Yos. 22:29 - Ebaibul

²⁹ Nyikiryama ca ka akitepeg Ekapolon ka akiŋer nakoloŋit na akiwuapit ŋakiro keŋ, ido odukokisi Namuroet aŋuna a ŋainakineta a ŋuna epeyo ka ŋainakineta ŋuna a ŋikinyom, kori aŋuna a ŋamuronisya. Nyecamitae isua akiduk Namuroet ace, toyai bo sek ŋina ke Ekapolon Akuj kosi, Namuroet ŋina eyai kiŋaren tooma Eema keŋ.”

Yos. 22:29 Iomraidhean Croise

Akisy. 44:17

Nai tema Yosepu, “Toriwo ŋun aneni kaŋ, ikotere nyetiya ŋun! Ŋolo aryamunio ekopo aneni keŋ bon iŋes eruwor epito kaŋ, nai iyes, toloto kitipeiyosi neni a papa kus a ekisil.”

Akisy. 44:7

Kiŋita ikes iŋes temasi, “Kaanukiro irworor ekapolon kosi ŋakiro ŋuna ikote nen? Toriwo ŋun aneni a ŋiketiyak kon, ikotere nyitiyata ikes ŋakiro ŋuna ikote nen!

1 Ŋirw. 21:3

Nai tema Nabos neni ka Aab, “Elipi ayoŋ atemar nyakacamak Ekapolon ayoŋ ainakin iyoŋ ibore ŋini abu ayoŋ erum aneni atapapaa kaŋ.”

2 Ŋirw. 18:22

Ani nabo kitemasi iyes ayoŋ imecakinito iyes neni ke Ekapolon Akuj kus, meere mono ŋakiboisyo ŋuna eya nenimukur ka ŋamuroeta keŋ abu Esekia tobwaŋabwaŋa a? Pa abu iŋes kicikak ŋituŋa a Yudaya ka Yerusalem akilipenen a Namuroet a ŋina eyai Yerusalem a?

2 Ŋakiro a ŋirwa 32:12

Meere mono Esekia abu tolema ŋakiboisyo ka ŋamuroeta ŋuna aya nenimukur a? Meere mono Esekia abu tolimok ŋituŋa a Yudaya ka Yerusalem ebe, ‘Emaikina iyes kilipa Akuj alokiŋaren Namuroet apei bon ka topeo ŋamuronisya alokidiama Namuroet ŋin bon a’?

Ŋirom. 3:6

Mam jik! Ani pa kiyookino Akuj, ikokini nai iŋes etubokini akwap ai?

Ŋirom. 6:2

Mam jik! Nyepedori asecit akitap iwon, anerae ikipotu iwon otwaka alokiŋaren asecit, ikikokini nai iwon ikirubakini ikisecenene ai?

Ŋirom. 9:14

Ikitemari nai tokona iwon ai? Ikitemari erae Akuj ŋina nyetubi ŋakiro iyookino a? Mam jik!

Ŋikis. 12:11

emaikina nai iyes yaut ŋiboro daadaŋ ŋulu adau ayoŋ alimokin iyes nakibois ŋina eseuni Ekapolon Akuj kus akiboiyo, iyaunete iyes nen ŋainakineta kus ŋuna epeyo, ŋamuronisya kus atutubet apei alotooma ŋitomon a ŋiboro kus, ŋainakineta kus ka ŋainakineta kus daadaŋ ŋuna ajokak ŋuna ipotu iyes kikoŋo ainakin neni ke Ekapolon.

Yos. 22:23

Ani kedukitoe isua Namuroet aŋuna kosi aŋeryo Ekapolon, kori aŋuna ka ainanakin Namuroet ŋin ŋainakineta ŋuna epeyo ka ŋuna a ŋikinyom, kori aŋuna ka ainanakin ŋamuronisya ŋuna ke ekisil, kimyekisi Ekapolon elope ikisican isua.

Yos. 22:26

Ŋakiro ŋun iŋes ikiponia isua otemasi, ‘Odukokisi Namuroet aŋuna yok a ŋilopeyek, meere neni einanakinere ŋainakineta ŋuna epeyo, kori ŋamuronisya.’

Yos. 22:28

aponi isua totamakinae ebe, ‘Ani ketemasi ikes nen neni a ŋiletok kosi, eboŋokinete ikes atemar kiŋolikisi etorube lo ŋolo a Namuroet a ŋina ikwaan ka ŋina ke Ekapolon. Arae atapapaa kosi apotu todukokis Namuroet ŋin meere aŋuna a ŋainakineta a ŋuna epeyo, kori a ŋamuronisya nai erae esuuda kosi ka iyes.’

Yos. 22:30

Ani iirarete Pineas ŋolo arae esacaradoti ka ŋikarikok a Ŋisirael ŋulu aponito a natekerin a Ŋisirael ŋakiro ŋuna alimunete ŋituŋa a Ruben ka ŋulu a Gad ta ŋulu ka atutubet a apei a ŋina Manase, apotu tolakaros.

Yos. 24:16

Toboŋokis nai ŋituŋa temasi, “Nyikiryama ca isua ka akiŋer Ekapolon, kitiyanakinae ŋakujo ŋace!

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.