Yos. 24:14 - Ebaibul

¹⁴ “Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

Yos. 24:14 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 35:2

Aŋun, abu Yakob tolimok ŋituŋa a ekal keŋ ka ŋituŋa daadaŋ ŋulu arukitotor iŋes tema, “Tocakasi nariet ŋakujo ŋunagelaanotin ŋuna iyakatar iyes. Kitaleutu ŋawat kus ka tonapa ŋilowi ŋice;

2 Ŋirw. 20:3

“Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

Esir 9:11

ŋuna ilimu iyoŋ aneni a ŋiketiyak kon a ŋikadwarak ibala, ‘Akwap na ŋina ilomarete iyes toruwor ŋina kus, erae akwap ŋina nyeseg, ŋina eya ŋakiro ŋuna asiilyanak ŋuna itiyato ŋituŋa a ŋakwapin. Ilelebikinito ikes asiilyo kec nakwap ŋin ameun alowae ke epei tari ŋoloce.

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 111:10

Akitopoloorit Ekapolon, iŋes erae akisyakinet ŋina ka aosou; ŋituŋa daadaŋ ŋulu iwuapito ŋakiciketa ke Ekapolon, eyakatar ayenut ŋina ajokan. Kipuroe Ekapolon ŋikaru ka ŋikaru!

Ŋikiru. 119:1

Elakara ŋituŋa ŋulu itiyaete ŋuna iyookino, ŋulu iboiyete iwuapito ŋikisila ke Ekapolon.

Ŋikiru. 119:80

Elipi tomam ŋuna eketoroniyaritere ayoŋ alotooma ŋakiro ŋuna itubunit iyoŋ, ikotere ayoŋ nyekesurumi ŋileec.

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 81:10

Arae ayoŋ Ekapolon Akuj kus, ŋina abu okoyau iyes eketipeunio anakwap a ŋina a Ijipit; toruworos ŋulu ikinyoma, ido akainakini ayoŋ iyes ŋiboro ŋulu ajokak.

Esek. 20:18

“Abu ayoŋ olimok ŋidwe kec analoŋisat ebe, ‘Nyiwuapa ŋakiro ŋuna ebasi ŋikauruunak kus, kori nyiwuapa ŋikisila kec, kori nyimunaasi ŋawat kus a ŋakujo kec.

Esek. 23:3

Apotu ikes toruwor ŋamalaae alo Ijipit, kitiyata ŋakiro ŋuna ka amalao akisyakin anasoroko kec. Apotu tonuwae ŋikisin kec alo Ijipit ka aponi totapatapae ŋamuroi kec alo Ijipit ŋuna sek pa atapatapatae.

Osea 3:5

Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.

Ŋilep. 17:7

Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Luk. 8:15

Ŋikinyom ŋulu adoete nalup ŋuna ajokak erae ŋituŋa ŋulu iirarete akirot, kiricakis, tonupa a ŋitai a ŋulu ajokak ka totitinyikis akitodol ŋina erayata.

Ŋitic. 9:31

Arae epite ŋol abunio akinapakin lokanupak ŋulu alo Yudeya, Galileya ka Samaria. Abu Etau ŋolo Asegan kitogogoŋ ka kisimukek ŋikanupak, kiyatakin ekimar kec, kiboiyoto ekerito Ekapolon.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋikis. 10:12

Aŋun tokona, Okoe Ŋisirael, anukiro iitanit Ekapolon Akuj kus iyes kitiyata? Erae akitopoloorit Ekapolon Akuj kus, akiwuap ŋakiro keŋ daadaŋ, amina iŋes, akitiyanakin Ekapolon Akuj kus a ŋitai kus a daadaŋ ka a akiyar kus a daadaŋ

Ŋikis. 18:13

Emaikina iyes torubakis iwuapito ŋuna a Ekapolon Akuj kus.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Ŋipil. 1:10

topedosi nai acamun ibore ŋini ajokan nooi; ikotere toruworos ŋulu isegak alotai, tomam aronis adio daŋ, Akoloŋit ŋina eboŋunio Kristo.

Yos. 24:2

Tema nai Yosua lotuŋa daadaŋ, “Ebala Ekapolon ŋolo erae Akuj a Ŋisirael ebe, ‘Koloŋ sek apotu atapapaa kus kiboiyoto ayaaye aŋolol Eupurate, epei atapapaa kus a ŋul iŋes Tera papa keŋ ka Aburaam ka Naor. Apaki ŋin, elipete ikes neni a ŋakujo.

Yos. 24:23

Tolimok Yosua ikes tema, “Tokona nai toŋero ŋakujo ŋunagelae ŋuna iyakatar iyes, kiikisi atemar iwuapete iyes Ekapolon bon ŋolo erae Akuj a Ŋisirael.”

1 Sam. 12:14

Ani kitopoloosi iyes Ekapolon, kitiyanakis iŋes, topupo ŋuna ebala iŋes, ido nyiŋero ŋakiciketa keŋ ka ani kiwuapa iyes ke erwosit ŋolo ikipukat iyes Ekapolon Akuj kus, ejokyata ŋakiro aneni kus.

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”