Yos. 24:32 - Ebaibul

³² Aponi tonukae ŋakoyo a Yosepu ŋuna sek keyaunete Ŋisirael anakwap a Ijipit nakwap ŋina kegyeli Yakob a ŋisilipae a amiat alodwe ka Amor a papa keŋ a Sekem. Abu akwap ŋina toruwor ŋina a ŋituŋa a Yosepu.

Yos. 24:32 Iomraidhean Croise

Akisy. 33:19

Togyelu a ŋisilipae a amiat aneni a ŋidwe ka Amor a papa keŋ a Sekem ŋalup ŋuna abu iŋes todukok eema keŋ.

Akisy. 48:22

Eyatakini tokona ayoŋ neni kon atutubet apei akilo ŋuna ainakini neni a ŋikaitotoi kon; atutubet ŋin iŋes ŋina abu ayoŋ olemu a ŋakan kaŋ aneni a Ŋiamori esitiyae ŋileŋia ka ŋikaleŋeleŋe kaŋ.”

Akisy. 50:24

Tema nai Yosepu neni a ŋikaitotoi keŋ, “Aapuu ayoŋ atwanare; nai kire ebuni Akuj neni kus akiŋarakin iyes, ikiyai iŋes iyes kitipeiyosi anakwap a na, toloto nakwap ŋina abu iŋes kikoŋ ainakin neni ka Aburaam, Isaka ka Yakob.”

Akisy. 50:25

Aŋun, abu Yosepu kisikoŋ Ŋisirael tema, “Ani ebuni Akuj neni kus akiŋarakin iyes, yaasi ŋakoyo kaŋ a ne.”

Awos. 13:19

Ya Moses ŋakoyo a Yosepu alo Ijipit, anerae aris Yosepu kisikoŋ Ŋisirael kitiyata ŋun. Aris ketema neni kec, “ Kire jik, ikiŋarakini iyes Akuj, ido emaikina iyes yaa ŋakoyo kaŋ itipeiyorete anakibois a na.”

Yoa. 4:5

Kitor iŋes lotaun ŋolo alo Samaria ŋolo anyaritae Sikar, diyete emanikor ŋolo koloŋ ainakini Yakobo lokoku keŋ Yosepu.

Ŋitic. 7:15

Tolot nai Yakobo Ijipit, neni eboiyoto iŋes ka atapapaa yok akitodol ŋina ekarya ikes.

Ŋitic. 7:16

Yaarae ŋawat kec kinyakarae Sekem, kiperikinoe naturukan ŋina koloŋ kegyeli Aburaam alodwe ka Amor a ŋisiliŋa.

Ŋibur. 11:22

Anupit iŋes alimunio Yosepu apaki ŋina aapikinia atwanare atemar erotokinete rwanu Ŋisirael alo Ijipit ka tolimok Ŋisirael ŋuna etemokino ikes kitiyata aŋuna ka akuwan keŋ.