Yos. 22:9 - Ebaibul

⁹ Apotu nai ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase torotokis aneni a Ŋisirael a ŋuluce alo Silo, alotaun a ŋolo ayai Kanaan, toboŋosi nakwap a Gilead ŋina ainakinio ikes ikwaŋina ecikitor Ekapolon Moses.

Yos. 22:9 Iomraidhean Croise

2 Sam. 2:9

Keponi Isiboses kituruworoe a nen erwosit ŋolo a ŋakiboisyo a nu: Gilead, Asurit, Yesireel, Epuraim, Benjamin ka Isirael daadaŋ.

1 Ŋakiro a ŋirwa 5:9

Alowae a ŋolo alo Kide, apotu ikes toloma akisyakin aneni isyakinia aloŋisat ŋina emyaarit tari naŋolol Eupurate. Alomete ikes nen, anerae kepotu ŋibaren kec topitut nooi alo Gilead.

Ŋikiru. 60:7

Erae Gilead ŋina kaŋ, erae Manase ŋina kaŋ; erae Epuraim ekabila ŋolo iretakini ŋimoe alotuŋa kaŋ, ido erae Yudaya ekabila ŋolo ipukae ŋituŋa kaŋ.

Ekim. 32:1

Ayakatar ŋituŋa a ekabila a Ruben ka ŋituŋa a ekabila a Gad ŋaatuk ŋuna alalak nooi. Ani eanyunete ikes atemar ejokak ŋalup ŋuna ka akwap a Yaser ka Gilead aŋuna a ŋaatuk,

Ekim. 32:20

Abu nai Moses tolimok ikes tema, “Ani kitiyata iyes nu, kilemut ŋiboro ŋulu ke ejie, ido toloto ikiŋarenikinit Ekapolon lojie,

Ekim. 32:22

ido kikamarae akwap alokiŋaren Ekapolon, ekaku a ŋun iŋes nai iboŋunioto iyes ne, anerae idaut akiricakin ŋuna amaikina iyes kitiyata aŋuna ke Ekapolon ka aŋuna a Ŋisirael, ido eruwor akwap na ŋina kus alokiŋaren Ekapolon.

Ekim. 32:26

Idoŋete ŋidwe kosi, ŋaberu kosi, ŋamesekin kosi ka ŋibaren kosi ŋuluce daadaŋ ama lotaunio a Gilead;

Ekim. 32:29

Kirwor Moses neni kec tema, “Ani kelosete ŋituŋa a ekabila a Ruben ka ŋulu a Gad, ŋikilyok daadaŋ ŋulu etenito ejie iŋarenikinit Ekapolon, totuboros ekekwaye Yorodan kaapei ka iŋes, ido kilounae akwap ŋina eyai kiŋaren kus, ŋun iŋes ipedoryata iyes ainakin ikes akwap a Gilead toruwor ŋina kec;

Ŋikis. 3:18

Apaki ŋin, abu ayoŋ ekecik iyes otema, “Tari daŋ kikiinit iyes Ekapolon Akuj kus akwap ŋin toruwor ŋina kus, emaikina ŋasigarya kus totuboros ekekwaye Yorodan etiŋito ŋiboro ŋulu ke ejie, kiŋarenikis ŋiyeneta kus Ŋisirael ŋuluce.

Ŋikis. 3:20

Ani isieŋuni Ekapolon ŋiyeneta kus ka toryamut ikes daŋ akwap ŋina eruwor ŋina kec ikwapei iyes, akwap ŋina einakini Ekapolon ikes alokekwaye Yorodan, epedori ŋinituŋanan kus aboŋun nakwap ŋina adau ayoŋ ainakin iyes.”

Ŋikis. 34:1

Abu nai Moses torotok anadipoe a Moab, kitipeiyo lomoru Nebo, tari naita Pisiga ŋina iteosi ka Yeriko. Abu Ekapolon a nen kitoodik Moses akwap daadaŋ ameun alo Gilead tari Dan.

Yos. 13:11

Adolit akwap ŋina atyakakinitae ŋikabilae ŋul tari Gilead ka akwap a Ŋigesuri kaapei ka Ŋimaakasi ka emoru Erimon daadaŋ ta Bacan daadaŋ kiger Saleka.

Yos. 13:25

Arae ŋakwapin nu akorakinitae ikes: Yaser ka ŋitaunio daadaŋ ŋulu a Gilead ta atutubet ŋina ka akwap a Ŋiamoni, kiger Areor alo Kide Raba.

Yos. 13:31

Ŋakwapin ŋace ŋuna akorakinitae ikes arae atutubet a Gilead, Acitorot, Edirei ka ŋitaunio ŋulu epukat sek Og alo Bacan. Akorakinitae ŋakwapin ŋun natutubet apei ŋina a ŋituŋa a Makir alokoku a Manase.

Yos. 22:10

Ani edolunete ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase diyete Yorodan toriŋa eya nakwap a Kanaan, apotu todukokis nen Namuroet ŋina apolon nooi.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.

Ŋikat. 5:17

Apotu ŋituŋa a Gilead kidoŋo ekekwaye aŋolol Yorodan. Kaanukiro edoŋioto ŋituŋa a ekabila a Dan iboyete alodiyete ŋameeli? Apotu ŋituŋa a ekabila a Aser kidoŋo iboiyoto alotaunio a ŋulu alodiyete anam.