Yos. 24:5 - Ebaibul

⁵ Abu nai ayoŋ eyakiya Moses ka Aron neni atapapaa kus nakwap a Ijipit ka abu esican ŋituŋa a Ijipit nooi a ŋakisicaneta a ŋuna abu esicania ikes, ido okoriku iyes anakwap a Ijipit.

Yos. 24:5 Iomraidhean Croise

Ŋikiru. 105:43

Aŋun, abu Akuj yau ŋituŋa keŋ elelyanete, yau ŋituŋa keŋ ŋuluseuna eosi.

Ŋikiru. 136:10

Iŋes abu toar ŋikiyae a akwap a Ijipit, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Awos. 12:37

Torotokis Ŋisirael alo Ramases toloto tari Sukos. Arae ikes ŋikilyok ŋulu aapiyarit ekimar kec ŋalipyo ŋamiae ŋakanikapei pa imarakinitae ŋaberu ka ŋidwe.

Awos. 12:41

Ani edaun ŋikaru ŋul, akoloŋit ŋina jik aŋetakinotor, apotu ŋatukon ŋuna asibito ŋajoresyo ŋuna ke Ekapolon torotokis anakwap a Ijipit.

Awos. 12:51

Abu nai Ekapolon yau Ŋisirael a ŋatukon a ŋuna asibito ŋajoresyo akoloŋit ŋinapei anakwap a Ijipit.

Awos. 3:10

Ekeyakiyari ayoŋ iyoŋ tokona neni a Parao iyau ŋituŋa kaŋ, Ŋisirael anakwap a Ijipit.”

Awos. 6:27

Arae ikes apotu kirworo neni a Parao a erwosit a Ijipit ŋakiro ŋuna ka ayaar Ŋisirael anakwap a Ijipit.

Yos. 24:6

Ani ayauni ayoŋ atapapaa kus alo Ijipit, ipotu iyes todolut Nanam ŋina Areŋan, ido apotu Ŋijipitian ikiwuapakis a ŋagaari ka a ŋaŋolei, todolut tari Nanam ŋina Areŋan.