Yos. 22:30 - Ebaibul

³⁰ Ani iirarete Pineas ŋolo arae esacaradoti ka ŋikarikok a Ŋisirael ŋulu aponito a natekerin a Ŋisirael ŋakiro ŋuna alimunete ŋituŋa a Ruben ka ŋulu a Gad ta ŋulu ka atutubet a apei a ŋina Manase, apotu tolakaros.

Yos. 22:30 Iomraidhean Croise

Akisy. 28:8

Ani eanyuni Esau atemar nyelakara papa keŋ Isaka aŋuna a ŋaberu a ŋuna erae Ŋakanaani,

2 Ŋakiro a ŋirwa 30:4

Abu ayeunet ŋin totakan erae ŋina eyookino aneni ke erwosit ka alotuŋa a daadaŋ.

Esta 1:21

Kitalaka akirot ŋin erwosit ka ŋulu epukatotor iŋes, kitiya erwosit ikwaŋinapei alimunio Memukan.

Ŋakit. 15:1

Isililiŋiyari aboŋokinet ŋina iapunitae anyunyura, nai isiwuaŋi akikirikira akirworikin anyunyura.

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Yos. 22:29

Nyikiryama ca ka akitepeg Ekapolon ka akiŋer nakoloŋit na akiwuapit ŋakiro keŋ, ido odukokisi Namuroet aŋuna a ŋainakineta a ŋuna epeyo ka ŋainakineta ŋuna a ŋikinyom, kori aŋuna a ŋamuronisya. Nyecamitae isua akiduk Namuroet ace, toyai bo sek ŋina ke Ekapolon Akuj kosi, Namuroet ŋina eyai kiŋaren tooma Eema keŋ.”

Yos. 22:31

Tolimok nai Pineas lokoku ka Eleasar ŋolo arae esacaradoti ŋituŋa a Ruben ka ŋulu a Gad ta ŋulu ka atutubet a a apei a ŋina a Manase tema, “Ikiyenu iwon nakoloŋit na atemar ikirukit iwon ka Ekapolon, anerae nyeŋero iyes akiwuapit ŋakiro ke Ekapolon anakiduk Namuroet na. Idaut tokona iyes aiun Ŋisirael, ido nyisicani Ekapolon ŋituŋa yok.”

Yos. 22:33

Apotu Ŋisirael tolakaros iirarete ŋakiro ŋun daadaŋ, ido apotu kipuro Akuj, tojoŋoto akirworo ŋuna ka alosit ejie ka akinyasun akwap ŋina alomito ŋituŋa a Ruben ka ŋulu a Gad.

Ŋikat. 8:3

Abu Ekapolon ikipotok iyes Oreb ka Seeb ŋikarikok a ŋajorei a Ŋimidian. Anukiro etiyat ayoŋ ŋuna ikwaan ka ŋuna itiyato iyes?” Kedau Gideon akirwor ŋun, apotu ŋituŋa a ekabila a Epuraim tojoŋoto aŋoikinit iŋes.

1 Sam. 29:6

Tonyarau nai Akis Daudi tema neni keŋ, “Ekoŋi ayoŋ alokiro a Ekapolon a ŋolo eyari atemar, irae iyoŋ ituŋanan ŋini ekinyomit ayoŋ, ido ajok ayoŋ akiwuakin iyoŋ etiyata ka ayoŋ najore. Ameun akoloŋit ŋina ibunio iyoŋ neni kaŋ akitodol tokona, mam aronis aryamu ayoŋ aneni kon, nai nyikikinyomito iyoŋ ŋikarikok a ŋajorei a Ŋipilistin.