Yos. 24:31 - Ebaibul

³¹ Apotu Ŋisirael kitiyanakis Ekapolon ŋirwa daadaŋ ŋulu ayarya Yosua ka ŋulu a ŋikasikou a ŋulu apotu kidoŋo ketwana Yosua, ŋikasikou ŋulu ayenete ŋakiro daadaŋ ŋuna ajokak ŋuna etiyat Ekapolon neni a Ŋisirael.

Yos. 24:31 Iomraidhean Croise

Akisy. 14:10

Eleleba ŋikuco ŋulu abokere ibore ŋini esibit eminae nakadipaalat ŋina a Sidim. Ani ebwaŋasi ŋajorei a ŋirwosi a lu: Ŋolo a Sodoma ka ŋolo a Gomora, kimasanakin ŋice kec lokuco ŋul, tosodo ŋuluce toema kidiama ŋimukura.

2 Ŋakiro a ŋirwa 24:2

Alokaru a daadaŋ a ŋulu ayarya Yeoiyada, abu Yoas kitiya ŋuna etalakarito Ekapolon Akuj.

2 Ŋakiro a ŋirwa 34:33

Tolema Yosia asiilyo daadaŋ anakwap a daadaŋ a ŋina a Ŋisirael, kituruwo Ŋisirael daadaŋ ŋulu ilipete neni a Ekapolon Akuj kec. Apotu Ŋisirael kiwuapa Ekapolon Akuj atapapaa kec ŋirwa daadaŋ ŋulu ayarya erwosit Yosia.

Ŋitic. 20:29

Ayeni ayoŋ atemar ani karotok ayoŋ, epote ŋipeei ŋulu adedeŋak nooi neni kus ka nyeesikinete akinyasun esipan.

Ŋikis. 11:2

Totamutu nakoloŋit na atemar pa arae ŋidwe kus (eŋolikinito ka aryamunito ŋakiciketa ŋuna ke Ekapolon Akuj kus ŋuna ikitatamia iyes Ekapolon Akuj kus), nai arae iyes ŋulu emaikina tocamut iŋolikinito ailiil keŋ, apedor keŋ ŋina etiron ka agogoŋu keŋ,

Ŋikis. 11:7

Arae iyes ipotu kiŋolikis ŋakiro ŋuna apolok daadaŋ ŋuna abu Ekapolon kitiya.

Ŋikis. 31:13

ikotere ŋidwe kus ŋulu sek nyeyenete ŋikisila, epedorete akiirar ka ayenun akitopoloorit Ekapolon Akuj kus ŋirwa daadaŋ ŋulu iboiyoto iyes anakwap a ŋina idokarete iyes alokekwaye Yorodan akituruwor ŋina kus.”

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Ŋipil. 2:12

Aŋun, ŋikaitotoi kaŋ ŋuluminan, ikwapei jwi jwi iwuapitotor iyes ŋakiro kaŋ paaran apaki ŋina ikirukitor iwon, ejok nabo nooi iyes akiwuap ŋakiro kaŋ tari apaki ŋina alwania ayoŋ aneni kus. Torubakisi itiyaete alokabule ka anakerit Akuj aŋuna ka aiuno kus,

Ŋikat. 2:10

Abu daŋ anyamet ŋin daadaŋ todaun, topolou nabo anyamet ace ŋina kitete, ŋina pa ayeni ŋakiro a Ekapolon, kori ŋiticisyo ŋulu abu Ekapolon kitiya aŋuna a Ŋisirael.

Ŋikat. 2:6

Ani kedau Yosua akitorotokin ŋituŋa, apotu Ŋisirael daadaŋ toboŋonosi a ŋolokabila nakwap ŋina akorakinitae ikes.

Ŋikat. 2:7

Kilipa ŋituŋa neni ka Akuj ŋirwa ŋulu a akiyar a Yosua daadaŋ ka ŋirwa ŋulu ayaryata ŋikasikou ŋulu apotu torubakis eyarete ekaku atwanare a Yosua, ŋikasikou ŋulu apotu kiŋolikis a ŋakonyen kec ŋiticisyo ŋulu apolok daadaŋ ŋulu abu Ekapolon kitiya aŋuna a Ŋisirael.