Yos. 24:10 - Ebaibul

¹⁰ Nai abu ayoŋ nyapupoki ŋakiro a Balaam, aŋun, abu iŋes toboŋonok akiterereŋ, ido abu ayoŋ okolaku iyes aneni keŋ.

Yos. 24:10 Iomraidhean Croise

Isa. 54:17

Mam eborosit a ejie ŋolo ikimanitere iyoŋ ŋolo epedori akiwan iyoŋ, ilouni iyoŋ aloikiiko daadaŋ ŋulu ikisitakinito iyoŋ. Erae ŋun ŋajokisya ŋuna eryamunete ŋiketiyak a Ekapolon ka erae ŋun ŋuna isiyookinito ŋuna alimu ayoŋ.”

Mika 6:5

Ŋikaatuŋa, totamutu ŋakiro ŋuna abu erwosit ŋolo a Moab ŋolo anyaritae Balak totuk akitiya neni kus, ka ŋuna abu Balaam lokoku a Beor toboŋok Balak. Totamutu ŋakiro ŋuna apotu kitiyakin neni kus alorot ameun alo Sitim tari Giligal. Totamutu ŋakiro ŋun, ikotere iyenunete ŋuna abu ayoŋ etiya aŋuna ka aiun iyes.”

Ekim. 22:35

Tolimok emalaika ŋolo ke Ekapolon Balaam tema, “Toloto kaapei ka ŋikilyok ŋul, nai kirwor ŋakiro ŋuna akalimokini ayoŋ iyoŋ akirwor make.” Aŋun, apotu Balaam toloto kaapei ka ŋikapolok ŋulu eyakuunit Balak.

Ŋikis. 23:5

(Kikote neni daŋ, abu Ekapolon nyiira ŋakiro a Balaam, abu Ekapolon Akuj kus kilocok ŋicen toruwor arereŋu aneni kus, anerae ikimina iyes Ekapolon Akuj kus)

Yos. 24:11

Ipotu nai iyes todoka aŋolol Yorodan totubunos Yeriko, neni aponiata ŋituŋa a Yeriko ikitijioto iyes lopite ŋolo aponiata ŋikabilae lu ikitijioto iyes: Ŋiamori, Ŋiperisi, Ŋikanaani, Ŋiitaiti, Ŋigerigasi, Ŋiipi ka Ŋiyebusi; nai abu ayoŋ epotok ikes nakan kus.