Yos. 24:7 - Ebaibul

⁷ Nai apotu atapapaa kus kikaloikis Ekapolon akiŋarakin ikes, tosodi abu Ekapolon kiwuak akiryonut kidiŋ ŋisigarya a Ijipit ka iyes, tomunya Ŋijipitian a ŋakipi a ŋuna ka anam. Iyenete iyes ŋilopeyek ŋuna abu ayoŋ etiya lotuŋa a Ijipit. Ekaku, ipotu iyes kiboiyoto apaki ŋina aoyan analoŋisat.

Yos. 24:7 Iomraidhean Croise

Awos. 14:10

Ani eapiyari Parao neni a Ŋisirael, kiŋoliyasi Ŋisirael kaku, kiŋolikis Ŋijipitian eponito neni kec keapuut. Kikalout Ŋisirael nooi neni ke Ekapolon, anerae abu akuryanu min neni kec.

Awos. 14:20

alokidiŋ ajore a Ŋijipitian ka ŋina a Ŋisirael, akuwar kya abu adis ŋin yau akiryonut lowae ŋolo a Ŋijipitian ka akica lowae ŋolo a Ŋisirael; apotu ŋajorei ŋun nyeapikin akuwar daadaŋ.

Awos. 14:31

Ani iŋolikinete Ŋisirael apedor ŋina apolon ŋina abu Ekapolon kitoodik Ŋijipitian, apotu Ŋisirael tokera Ekapolon, ido kikinyoma iŋes ka Moses eketiyan keŋ.

Ŋikis. 1:46

Ani kidaut iyes akiboi alo Kades ŋirwa daadaŋ ŋulu ipotu iyes kiboiyoto a nen,

Ŋikis. 2:14

ido apaki ŋin, aponi iwon yaarae elosyo ameun alo Kades-Barinea tari ŋina adokere iwon ayonae Sered ŋikaru ŋatomoniuni ka ŋikanikauni, akitodol ŋina atwakyata ŋikajiok a anyamet a ŋin daadaŋ analomar, lopite ŋolo arisyo Ekapolon kikoŋio aŋuna kec.

Ŋikis. 29:2

Abu Moses tonyarau Ŋisirael daadaŋ, tema neni kec, “Ipotu iyes kiŋolikis ŋakiro daadaŋ ŋuna abu Ekapolon kitiya anakwap a Ijipit neni a Parao, neni a ŋikapolok a ŋulu epukatotor iŋes ka nakwap keŋ daadaŋ,

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋibur. 3:17

Arae ataŋae koloŋ aŋoikinit Akuj ŋikaru ŋatomoniomwon? Arae ŋituŋa ŋulu asecito, ŋulu apotu totwaka analoŋisat.

Yos. 5:6

Arae ŋun aŋuna awosyata Ŋisirael analoŋisat ŋikaru ŋatomoniomwon tari ŋina amunyaror anyamet daadaŋ ŋina a ŋikilyok a ŋulu apedorito ejie a ŋulu sek awotunete alo Ijipit. Apotu ŋikilyok ŋul daadaŋ tomunyaros, anerae apotu toŋero akiwuap ŋakiro ŋuna a Ekapolon Akuj. Aŋun abu Ekapolon Akuj kikoŋ atemar nyiŋolikinete ikes akwap ŋina koloŋ ekoŋit iŋes neni atapapaa kec ainakin iwon. Erae akwap ŋin ŋina eleleata ŋakile ka akimyet ŋina ka ao.