Yos. 23:15 - Ebaibul

¹⁵ Nai lopite ŋolopei eyookinotor aneni kus ŋakiro daadaŋ ŋuna ajokak, ŋuna ikiikinit iyes Ekapolon ŋolo erae Akuj kus, lopite ŋolopei, eyauni Ekapolon neni kus ŋakiro ŋuna aronok daadaŋ, ŋuna adau iŋes alimokin iyes, itiyakini Ekapolon ŋun neni kus akitodol ŋina ikimunyarya iyes anakwap a na a ŋina ajokan, a ŋina adau iŋes ainakin iyes.

Yos. 23:15 Iomraidhean Croise

1 Ŋirw. 14:15

“Isicani Ekapolon Ŋisirael emaranikinete lopite ŋolo iloilookinio ekuwuam eoot anakipi, elemari Ekapolon Ŋisirael anakwap keŋ a ŋina ajokan a ŋina abu iŋes inak atapapaa kec, ido ielari ikes yaye aŋolol ŋina enyaritae Eupurate, anerae apotu ikes kitoŋoa Ekapolon aŋuna etiyauniata ŋitorubei a akuj a ŋina anyaritae Asera.

1 Ŋirw. 8:56

“Kipuroe ŋolo ayau akieŋun neni a ŋituŋa a Isirael alopite a daadaŋ a ŋolo abunio iŋes kiikinia ikes, mam akirot apei daŋ ŋina a Moses a eketiyan keŋ.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 32:42

“Lopite ŋolo ayaunia ayoŋ ŋican ŋulu apolok lu daadaŋ lotuŋa lu, ikwaŋinapei ayauni ayoŋ ŋiboro daadaŋ ŋulu ajokak ŋulu tokona eik ayoŋ ikes.

Yer. 35:17

Aŋun, ŋakiro ŋuna alimu Ekapolon Akuj ŋina a ŋajoresyo, Akuj ŋina a Ŋisirael ikes nu, ‘Alosi ayoŋ ayaun lotuŋa a Yudaya ka lotuŋa daadaŋ ŋulu iboiyete alo Yerusalem ŋican daadaŋ ŋulu adau ayoŋ alimun aŋuna kec, anerae erwor ayoŋ neni kec, nai nyiirara ikes, anyara ayoŋ ikes, nai nyeboŋokino ikes ayoŋ.’

Ŋilep. 26:3

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma,

1 Ŋites. 2:16

Apotu ikes kikatakis tari akiretakin isua alimonokin ŋituŋa ŋulu nyerae Ŋiyudayan ŋakiro ŋuna eryamuniata ikes aiuno. Alopite a ŋol, apotu ŋasecisya kec kilelebikinos. Nai tokona adolu anyunyura ŋina ka Akuj neni kec.

Ŋikat. 13:1

Apotu nabo Ŋisirael kitiyata ŋakiro ŋuna aronok alokiŋaren Ekapolon, ido abu Ekapolon kipotok ikes napedor a Ŋipilistin ŋikaru ŋatomoniomwon.

Ŋikat. 3:12

Kitiyata nabo Ŋisirael ŋakiro ŋuna aronok alokiŋaren Ekapolon, tosodi Ekapolon kitogogoŋ erwosit Egilon ŋolo a Ŋimoabi, inak iŋes kilou Ŋisirael, anerae apotu Ŋisirael kitiyata ŋuna aronok alokiŋaren Ekapolon.

Ŋikat. 3:8

Aŋun, abu Ekapolon toŋoik Ŋisirael nooi, ido kipotok ikes neni a erwosit a Kusan-Risasaim ŋolo ka Aram-Naaraim; apotu Ŋisirael kitiyanakis Kusan-Risasaim ŋikaru ŋikanikauni.

Ŋikat. 6:1

Apotu Ŋisirael kitiyata ŋakiro ŋuna aronok alokiŋaren Ekapolon, abu nai Ekapolon kipotok ikes napedor a Ŋimidian ŋikaru ŋikanikaarei.