Yos. 21:43 - Ebaibul

⁴³ Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 21:43 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 13:15

Akainakini ayoŋ iyoŋ ka ŋiletok kon akwap na daadaŋ ŋina ite iyoŋ toruwor ŋina kus jik.

Akisy. 28:4

Elipi ikiinak Akuj iyoŋ ŋarereŋisyo ŋuna ainakinitae Aburaam, ikiinak iyoŋ ka ŋiletok kon, ikotere ikamarete akwap na ŋina tokona iboiyoto iyes irae ŋigelae, toruwor ŋina kus akwap na ŋina erae Akuj abu inak Aburaam.”

2 Ŋakiro a ŋirwa 20:8

Adaut ŋiletok ŋul akiboi anakwap a na ka ikidukokis iyoŋ Akai aŋuna a ekiro kon ebasi,

Neem. 9:24

Aŋun, apotu ŋiletok kec tolomasi nakwap ŋin kituruwosi ŋina kec, ido ibu iyoŋ kilou alokiŋaren kec ŋituŋa ŋulu eboiyete anakwap a ŋin ikes Ŋikanaani, ibu iyoŋ ikiwuak Ŋikanaani napedor kec kaapei ka ŋirwosi ta ŋituŋa ka akwap a ŋin, ikotere itiyaete Ŋikanaani neni a Ŋisirael ŋuna italakarito Ŋisirael.

Neem. 9:8

Ibu iyoŋ toryamu etau keŋ ikinyoma alokiŋaren kon, ibu iyoŋ tocamunos ka iŋes ainakin neni a ŋiletok keŋ, akwap a Ŋikanaani, a Ŋiitaiti, a Ŋiamori, a Ŋiperisi, a Ŋiebusi ka a Ŋigarigasi, ido idau iyoŋ akisiyookin akiikinet kon, anerae iyookino iyoŋ.

Ŋikiru. 105:8

Etamunit iŋes acamunet keŋ ŋikaru ka ŋikaru, acamunet keŋ ka ŋituŋa ŋina abu iŋes tolimu aŋuna a ŋanyameta a aliput.

Ŋikiru. 44:3

Pa apotu ikes kikamasi akwap aŋuna ka ajionu kec, meere tari aŋuna ka agogoŋu kec aponiata ikes kilouniata; nai arae aŋuna ka apedor ka agogoŋu kon ka arae aŋuna iteyenikinitor iyoŋ ikes atemar iyai iyoŋ ka ikes, anerae imina iyoŋ ikes.

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Ekim. 33:53

Ikamarete iyes akwap ŋin, ido kiboikinos nen, anerae akainak ayoŋ iyes akwap ŋin toruwor ŋina kus.

Ekim. 34:2

“Kicik Ŋisirael, tolimok ikes ebe, ‘Ani ilomarete iyes nakwap a Kanaan (iŋes akwap ŋina akainakinit ayoŋ iyes toruwor ŋina kus, erae akwap a Kanaan ŋina igerunito ŋikukorin lu:)

Ŋikis. 11:31

Ani idokarete iyes ekekwaye Yorodan, ilomarete akiboikin nakwap ŋina ikiinit iyes Ekapolon Akuj kus ka ani ikamarete iyes iŋes ka iboikinosi nen,

Ŋikis. 12:29

Ani emunyari Ekapolon Akuj kus alokiŋaren kus ŋituŋa a ŋakwapin a ŋuna eapi iyes alomar ka akituruwor ŋuna kus, ani kidaut iyes akiritar ikes ka kiboikinosi nakwapin kec,

Ŋikis. 17:14

Ani idolete iyes nakwap ŋina ikiinit iyes Ekapolon Akuj kus, kidaut akikamar ka kiboikinos nen, ido itemasi, “Oseutu aŋuna yok erwosit ŋolo ikipukae iwon, lopite ŋolo eyakatar ŋirwosi nakwapin daadaŋ ŋuna ikidunyar iwon,”

Ŋikis. 34:4

Tolimok Ekapolon Moses tema, “Erae ŋin akwap ŋina abu ayoŋ ekoŋ neni ka Aburaam, a Isaka ka Yakob abala, ‘Ainakini ayoŋ iŋes neni a ŋiletok kus’; ekesiŋolik ayoŋ iyoŋ iŋes, nai nyidoli iyoŋ ama.”

Yos. 1:6

Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Yos. 21:42

Ŋitaunio ŋul daadaŋ, ayakar ŋolotaun adakari keŋ diyete keŋ.

Ŋikat. 11:24

Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?

1 Sam. 12:8

Ani kedaut Yakob ka ŋidwe keŋ ŋulusapa akiboikin nakwap a Ijipit, apotu Ŋijipitian kiteryamut ikes ŋican, aŋun, apotu atapapaa kus kikalout neni ke Ekapolon, ido abu Ekapolon kiyakiya neni kec Moses ka Aron, ŋulu apotu yaut ikes alo Ijipit; kisiboikis ikes nakwap na.