Yos. 24:25 - Ebaibul

²⁵ Akoloŋit ŋina acunakinitor Yosua Ŋisirael Sekem, abu iŋes towoik ikes anacamunet ke Ekapolon, ayakasi nacamunet ŋin Ŋikisila ka ŋakiro ŋuna amaikina Ŋisirael kiwuapa.

Yos. 24:25 Iomraidhean Croise

Akisy. 35:4

Aŋun, inakis ŋituŋa ŋakujo ŋuna ayakatar ikes daadaŋ ŋunagelae neni a Yakob. Inakis ŋikadoŋidoŋ kec daŋ neni a Yakob; kiwua Yakob ŋul daadaŋ alodiyete ekuyon ŋolo ayai Sekem.

2 Ŋirw. 11:17

Abu Yeoida ŋolo arae esacaradoti kiwuak acamunet kidiŋ Ekapolon ke erwosit ta ŋituŋa, ikotere toruworos ikes ŋituŋa ke Ekapolon. Kiwuak daŋ acamunet kidiŋ erwosit ka ŋituŋa.

2 Ŋakiro a ŋirwa 15:12

Tocamunos ikes akilip a ŋitai kec a daadaŋ ka anakiyar kec a daadaŋ neni ke Ekapolon Akuj atapapaa kec.

2 Ŋakiro a ŋirwa 15:15

Tolelyana ŋituŋa a Yudaya daadaŋ aŋuna ka akikoŋ a ŋin, anerae apotu ikes kikoŋo a ŋitai kec a daadaŋ ka apotu kiwara Ekapolon alotooma acamit kec daadaŋ, ido apotu toryamut Ekapolon, inak Ekapolon ikes ekisil alowaetin a akwap kec a daadaŋ.

2 Ŋakiro a ŋirwa 23:16

Abu nai Yeoiyada esacaradoti kiwuak Acamunet kidiŋ keŋ ka ŋituŋa daadaŋ kaapei ka erwosit ikotere ikes eruworosi ŋituŋa a Ekapolon.

2 Ŋakiro a ŋirwa 29:10

Acamit tokona ayoŋ acamun ke Ekapolon Akuj a Isirael, ikotere nyebu neni yok anyunyura keŋ ŋina aryenyaanan.

Neem. 9:38

Aŋuna a ŋakiro a ŋun a daadaŋ, ikicamuni isua ka igiryo acamunet, ido igiryo nakipucakinet ŋirorwa a ŋikepukak kosi, a ŋilepi ka a ŋisacaradotin.

Awos. 15:25

Kikalou Moses neni ke Ekapolon, ido abu Ekapolon kitoodik akitoe ŋinadio cici, kimasak Moses akitoe ŋin nakipi, tobobout ŋakipi ŋuna sek adwarak. Abu nai Ekapolon inak Ŋisirael ŋikisila ka ŋuna atubunit iŋes, kikatak ikes

Awos. 24:3

Totiyaun nai Moses alomoru, tolot tolimok ŋituŋa ŋakiro ke Ekapolon daadaŋ ka ŋikisila ke Ekapolon daadaŋ; toboŋokis ŋituŋa daadaŋ kaapei temasi, “Ikitiyae isua ŋakiro daadaŋ ŋuna adau Ekapolon alimun.”

Ŋikis. 29:1

Erae nu ŋakiro ŋuna ka acamunet a ŋina abu Ekapolon kicik Moses tocamunos ka Ŋisirael anakwap a Moab kiyatakin nacamunet ŋina abu iŋes tocamunotor ka Ŋisirael alo Oreb.

Yos. 24:1

Abu nai Yosua tocunak ŋikabilae a Ŋisirael daadaŋ Sekem. Tonyaraiya iŋes ŋikasikou, ŋikarikok, ŋikatubok ŋakiro ka ŋikapolok, totukokinos ŋul daadaŋ kiŋaren Asaduku ŋina ka Acamunet.

Yos. 24:26

Kigir Yosua ŋakiro ŋun lokitaabo ŋolo a Ŋikisila a ŋulu ka Akuj, tosodi tolemu amoru ŋina apolon, tosipok diyete ekuyon ŋolo apolon ŋolo ayai nakibois ŋina Asegan ŋina ke Ekapolon.