Yos. 22:5 - Ebaibul

⁵ Nai kiwuapa ejok ŋakiciketa ka Ŋikisila lu ŋulu abu Moses eketiyan a Ekapolon ikicik iyes akiwuap: Amina Ekapolon Akuj kus, akitiya daadaŋ ŋuna ecamit iŋes, akiwuapit ŋakiciketa keŋ, arubakinit iminasi iŋes ka akitiya etic keŋ a ŋitai kus a daadaŋ ka anakiyar kus a daadaŋ.”

Yos. 22:5 Iomraidhean Croise

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 78:7

Aŋun, ikinyomete ikes neni ka Akuj, nyimuryakinete ikes ŋiticisyo ŋulu ka Akuj, nai iwuapete ŋakiciketa keŋ.

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 20:6

nai etoodikini amina kaŋ ŋina nyiryaŋiryaŋa nanyamet ŋina ka aliput a ŋulu akaminasi ayoŋ, ido kiricito ŋakiciketa kaŋ.

Awos. 23:13

Tomitakinito ŋakiro daadaŋ ŋuna akalimok ayoŋ iyes. Nyinyarata ŋirorwa a ŋakujo a ŋace; nyikiirar iyes inyarito ikes a ŋakitukwa kus.”

Awos. 23:25

Kilipa neni ke Ekapolon Akuj kus, eterereŋi ayoŋ akimuj ka ŋakipi kus; ido alemari ayoŋ ŋidekesyo aneni kus.

Ŋakit. 4:23

Kiyokite akiyar kon icoikinit ŋakiro daadaŋ, anerae nen eleleunia akiyar ŋina ajokan.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Mat. 22:37

Toboŋok Yesu iŋes tema, “Tomina Ekapolon Akuj kon ka ekonitau a daadaŋ, ka akonikiyar a daadaŋ ta a ŋakonitameta a daadaŋ.

Mat. 4:10

Tosodi toboŋok Yesu iŋes tema, “Satan tolot! Anerae igiritae Nakigireta ebe, ‘Iryediki iyoŋ kitopoloo Ekapolon Akuj kon, kitiyanak iŋes bon!’ ”

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Luk. 1:74

Erae akikoŋiet keŋ aiun iwon alomoe yok, opedoryata nai iwon akitiya ekeetic emam akuryanu.

Yoa. 12:26

Ŋini itiyae etic kaŋ, itemokino ekewuapak ayoŋ; neni ayai ayoŋ, itemokino toyai iŋes daŋ; ŋini eruwor eketiyan kaŋ, ebuni Papa akitopoloor iŋes.

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 27:23

Anerae bien nakwaare, abu emalaika ŋolo ka Akuj a ŋina arae ayoŋ ŋolo keŋ ka ŋina elipi ayoŋ, bu neni kaŋ,

Ŋirom. 1:9

Eyeni Akuj atemar ŋuna erworo ayoŋ erae ŋuna a kire--Akuj ŋina etiyanakini ayoŋ a ekaatau a daadaŋ analimonokin Ŋakiro ŋuna Ajokak ŋuna a Lokoku keŋ. Eyeni Akuj atemar akatamunit ayoŋ iyes,

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋikis. 10:20

Kitopoloorito Ekapolon Akuj kus, kilipa neni keŋ bon, kimiidikinos neni keŋ ka kikoŋo alokiro keŋ bon.

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 11:22

Ani kiwuapa iyes ejok ŋakiciketa ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus, kiwuapa ŋakiro keŋ ka kimiidikinos neni keŋ,

Ŋikis. 13:4

Kiwuapa ŋakiro ŋuna a Ekapolon Akuj kus, kitopoloorito iŋes bon, kiwuapa ŋakiciketa keŋ, kiwuapa ŋakiro ŋuna elimunit iŋes, kitiyanakisi iŋes ka kimiidikinos neni keŋ.

Ŋikis. 4:29

Iwarete iyes aina Ekapolon Akuj kus ka iryamunete iyes iŋes erae kiwara iyes iŋes a ŋitai kus a daadaŋ ka a akiyar kus a daadaŋ.

Ŋikis. 4:4

tosodi iyes ŋulu ipotu torubakis ewuapito ŋuna ke Ekapolon Akuj kus, eriŋa iyarete tari tokona.

Ŋikis. 4:6

Emaikina iyes kiwuapa ikes ejok, anerae itoodiunete ŋun aosou kus ka apedor ŋinayenunet ŋakiro aneni a ŋituŋa a ŋakwapin, ido ani iirarete ikes ŋuna a ŋikisila a ŋul, etemarete ikes, “Kire jik erae ŋituŋa lu ŋulu aosok ka ŋulu eyakatar apedor ŋinayenunet ŋakiro!”

Ŋikis. 4:9

Nai tocoikinito ka kiricunito akiyar kus, ikotere ŋuna iŋolikis iyes a ŋakonyen kus, nyikimuryakis, kori nyebucar anatameta kus ŋirwa daadaŋ ŋulu ka akiyar kus, kiteyenikisi ŋidwe kus ka ŋidwe a ŋidwe kus.

Ŋikis. 5:10

nai etoodikini amina kaŋ ŋina nyiryaŋiryaŋa neni a ŋanyameta a ŋulu akaminasi ayoŋ, ido kiricito ŋakiciketa kaŋ.

Ŋikis. 6:17

Emaikina iyes kiwuapa ejok ŋakiciketa ke Ekapolon Akuj kus, kiwuapa ŋakiro ŋuna etubunit iŋes ka kiwuapa ŋikisila ŋulu ikicik iŋes iyes akiwuap.

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Yak. 1:12

Erereŋ ituŋanan ŋini etitinyikini ŋakikatakineta, anerae kedau iŋes akikatakino, eryamuni ikwa ebokot akiyar ŋina iikinit Akuj ŋituŋa ŋulu eminasi iŋes.

Yak. 2:5

Topupokisi, ŋikaitotoi kaŋ ŋuluminan! Aseu Akuj ŋikulyak anakwap a na, ikotere toruworos ikes ŋulu ebarito ananupit ka ŋulu eryamunete Apukan ŋina iikinit Akuj ŋulu eminasi iŋes.

Yos. 23:8

Nai kikinyoma Ekapolon ŋolo erae Akuj kus lopite ŋolopei sek iponiata kikinyometa akitodol tari tokona.

Akis. 15:3

Aeosi ikes eete ŋolo a Moses a ŋolo arae eketiyan ka Akuj ka eete ŋolo a Imesek ebasi, “Okoe Ekapolon! Akuj ŋina etiron! Epolok nooi ka eumokina ŋiticisyo kon! Okoe Erwosit ŋolo a ŋakwapin! Iyookino ka erae kire ŋipitesyo kon!

1 Sam. 12:20

Tema Samuel neni a ŋituŋa, “Nyikuryaketa; idaut iyes akitiya aronis ŋin daadaŋ, tari kitiyato ŋun, nyimyekis akiwuapit Ekapolon, nai kitiyanakisi Ekapolon a ŋitai kus a daadaŋ.

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.

1 Sam. 7:3

Abu nai Samuel tolimok Ŋisirael tema, “Ani kiboŋunito iyes neni ke Ekapolon a ŋitai kus a daadaŋ, tolemasi nai alokidiŋ kus ŋakujo ŋunagelae, ikwapei Asitaros. Totama alotai kus ŋuna ke Ekapolon, kitiyanakisi iŋes bon, ido ikiuni iŋes iyes anakan a Ŋipilistin.”