Yos. 22:22 - Ebaibul

²² “Akuj ŋina Etiron, Ekapolon! Akuj ŋina Etiron, Ekapolon! Iŋes bon eyeni ŋuna ikiinakis isua akitiya nu ka emaikina Ŋisirael daŋ toyenut ŋunapei ŋun. Ani kikiŋerit isua Ekapolon, kimyekinitae akiwuap ŋakiro keŋ, tomunyarae isua nakoloŋit na!

Yos. 22:22 Iomraidhean Croise

1 Ŋirw. 8:39

ekelipit kiira anakuj aneni erae akibois ŋina iboiyo iyoŋ, ekelipit kisyoni, kiŋarak; kitiya neni a ŋinituŋanan lopite ŋolo itiyaa iŋes, ikwapei iyenia iyoŋ ŋuna eya lotau a ŋinituŋanan, (anerae iyoŋ bon iyeni ŋitai a ŋituŋa a daadaŋ).

Yob 10:7

tari kiyeni atemar emam ekaile eyai neni kaŋ ka emam ituŋanan epedori alakun ayoŋ anapedor kon a?

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Yob 31:22

emaikina eseket kaŋ nenidapal tolemar aloseket kaŋ ka emaikina akan kaŋ tobilar anakiryamet ka eseket.

Ŋikiru. 136:2

Okoe tolakaros neni ka Akuj a ŋakujo, anerae, erae amina keŋ ŋina nyiryaŋyiryaŋa ŋina a ŋikaru ka ŋikaru.

Ŋikiru. 37:6

Isileereuni iŋes akiyookino kus, kileereu ikwa akica, isileereuni iŋes akiyookino ŋina itubioto ŋakiro kileereu ikwa akica ŋina akidiŋ apaaran.

Ŋikiru. 40:9

Eserae ayoŋ aŋuna aŋakiro ka alakara anatukot a ŋituŋa a ŋulu ecunakina akilip; nyililiŋa ayoŋ akirworo ŋuna ka aiuno kon, ikwapei iyenia iyoŋ okoe Ekapolon.

Ŋikiru. 44:21

pa mono keyenunit Akuj ŋun a? Anerae eyeni iŋes ŋuna imunono alotai.

Ŋikiru. 44:22

Nai aŋuna kon, ikiapikinit isua atwanare ŋinapaki daadaŋ; ikitiŋito ŋituŋa nalya ikwa ŋamesekin ŋuna emyearyo akiŋol.

Ŋikiru. 50:1

Akuj Ekapolon ŋolo etiron, iŋes irworo enyarit akwap daadaŋ ŋinapei alo Kide tari To.

Ŋikiru. 82:1

Eboikin Akuj nakibois keŋ kaapei ka atukot ŋina a ŋisubuna a ŋulu anakuj ikwapei ekatubon ŋakiro, etubonokini iŋes anatukot a ŋisubuna a ŋulu eya nakuj.

Ŋikiru. 95:3

anerae erae Ekapolon Akuj ŋina apolon, erae iŋes Erwosit ŋolo apolon ŋolo iloit ŋakujo daadaŋ.

Ŋikiru. 97:7

Isurumitae daadaŋ ŋileec ŋulu ilipete neni a ŋakujo, ikes ŋulu iturosi aŋuna a ŋakujo aŋunacaryo a ŋun; iyes ŋakujo daadaŋ toryediko, kilipa neni ka Akuj!

Awos. 18:11

Ayenu tokona ayoŋ atemar epol Ekapolon nooi akilo ŋakujo ŋunace, anerae abu toiu Ŋisirael aneni a Ŋijipitian apaki ŋina atiŋitere Ŋisirael erono nooi.”

Yer. 12:3

Nai Okoe Ekapolon, ikiyeni iyoŋ ayoŋ. Ikite iyoŋ ayoŋ ka ikikatanakini, iyeni iyoŋ atemar akamina ayoŋ iyoŋ. Toriko ikes kiŋa lopite ŋolo erikorere ŋamesekin neni eŋolere, totyaka ikes aŋuna ka akoloŋit a ŋina earere ikes.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Dan. 11:36

“Itiyae nai erwosit ŋolo alo Kuju ŋuna italakarito iŋes. Itopoloor iŋes bon kitusubun epol akilo ŋakujo daadaŋ ka irwori iŋes ŋakiro ŋuna aronok itoroniyarit Akuj a ŋakujo. Itiyae iŋes ŋakiro daadaŋ ejok akitodol apaki ŋina ebunio anyunyura ŋina ka Akuj neni keŋ, anerae ŋuna emaikina kitiyae, itiyakin.

Dan. 2:47

Tema erwosit neni a Daniel, “Kire jik, erae Akuj kon Akuj ŋina a ŋakujo ka Ekapolon a ŋirwosi ŋina isileereununui ŋakiro ŋuna imunono, anerae ipedo iyoŋ akisileereun ŋakiro nu ŋuna emunono.”

Mika 7:9

Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

Ŋitic. 1:24

Tosodo kilipa temasi, “Ekapolon, iyeni iyoŋ etau a ŋinituŋanan, kitoodikinae tokona isua alokilyok a ŋuluarei a lu ŋolo iseu iyoŋ.

Ŋitic. 25:11

Ani nai ketiyat ayoŋ ŋuna aronok, ŋuna itemokino otwania, nyewarit ayoŋ abucar anatwanare. Nai ani pa kiyookino ŋakiro ŋuna ekesitakinitotor ikes ayoŋ, emam ituŋanan epedori akipotokin ayoŋ neni kec. Eŋita ayoŋ ayaaro neni ke ekepukan a Roma.”

2 Ŋikor. 11:11

Alimunit mono ayoŋ nu anerae nyakamina ayoŋ iyes a? Eyeni Akuj atemar akamina ayoŋ iyes!

2 Ŋikor. 11:31

Eyeni Akuj, Papa ke Ekapolon Yesu--ŋolo ipuritoe ŋikaru ka ŋikaru atemar nyerworo ayoŋ alyokonu.

2 Ŋikor. 5:11

Ikiyeni isua ibore ŋini erae akerit Ekapolon, aŋun nai ikikatakinit isua akitacamun ŋuluce. Ikiyeni Akuj isua nooi ka egeno ayoŋ atemar ikiyenete iyes daŋ ayoŋ alotai kus.

Ŋikis. 10:17

anerae erae Ekapolon Akuj kus Akuj a ŋakujo, Ekapolon a ŋikapolok, Akuj ŋina apolon, ŋina etiron ka ŋina etubulon, ŋina etubi ŋakiro iyookino ka eŋerit akaluŋuluŋut,

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Ŋibur. 4:13

Emam isubuna ipei daŋ ŋini epedoryo akiwua aneni ka Akuj, ileere ibore daadaŋ eyai eŋaara aneni keŋ. Erae neni keŋ elimoryo iwon ŋakiro ŋuna kitiya.

Yos. 22:21

Apotu nai ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase toboŋokis ŋikarikok a ŋatekerin a Ŋisirael ŋul temasi,

Akis. 19:16

Egiritae lokaaso ka namuro keŋ ekiro lo, “Erwosit a ŋirwosi ka Ekapolon a ŋikapolok.”

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”

1 Sam. 2:3

Tojoŋoto akirworo nooi iturosi; tojoŋo akirworo ŋakiro ŋuna ka akituro. anerae erae Ekapolon Akuj ŋina eyeni ŋakiro, etubonokini iŋes ŋituŋa anakiro a daadaŋ a ŋuna itiyaete.