Yos. 22:31 - Ebaibul

³¹ Tolimok nai Pineas lokoku ka Eleasar ŋolo arae esacaradoti ŋituŋa a Ruben ka ŋulu a Gad ta ŋulu ka atutubet a a apei a ŋina a Manase tema, “Ikiyenu iwon nakoloŋit na atemar ikirukit iwon ka Ekapolon, anerae nyeŋero iyes akiwuapit ŋakiro ke Ekapolon anakiduk Namuroet na. Idaut tokona iyes aiun Ŋisirael, ido nyisicani Ekapolon ŋituŋa yok.”

Yos. 22:31 Iomraidhean Croise

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Esir 7:5

a ŋolo arae lokoku ka Abisya a ŋolo arae lokoku a Pineas a ŋolo arae lokoku ka Eleasar a ŋolo arae lokoku ka Aron a esacaradoti a ŋolo Apolon nooi.

Ŋikiru. 68:17

Erae ŋagaari ŋuna ka Akuj ŋalipyo ka ŋalipyo; Abu Ekapolon alomoru Sinai nakibois keŋ ŋina asegan.

Awos. 25:8

Emaikina kitiyaut ŋituŋa akibois kaŋ ŋina Asegan, ikotere nai ayoŋ eboi kaapei ka ikes.

Isa. 12:6

Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”

Sakar 8:23

Alorwa a ŋul epote ŋituŋa ŋulugelaanotin ŋitomon neni ke Eyudayat ke epei temasi, ‘Ecamitae isua arukor ka iyoŋ neni ilosi, anerae adaun isua akiirar atemar irukito iyoŋ kaapei ka Akuj.’ ”

Mat. 1:23

“Epotiuni ka idouni apese ŋina nyiryamakina ka ekile ikoku ŋini sapat, enyarao ekeekiro Emmanuel.” (Apolou keŋ atemar, “Ikirukit iwon ka Akuj.”)

1 Ŋikor. 14:25

Isileereuni ŋuna alotau keŋ ŋuna imunono, ido toryedik kilip neni ka Akuj, ebala, “Kire, eyai Akuj neni kus!”

Yos. 22:30

Ani iirarete Pineas ŋolo arae esacaradoti ka ŋikarikok a Ŋisirael ŋulu aponito a natekerin a Ŋisirael ŋakiro ŋuna alimunete ŋituŋa a Ruben ka ŋulu a Gad ta ŋulu ka atutubet a apei a ŋina Manase, apotu tolakaros.

Yos. 22:32

Toboŋosi nai Pineas lokoku ka Eleasar ŋolo arae esacaradoti ka ŋikarikok ŋul Kanaan, kimyekis alo Gilead ŋituŋa a Ruben ka ŋulu Gad ta ŋulu ka atutubet a apei a ŋina a Manase. Toloto ikes neni a Ŋisirael, tolimokis ŋakiro daadaŋ.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo: