Yos. 22:18 - Ebaibul

¹⁸ Iŋero mono kire tokona iyes Ekapolon a? Ani kiŋerito iyes Ekapolon nakoloŋit na, eŋoikini Ekapolon Ŋisirael daadaŋ moi taparacu.

Yos. 22:18 Iomraidhean Croise

2 Sam. 24:1

Abu nabo Ekapolon toŋoik Ŋisirael, ido abu inak Daudi akidupor Ŋisirael; tema Ekapolon neni a Daudi, “Ape kimar ŋituŋa a Isirael ka ŋulu a Yudaya.”

1 Ŋirw. 9:6

“Ani kiŋer iyoŋ, kori ŋidwe kon akiwuapit ŋakiro kaŋ, toesikis akiwuapit Ŋakiciketa kaŋ ŋuna ewuak ayoŋ kiŋaren kon, ido toloto akitiyanakin ka akilip neni a ŋakujo,

2 Ŋirw. 17:21

Apaki ŋina atyakarya Ekapolon Isirael alo Yudaya, apotu Ŋisirael kituruwosi Yeroboam lokoku a Nebat erwosit kec. Abu Yeroboam kibata Ŋisirael anakiwuapit Ekapolon, tosodi kitesec ikes asecit ŋina apolon nooi.

1 Ŋakiro a ŋirwa 21:1

Tolosik Satan Ŋisirael, ido abu inak Daudi atametait ŋina ka akimar Ŋisirael.

1 Ŋakiro a ŋirwa 21:14

Aŋun, abu Ekapolon kiyakiya edeke neni a Ŋisirael, ido apotu ŋituŋa ŋalipyo ŋatomonikanikaarei totwaka.

2 Ŋakiro a ŋirwa 25:27

Akisyakin apaki ŋina aŋeryo Amasia akiwuap ŋakiro ke Ekapolon, apotu ŋituŋa a Yerusalem totukut akiar Amasia. Nai abu iŋes tosi, tolot lotaun Lakis. Nai apotu ŋimoe keŋ kiwuapasi iŋes inaa, toara.

2 Ŋakiro a ŋirwa 34:33

Tolema Yosia asiilyo daadaŋ anakwap a daadaŋ a ŋina a Ŋisirael, kituruwo Ŋisirael daadaŋ ŋulu ilipete neni a Ekapolon Akuj kec. Apotu Ŋisirael kiwuapa Ekapolon Akuj atapapaa kec ŋirwa daadaŋ ŋulu ayarya erwosit Yosia.

Ŋilep. 10:6

Tema nai Moses neni ka Aron ka ŋidwe keŋ ŋulusapa Eleasar ka Isamar, “Nyimyekis ŋitim ijaanaete, ido nyicila ŋilowi kus, ani kitiyata iyes ŋun, itwakete iyes, ido eŋoikini Ekapolon ŋituŋa daadaŋ. Nai ecamakinitae Ŋisirael ŋuluce daadaŋ kigworo aŋuna ka atwanare a ŋin a ŋina etoruni nakim ŋina eyakuuni Ekapolon.

Ekim. 16:22

Anenipei, toramakinos Moses ka Aron todolo ŋireetin kwap, ido temasi, “Okoe Akuj, Akuj ŋina a ŋitai a ŋituŋa a daadaŋ, iŋoikini iyoŋ ŋituŋa daadaŋ aŋuna ka asecit a ipeituŋanan a?”

Ekim. 32:15

Ani kiŋero iyes akiwuap ŋuna ke Ekapolon, imyekini nabo iŋes Ŋisirael analoŋisat ka emunyari ŋituŋa lu daadaŋ.”

Ŋikis. 7:4

anerae epedorete ŋun akiteŋer ŋidwe kus akiwuapit ŋakiro kaŋ, tosodi kitiyanakis ŋakujo ŋace. Ebuni nai Ekapolon aŋoikin iyes nooi, ido ikimunyari iŋes iyes atipei.

Yos. 22:15

Ani edolete ikes Gilead neni a ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase, temasi,

Yos. 22:16

“Ikiŋisito iyes ŋituŋa daadaŋ ŋulu a Ekapolon ebe, ‘Anukiro aronok nu ŋuna itiyata iyes neni ka Akuj a Ŋisirael, ŋuna iŋeryoto akiwuapit Ekapolon, anerae iduko aŋuna kus Namuroet erae ŋinaŋeryet Ekapolon?

Yos. 22:20

Ani mono apaki ŋina asecia Akani lokoku a Sera ŋolo abu kinunaa ŋiboro ŋulu alimunit Ekapolon atemar emaikina tomunaarae, pa mono abu anyunyura a Ekapolon bu neni a Ŋisirael daadaŋ a? Nabo meere Akani bon abu totwan apaki ŋin aŋuna ka asecit keŋ.’”

Yos. 7:1

Nai apotu Ŋisirael nyiwuapa ŋuna ecikit Ekapolon ikes ebala nyelemasi alo Yeriko idiobore. Abu ekile ŋolo anyaritae Akan tolemu ŋiboro ŋulu sek abookoi nyilemut, ido abu Ekapolon toŋoik Ŋisirael nooi. (Arae Akan lokoku a Karami a ŋolo arae Lokoku a Sabadi, a ŋolo arae lokoku a Sera a ŋolo alokabila a Yuda.)

Yos. 7:11

Aseca Ŋisirael! Abila ikes ŋuna abu ayoŋ ecik ikes atemar, kirica. Alemasi ikes ŋiboro ŋice ŋulu amaikina kinyasunae. Akokoiyasi ikes ŋiboro ŋul, nabo emunoniasi emorikis ka ŋiboro kec.

Yos. 7:21

Alotooma ŋiboro ŋulu aremunio, abu ayoŋ eŋolik elou ŋolo ajokan ŋolo aoyan, ŋolo itiyaunitae alo Babilon ka ŋakiloi ŋaarei ŋuna a esilipa ta egolid ŋolo adolit apotis atutubet apei ŋina ka akilo. Apotu ŋiboro ŋul okonirasi ayoŋ nooi, olemu ayoŋ ikes. Anukakinit ayoŋ ikes nalup tooma eema kaŋ ka eyai esilipa alokwap.”

1 Sam. 12:14

Ani kitopoloosi iyes Ekapolon, kitiyanakis iŋes, topupo ŋuna ebala iŋes, ido nyiŋero ŋakiciketa keŋ ka ani kiwuapa iyes ke erwosit ŋolo ikipukat iyes Ekapolon Akuj kus, ejokyata ŋakiro aneni kus.

1 Sam. 12:20

Tema Samuel neni a ŋituŋa, “Nyikuryaketa; idaut iyes akitiya aronis ŋin daadaŋ, tari kitiyato ŋun, nyimyekis akiwuapit Ekapolon, nai kitiyanakisi Ekapolon a ŋitai kus a daadaŋ.