Yos. 21:44 - Ebaibul

⁴⁴ Abu nai Ekapolon kisieŋa Ŋisirael jik ejie alowaetin a akwap kec a daadaŋ, ikwaŋina eikinitor anakikoŋiet keŋ neni atapapaa kec. Mam ŋimoe kec tari ipei ŋini abu topedo akiloun ikes. Abu Ekapolon kipotok ŋimoe kec daadaŋ nakan kec, toreut.

Yos. 21:44 Iomraidhean Croise

2 Ŋakiro a ŋirwa 13:16

Apotu Ŋisirael tobwaŋas alokiŋaren ŋasigarya a Yudaya, inak Akuj ŋasigarya a Yudaya akiloun Ŋisirael.

Awos. 23:31

Ewuakini ayoŋ ekukoru a akwap kus akisyakin a Nanam a ŋina Areŋan tari Nanam a Ŋipilistin, ido kikobar analoŋisat tari naŋolol Eupurate. Akajalakini ayoŋ iyes ŋituŋa ŋulu iboiyete anakwap a ŋin, ido iritarete iyes ikes toloto alokiŋaren kus.

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Isa. 63:14

Abu etau a Ekapolon inak ikes akieŋun lopite ŋolo etiyaarotor ŋaatuk nakadipaalat. Aŋun, ibu iyoŋ Ekapolon kiten ŋituŋa kon, ikotere itopoloorere ekiro kon.

Ŋikis. 2:36

Ameun alo Aroer alokipetot a ayonae Arinon (Kaapei ka etaun ŋolo ayai tooma nayonae) akitodol Gilead, amam akai ŋina kirereet ŋina aoya aŋuna yok. Abu Ekapolon Akuj yok ikiinak iwon ŋinibore daadaŋ.

Ŋikis. 21:10

Ani kiloto iyes akitijikin ŋimoe kus, tosodi ikiinak Ekapolon iyes kilout ikes, kikamasi iyes ikes erae ŋirikon,

Ŋibur. 4:9

Aŋun nai, eriŋa akieŋun ace eyai aŋuna a ŋituŋa ka Akuj; akieŋun ŋina ikoni ŋina eeŋunia Akuj akoloŋit ŋina a ŋakanikaarei.

Yos. 1:13

“Totamunito ŋakiro ŋuna abu Moses eketiyan a Ekapolon ikicik iyes ebala, ‘Ikiinakini Akuj ŋina erae Ekapolon kus iyes akieŋun ka ituruwori iŋes akwap na ŋina kus.’

Yos. 1:15

akitodol ŋina isieŋunia Ekapolon ŋituŋa kus kaapei ka iyes, kitolom ikes daŋ nakwap ŋina einakinit Akuj Ekapolon kus ikes. Ani isiboikini Akuj ŋatekerin a Isirael daadaŋ, toboŋut nai iyes kiboikinos nalup kus ŋuna abu Moses eketiyan ŋolo ke Ekapolon itotyakak iyes alo Kide aŋolol Yorodan.”

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Yos. 11:12

Abu Yosua tomunya ŋitaunio ŋul kaapei ka ŋirwosi kec, toar a ekileŋ ŋituŋa daadaŋ, lopite ŋolo kicikitor Moses ŋolo arae eketiyan a Ekapolon iŋes.

Yos. 11:23

Abu Yosua kikama akwap daadaŋ lopite ŋolo ecikitor Ekapolon Moses. Inak Yosua akwap ŋin neni a Ŋisirael toruwor ŋina kec, totyakatyaka, inak ŋolokabila akwap keŋ. Todaun nai ejie, kieŋa akwap ŋin.

Yos. 11:8

kipotok nai Ekapolon ŋirwosi ŋul ka ŋasigarya kec nakan a Ŋisirael, toarae ikes kiritarae lowae ŋolo alo Kuju, todolo neni enyaritae Sidon ka Misirepoti-Maim, todolo tari Kide nakadipaalat ŋina enyaritae Misipa. Toarae ŋimoe ŋuk nyidoŋ tari ipei.

Yos. 2:24

Ekaku kirworo ikes, temasi neni a Yosua, “Adau Ekapolon Akuj ainakin Kanaan daadaŋ nakan yok. Elelebun tokona ekabule lotai a ŋituŋa ka akwap a Kanaan daadaŋ.”

Yos. 22:4

Aŋuna nai tokona, adaunia Ekapolon ŋolo erae Akuj kus akisieŋar ŋikaitotoi kus ejie lopite ŋolo eikinitor iŋes ikes, toboŋosi nai tokona nakwap kus ŋina abu Moses eketiyan a Ekapolon ikiinaki iyes alo Kide, alokekwaye Yorodan.

Yos. 22:9

Apotu nai ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase torotokis aneni a Ŋisirael a ŋuluce alo Silo, alotaun a ŋolo ayai Kanaan, toboŋosi nakwap a Gilead ŋina ainakinio ikes ikwaŋina ecikitor Ekapolon Moses.

Yos. 23:1

Ekaku kelunyar apaki ŋina aoyan, kedau Ekapolon akisieŋun Ŋisirael alomoe kec alowaetin a akwap kec a daadaŋ, toris daŋ Yosua kemojoŋ nooi,