Yos. 23:10 - Ebaibul

¹⁰ Abu epei alokidiŋ kus kirit ŋimoe aliput, anerae abu Ekapolon ŋolo erae Akuj kus toji aŋuna kus lopite ŋolo eikinitor.

Yos. 23:10 Iomraidhean Croise

2 Sam. 23:8

Ŋirorwa a ŋikajiok a Daudi a ŋulu arwok ikes lu: Yosebibasebes ŋolo abunit alo Takemon. Arae iŋes apol alokidiŋ ŋikapolok ŋuluce ŋiuni. Abu iŋes akoloŋit apei toar ka akwara keŋ ŋimoe ŋamiae ŋakanikauni.

1 Ŋakiro a ŋirwa 5:20

Abu Akuj kiŋarak ikes akitijiore ŋituŋa ŋul, kimyek Akuj Ŋiagiri ka ŋulu ariitotor ereunio, anerae apotu ŋikajiok ŋulu adedeŋak ŋul kilipa neni ka Akuj alojie, ido abu Akuj inak ikes akiloun aŋuna ekinyomitotor ikes Akuj.

1 Ŋakiro a ŋirwa 5:22

Apotu ikes toara ŋituŋa ŋulu alalak, anerae arae Akuj eŋarakinit ikes ajiore, ido apotu ikes toloma nakiboisyo a ŋituŋa a ŋul akitodol ŋina arikorere ikes nakwapin.

Ŋikiru. 35:1

Okoe Ekapolon, kitidiŋ ŋulu eketidiŋito ayoŋ; kitiji ŋulu eketijiete ayoŋ.

Ŋikiru. 46:7

Ikiya iwon ke Ekapolon ŋolo a ŋajoresyo, Akuj a Yakob iŋes erae akaiunan yok.

Awos. 14:14

Eji Ekapolon aŋuna kus; emaikina iyes tolemasi akuryanu bon aneni kus.”

Isa. 30:17

Esuri ituŋanan ipei ŋituŋa aliput, iemete iyes daadaŋ aŋuna a ŋituŋa a ŋikan ikirisete ikes iyes tari ŋina idoŋio ituŋanan ipei bon esibit epir ŋolo ka abendera alokidiama emoru, esibit akitoodikinet ŋina esipokinitae kidiama ekamukumukut.

Ŋilep. 26:7

Iwuapete iyes ŋimoe kus, tomunyasi alokiŋaren kus.

Ŋilep. 26:8

Irisete ŋikan bon alokidiŋ kus ŋimoe amiat, ido irisete amiat alokidiŋ kus ŋimoe ŋalipyo ŋatomon, ido imunyarete iyes ikes alokiŋaren kus.

Sakar 12:8

Apaki ŋin, iuryari Ekapolon ŋulu iboiyete alo Yerusalem, tari ŋulu epalag alo kidiŋ kec, egogoŋioto lopite ŋolo agogoŋio Daudi. Ipukaete ŋipapae a Daudi ikes lopite ŋolo ipukaa emalaika a Ekapolon, lopite ŋolo ipukator Akuj alope.

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 20:3

tolimok ikes ŋakiro nu: “Kiirasi, okoe Ŋisirael! Nakoloŋit na aapuu iyes akitijikin ŋimoe kus. Totitinyoto, kori nyikuryaketa, kori nyikibul, kori nyikera ikes,

Ŋikis. 20:4

anerae Ekapolon Akuj kus iŋes ikiŋarenikini iyes akitijiore ŋimoe kus aŋuna kus ikiinak akiloun ŋimoe kus.”

Ŋikis. 28:7

“‘Ikiinakini iyes Ekapolon akiloun ŋimoe kus ŋulu ikitijikinete iyes; epote ikes akitijikin iyes itorunito lowae epei, nai ebwaŋasi ikes kitoro lowaetin ŋulu alalak.

Ŋikis. 3:22

Nyikuryaniar aŋuna kec, anerae Ekapolon Akuj kon iŋes eji aŋuna kon.”

Ŋikis. 32:20

Kirwor tema, “Ewuai ayoŋ ereet kaŋ aneni kec, eteuni ayoŋ eŋolik epite ŋolo emunyarotor ikes, anerae erae ikes anyamet ŋina aronon, ŋidwe ŋulu emam akikinyoma.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Yos. 10:42

Kilou Yosua ŋirwosi ŋul daadaŋ ka ŋakwapin kec alotooma akitijikinet apei bon, anerae eŋarakinit Ekapolon ŋolo erae Akuj a Ŋisirael ŋituŋa keŋ.

Yos. 23:11

Aŋun nai, torubakisi iminasi Ekapolon Akuj kus nooi, anerae namina iŋes iyareta iyes.

Yos. 23:3

idaut iyes akiŋolikin ŋakiro daadaŋ ŋuna abu Ekapolon ŋolo erae Akuj kus kitiya lotuŋa a ŋakwapin aŋuna kus; arae Ekapolon ŋolo erae Akuj kus abu toji aŋuna kus.

Ŋikat. 15:15

Anenipei, kiŋolik iŋes akoit ŋina a eŋitinyo ŋina a esigirya ŋina ariŋa epapal, tokukokin Samuson, tolemu akoit ŋin, kisitiya Samuson akoit ŋin toarya ŋikilyok aliput.

Ŋikat. 3:31

Ekaku a Eud abu Samegar lokoku ka Anas toruwor ekarikon a Ŋisirael, abu iŋes toar Ŋipilistin ŋamiae ŋakanikapei a ebela a ŋolo emetere ŋicugae. Abu Samegar daŋ tolaku Ŋisirael.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”