Yos. 3:10 - Ebaibul

¹⁰ Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Yos. 3:10 Iomraidhean Croise

Akisy. 15:21

a Ŋiamori, a Ŋikanaani ka ŋina a Ŋigiragasi ta ŋina a Ŋiyebusi.”

1 Ŋirw. 22:28

Tolimok Mikaia iŋes tema, “Ani kire kiboŋu iyoŋ alojie emam ŋace, iŋes atemar nyirworo Ekapolon neni kon aneni kaŋ.” Toropak iŋes erwor keŋ tema, “Kiirasi ŋituŋa daadaŋ ŋakiro ŋuna adau ayoŋ alimun!”

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

1 Ŋakiro a ŋirwa 1:14

ta Ŋiyebusi, Ŋiamori, Ŋigiragasi,

Ŋikiru. 42:2

Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

Ŋikiru. 9:16

Eyenen Ekapolon alotooma akiyookino keŋ; ikamunete ŋulu aronok ŋakiro kec ŋuna etiyata ikes.

Awos. 17:7

Tolimok Moses ŋirorwa a akibois a ŋin Masa anerae apotu Ŋisirael kisiburata ka kikatakis Ekapolon a nen kiŋita temasi, “Eyai mono Ekapolon kaapei ka iwon, kori mam?”

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Awos. 33:2

Eyakuuni ayoŋ emalaika ikitena iyes, ido eritari ayoŋ anakwap a ŋin Ŋikanaani, Ŋiamori, Ŋiitaiti, Ŋiperisi ka Ŋiipi ta Ŋiyebusi.

Isa. 7:14

Aŋun, Ekapolon elope iŋes ikiinakini iyoŋ akitoodikinet. Topupok, epotiuni apese ŋina nyiryamakina ka ekile ikoku, idouni iŋes ikoku ŋinisapat, elimokini iŋes ekiro a ikoku a ŋin Emmanuel

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Ekim. 13:29

Ŋiamaleki ikes iboiyete anakwap a ŋina a Negeb; Ŋiitaiti, Ŋiyebusi ka Ŋiamori ikes iboiyete anakwap a ŋina a ŋikamukumukui, ido Ŋikanaani ikes iboiyete alodiyete anam ka alodiyete aŋolol Yorodan.”

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Yoa. 6:69

Ikinup ka ikiyenu daŋ atemar irae iyoŋ ŋolo donupei, ŋolo ka Akuj.”

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

Ŋikis. 7:1

Ani ikiyauni iyes Ekapolon Akuj kus nakwap ŋina eapi iyes alomar ka akituruwor ŋina iboiyoto iyes, ido kirita ŋituŋa a ŋakwapin alokiŋaren kus, kirita Ŋiitaiti, Ŋigiragasi, Ŋiamori, Ŋikanaani, Ŋiperisi, Ŋiipi ka Ŋiyebusi, ŋituŋa a ŋakwapin a ŋakanikaarei ŋulu egogoŋ ka elalak akilo iyes

Ŋikis. 7:21

Nyikibul aŋuna kec, anerae Ekapolon Akuj kus ŋina irukitotor iyes, erae Akuj ŋina etubulon.

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Ŋibur. 10:31

Erae ibore ŋini kerer nooi akimin nakan ka Akuj a ŋina eyari!

Yos. 11:3

Kiyakiya daŋ ŋituŋa neni a Ŋikanaani a ŋulu alomito Kide ka To aŋolol Yorodan ka neni a Ŋiamori, neni a Ŋiitaiti, neni a Ŋiperisi ka neni a Ŋiyebusi a ŋulu alomito nakwap ŋina a ŋikamukumukui ta Ŋiipi ŋulu alomito nakeju a emoru Erimon nakwap ŋina enyaritae Misipa.

Yos. 12:8

Aponi tokorae akwap ŋina a ŋikamukumukui, ŋina ka adipo, ŋina a ŋakadipaalae, ŋina a ŋadipoe a ŋikamukumukui, ŋina analoŋisat ka ŋina alowae a ŋolo alo Kwap. Arae ŋakwapin ŋun eboiyoto sek Ŋiitaiti, Ŋiamori, Ŋikanaani, Ŋiperisi, Ŋiipi ka Ŋiyebusi.) Ŋirwosi ŋulu aponi kilounae ikes lu:

Yos. 21:45

Mam akirot apei daŋ ŋina ajokan ŋina abu Ekapolon kiik Ŋisirael ŋina abu nyiyookin. Apotu ŋakiro daadaŋ kiyookinos.

Yos. 22:31

Tolimok nai Pineas lokoku ka Eleasar ŋolo arae esacaradoti ŋituŋa a Ruben ka ŋulu a Gad ta ŋulu ka atutubet a a apei a ŋina a Manase tema, “Ikiyenu iwon nakoloŋit na atemar ikirukit iwon ka Ekapolon, anerae nyeŋero iyes akiwuapit ŋakiro ke Ekapolon anakiduk Namuroet na. Idaut tokona iyes aiun Ŋisirael, ido nyisicani Ekapolon ŋituŋa yok.”

Yos. 24:11

Ipotu nai iyes todoka aŋolol Yorodan totubunos Yeriko, neni aponiata ŋituŋa a Yeriko ikitijioto iyes lopite ŋolo aponiata ŋikabilae lu ikitijioto iyes: Ŋiamori, Ŋiperisi, Ŋikanaani, Ŋiitaiti, Ŋigerigasi, Ŋiipi ka Ŋiyebusi; nai abu ayoŋ epotok ikes nakan kus.

Yos. 3:9

Tema nai Yosua neni a Ŋisirael, “Toapuutu neni kaŋ, kiirasi ŋakiro ŋuna ke Ekapolon Akuj kus.”

Yos. 9:1

Apotu ŋirwosi daadaŋ ŋulu alo To Yorodan kiirasi ŋakiro ŋun. Arae ŋirwosi ŋul ŋulu anakwap a ŋina a ŋikamukumukui, ŋulu anadipo a ŋina alo To ka ŋulu alodiyete anam Mediteranian akitodol Lebanon. Arae ŋirwosi ŋul ŋulu a Ŋiitaiti, a Ŋiamori, a Ŋikanaani, a Ŋiperisi, a Ŋiipi ta ŋulu a Ŋiyebusi.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 26:6

Kiŋit nai Daudi Eitait ŋolo anyaritae Aimelek ka Abisai lokoku a Seruia lokaato a Yoab tema, “Ŋae iyes ikitiyaar ka ayoŋ ama, neni iboiyoto ŋasigarya a Saul, oloto ka ayoŋ neni a Saul?” Toboŋok Abisai tema, “Ikirukori ayoŋ ka iyoŋ.”