Yos. 3:11 - Ebaibul

¹¹ Analosit kus Yorodan, ikiŋarenikini iyes Asaduku ŋina ka Acamunet a Ekapolon Akuj ŋina erae alope akwap daadaŋ.

Yos. 3:11 Iomraidhean Croise

1 Ŋakiro a ŋirwa 29:11

Okoe Ekapolon, irae iyoŋ ŋolo ipol nooi, iyakar apedor, apolou, akiloun ka ailiil; anerae ibore daadaŋ ŋini eyai nakuj ka kwap; erae ŋini kon; okoe Ekapolon, erae apukan ŋina kon; ikitopolooritae iyoŋ irae Ekapolon a daadaŋ.

Yob 41:11

Ŋae epedori akitijikin Lepiasan, ido toyar? Ŋae alotooma akwap daadaŋ ŋini epedori akitijikin iŋes?

Ŋikiru. 24:1

Erae akwap daadaŋ ka ibore daadaŋ ŋini eyai nakwap ŋulu ke Ekapolon, akwap ka ŋituŋa daadaŋ ŋulu eyakasi nen erae ŋulu ke Ekapolon;

Ŋikiru. 97:5

Etalarete ŋimoru alokiŋaren Ekapolon, etalarete ikes ikwa amanok alokiŋaren Ekapolon ŋolo ka akwap a daadaŋ.

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Isa. 54:5

Ikiŋarakini iyes Ekapolon lopite ŋolo iŋarakinitor ekile aberu keŋ, erae ekiro keŋ Ekapolon ŋolo a ŋajoresyo. Akuj ŋina asegan ŋina a Isirael iŋes erae Ekalakunan kus, enyaritae iŋes Akuj a akwap a daadaŋ.

Yer. 10:7

okoe erwosit a ŋituŋa a ŋakwapin, ŋae nyikikerit iyoŋ, anerae emaikina ikikeritae iyoŋ alokidiŋ ŋikaosok anakwapin ka anapukasinei kec a daadaŋ, mam ituŋanan ikwaan ka iyoŋ.

Mika 4:13

Ebala Ekapolon ebe, “Ŋituŋa a Yerusalem, toloto kisicana ŋimoe kus, eketogogoŋi ayoŋ iyes ikwa emaanik ŋolo egogoŋ ŋamomwar ikwa ŋasuwa ka togogoŋ ŋimolokony ikwa eburonis. Ireunete iyes ŋakwapin ŋuna alalak, ikiinakinete iyes ayoŋ ebari kec ŋolo kepotu ikes toŋatut anaryenyeo. Iyaunete iyes ebari ŋol neni kaŋ ke Ekapolon a akwap a daadaŋ.”

Sepan. 2:11

Eryenyaanikini Ekapolon ikes nooi; kire jik, emunyari iŋes ŋakujo daadaŋ ŋuna eya nakwapin. Ilipete neni ke Ekapolon ŋituŋa daadaŋ ŋulu iboiyete alodiyete ŋanamyo ka ŋulu iboiyete aloculeta a ŋanamyo.

Sakar 14:9

Akoloŋit ŋin, Ekapolon iŋes eruwor erwosit ŋolo ka akwap a daadaŋ, eruwor Ekapolon epei bon ka eruwor ekiro keŋ bon eyai.

Sakar 4:14

Aŋun, abu nai iŋes tema, “Erae ŋul ŋikilyok ŋiarei ŋulu aseu ka etaleu Akuj akitiyanakin Akuj ŋina erae Ekapolon a akwap a daadaŋ.”

Sakar 6:5

Okoboŋok ayoŋ emalaika tema, “Erae ŋul ŋitai ŋiomwon ŋulu anakuj, ŋulu alomut kiŋa, kedaut akitoodiyar neni ke Ekapolon a ŋolo ka akwap a daadaŋ:

Ŋikis. 9:3

Toyenutu nai nakoloŋit na atemar Ekapolon Akuj kus iŋes edokari ekekwaye ikiŋarenik iyes eryenyaana esibit akim ŋina enomi akwap, emunyari iŋes ikes, ido ilouni ikes alokiŋaren kus, ikotere iyes iritarete ikes ka imunyarete ikes atipei, lopite ŋolo ikiikinia Ekapolon iyes.

Yos. 3:13

Apaki ŋina iciakyata ŋisacaradotin ŋulu edakito Asaduku ŋina ka Acamunet a Ekapolon a ŋolo erae elope ka akwap daadaŋ ŋakipi ŋuna a Yorodan, etubosi ŋakipi towua aiwapei.”