Yos. 24:20 - Ebaibul

²⁰ Ani ca kiŋero iyes Ekapolon, kitiyanakis ŋakujo ŋunagelae, ikimani iŋes iyes, ido ikisican, itomunya iyes, torae bo sek ajok Ekapolon aneni kus.”

Yos. 24:20 Iomraidhean Croise

1 Ŋakiro a ŋirwa 28:8

Aŋun nai tokona, alokiŋaren Ŋisirael daadaŋ, alokiŋaren atukot ŋina ke Ekapolon ka topupi Akuj yok, kiwuap ka kiwar ŋakiciketa daadaŋ ŋuna ke Ekapolon Akuj kon; ikotere akwap na ŋina ajokan eruwor ŋina kon, ido kimyekinia erae ŋina a ŋiletok kon ŋikaru ka ŋikaru.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Esir 8:22

ekerumito ayoŋ ŋileec akiŋit erwosit ainakin isua ŋasigarya ka ŋaŋolei ka ŋikametok kec aŋuna ka aiun isua alomoe alosyo alorot, anerae aris isua kelimokin erwosit atemar iŋarakini Akuj daadaŋ ŋulu ikinyomito, iŋes, eyai nai apedor keŋ ka anyunyura keŋ neni a ŋulu eŋerito iŋes.

Ŋikiru. 89:31

ani keŋero ikes ŋuna atubunit ayoŋ, ido nyiwuapa ŋakiciketa kaŋ,

Isa. 1:28

Nai emunyaryo ŋikaŋerok ka ŋikasecak kaapei, ido etwakete ŋulu aesikis Ekapolon.

Isa. 63:10

Nai apotu ikes toŋero Ekapolon, ido kitoŋoa etau keŋ ŋolo asegan; aŋun, abu Ekapolon toruwor emoit kec, abu iŋes elope kitiji ikes.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Ŋitic. 7:42

Ŋakiro ŋun abunio Akuj tomulenio ikes, kimyek ilipete ŋikacer ŋulu alokidiama, ikwapei igiritere lokitaabo ŋolo a ŋikadwarak ebe, ‘Ŋituŋa a Isirael, ipotu mono iyes iyaut ŋamuronisya ka ŋainakineta neni kaŋ ŋikaru ŋatomoniomwon analoŋisat a?

Ŋikis. 4:25

Ani iyakaunotor iyes ŋidwe ka ŋidwe a ŋidwe kus ka kidaut akiboi anakwap a ŋin ekaoyan, ido kitiyata aronis toyeut ŋitorubei a ŋakujo a ŋadi, ido kitiyata ŋuna aronok alokiŋaren Ekapolon Akuj kus, tosodi kitoŋoa iŋes,

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

Ŋibur. 10:38

Aŋun, iŋes ŋini iyookino aŋuna akanupitor ayoŋ, eyari, nai iŋes ŋini ikutukutoori, nyakajoikinete ayoŋ ŋakiro keŋ.”

Yos. 24:21

Nai apotu ŋituŋa temasi neni a Yosua, “Mam! Ikitiyanakini isua Ekapolon.”

1 Sam. 12:15

Nai ani pa kipupo iyes Ekapolon ka ani kiŋero iyes ŋakiciketa keŋ, ikiremokin iyes Ekapolon, iyes kaapei ke erwosit kus.

1 Sam. 12:25

Nai ani kirubakis iyes itiyaete aronis, ikimunyaryo iyes kaapei ka erwosit kus.”