananam kidiko.

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Esek. 47:8

Tema ekile ŋol neni kaŋ, “Eleleete ŋakipi nu nakwap ŋina eyai lowae ŋolo alo Kide, ido totiyaaros Araba. Ani elomarete nanam ŋina ewuatar ŋakipi, toruwor ŋakipi ŋuna ajokak.

Naum 1:4

Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

Abak. 3:8

Okoe Ekapolon itoŋoit mono iyoŋ ŋaŋololin a? Ayai mono anyunyura kon naŋololin a? Arae mono anam ikitoŋoit iyoŋ nooi apaki ŋina imyaarya ŋagaari ŋuna ke ejie akilounia ŋimoe kon a?

Ekim. 34:3

Alowae a ŋolo alo Kwap, emyeari ekukoru analoŋisat a ŋina a Sin (iŋes Kades) alokukoruu a ŋolo ka akwap a Edom. Egeuni ekukoru ŋolo alo Kwap alokisal a Anam ŋina Atwan a ŋina eyai Kide.

Ŋikis. 1:1

Erae nu ŋakiro ŋuna abu Moses tolimok Ŋisirael alokekwaye Yorodan, analoŋisat ka anadipo a ŋina iteosi ka Sup, anakibois a ŋina eyai kidiŋ Paran ka Topel, Laban, Aseros ka Disaab.

Ŋikis. 3:17

akwap kec iŋes Araba daŋ kaapei ka Yorodan ta ŋikipetetyo keŋ ameun alo Kineres totiyaar Nanam ŋina ka Araba, Nanam ŋina Atwan ta nadipoe a Pisiga alowae a ŋolo alo Kide.

Yos. 12:3

Adolit neni epukat iŋes nakadipaalat a Yorodan, alowae a ŋolo alo Kwap anam Galileya, akitodol Besyesimos, Kide anam ŋina Atwan, kiriwor jik tari nakeju a emoru Pisiga.

Yos. 15:2

Alowae a ŋolo alo Kwap pei, etorit ekukoru a akwap kec nakisalet a Anam a ŋina Atwan alowae a ŋolo alo To, tomyaa Kwap;

Yos. 16:7

totiyaar nai Alo Yanoa tomyaa Ataros ka Naara, togaariyo Yeriko, toŋetakin Yorodan.

Yos. 3:13

Apaki ŋina iciakyata ŋisacaradotin ŋulu edakito Asaduku ŋina ka Acamunet a Ekapolon a ŋolo erae elope ka akwap daadaŋ ŋakipi ŋuna a Yorodan, etubosi ŋakipi towua aiwapei.”

Yos. 4:22

itemokino iyes tolimokis ikes atemar apotu Ŋisirael todokut laalo aŋolol Yorodan etyaikinito ŋakipi ikes kitoro ikes neni aonit;

Yos. 5:1

Ani iirarete ŋirwosi ŋulu a Ŋiamori alo To aŋolol Yorodan kaapei ka ŋulu a Ŋikanaani alokipetotyo ka anam Mediteranian epite ŋolo kitoonio Ekapolon Akuj ŋakipi a Yorodan akitodol ŋina adokaryata Ŋisirael daadaŋ, tobuliyo ikes, tokuryaketa akitijiore Ŋisirael.

Ŋikat. 7:22

Ani ekutakinete Gideon ka ŋirukitos keŋ ŋamomwar a ŋimesekin ŋun ŋamiae ŋauni kisicumak Ekapolon Ŋimidian make, kicumucumas daadaŋ a ŋileŋia. Toema ŋajorei a Ŋimidian todolo Bes-Sita ekerete lowae ŋolo a Sesira todolo tari lotaun Abel-Meola ŋolo eyai diyete Tabas.