Yos. 22:25 - Ebaibul

²⁵ Adau Ekapolon akituruwor aŋolol Yorodan ekukoru kosi ka iyes ŋituŋa a Ruben ka ŋulu a Gad. Nyiraakasi iyes ŋituŋa ŋulu ke Ekapolon. Aŋun, epedorete manan ŋiletok kus akiteesikin ŋiletok kosi akerit Ekapolon.

Yos. 22:25 Iomraidhean Croise

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

1 Ŋirw. 12:16

Ani eyenunete Ŋisirael daadaŋ atemar aŋer erwosit akiirar ŋakiro kec, toboŋokis ikes erwosit temasi, “Nyo mono yok kona ejok eyai neni a Daudi? Mam ibore emaikina eruwor ŋini yok aneni a lokoku a Yese. Iyes Ŋisirael, emaikina ŋinituŋanan toboŋo lore keŋ! Okoe Daudi kite tokona ŋituŋa a ekal kon ke elope!” Aŋun, apotu Ŋisirael toboŋosi lorerya kec.

1 Ŋirw. 14:16

Ipotori Ekapolon Ŋisirael aŋuna a asecit a ŋina etiya Yeroboam, ido abu torikok Ŋisirael nasecit.”

1 Ŋirw. 15:30

Arae ŋun aŋuna a ŋasecisya a Yeroboam ka aŋuna abunio iŋes torikokinia Ŋisirael nasecit ta aŋuna abunio iŋes kitoŋoya Ekapolon Akuj a Ŋisirael.

Neem. 2:20

Tosodi abu ayoŋ oboŋok ikes otema, “Akuj ŋina anakuj iŋes ikiinakini isua akisiyookin etic kosi, ido elosyo isua ŋiketiyak keŋ ageun akiduk, nai imamukatar iyes idiobore ŋini erae ŋini kus alo Yerusalem, imamukatar iyes apedor ŋina ikiinakinitae iyes aŋuna a Yerusalem.”

Ŋikiru. 16:5

Iyoŋ bon Ekapolon ayakar ayoŋ, iyoŋ ikiinanakini ayoŋ ibore daadaŋ ŋini acamit; nakan kon eyai akiyar kaŋ.

Ŋitic. 8:21

Nyimarar iyoŋ ka emam ibore kon eyai lotic lo, anerae nyiyookino etau kon alokiŋaren Akuj.

Yos. 22:24

Mam! Ikipotu isua etiyata ŋun anakuryanu otamakisi atemar acepaki epote manan ŋiletok kus atemar neni a ŋiletok kosi mam ŋakiro emaikina iyes kitiyata neni a Ekapolon Akuj ŋina a Ŋisirael.

Yos. 22:26

Ŋakiro ŋun iŋes ikiponia isua otemasi, ‘Odukokisi Namuroet aŋuna yok a ŋilopeyek, meere neni einanakinere ŋainakineta ŋuna epeyo, kori ŋamuronisya.’

Yos. 22:27

Nai erae iŋes esuuda kosi ka iyes ka ŋolo a ŋiletok yok, esuuda ŋolo itoodiuni atemar erubakinio isua ilipyo neni ke Ekapolon anakibois a ŋina Asegan a na ka erubakinio einanakinio ŋainakineta ŋuna epeyo, ŋamuronisya ka ŋainakineta ŋuna ke ekisil; ikotere nai manan nyetemasi ŋiletok kus neni a ŋiletok kosi, ‘Nyiraakasi iyes ŋituŋa ŋulu ke Ekapolon.’ Ani ketemasi ikes nen neni a ŋiletok kosi, eboŋokinete ikes etemarete, kiŋolikisi etorube lo ŋolo a Namuroet a ŋina

1 Sam. 26:19

Ekemaimai tokona ayoŋ iyoŋ ekapolon kaŋ kiira ŋakiro kaŋ a eketiyan kon. Ani kerae Ekapolon ikiinakinit iyoŋ aremokin ayoŋ, emaimai ayoŋ iŋes tocamu ainakinet. Nai ani kerae ŋituŋa, elipit ayoŋ toruwor ikes ŋulu icenen alokiŋaren Ekapolon, anerae ekeritasi ikes ayoŋ anibore a ŋini etemokino ayoŋ oryamu aneni Ekapolon. Adaut ikes alimun ebe, ‘Ape, kitiyanak ŋacekujo.’