Yos. 21:1 - Ebaibul

¹ Apotu ŋikarikok ŋulu a ekabila a Lepi toloto neni ke Eleasar esacaradoti ka neni a Yosua a lokoku a Nun ta neni a ŋikarikok a Ŋisirael a ŋulu a ŋikabilae a ŋuluce.

Yos. 21:1 Iomraidhean Croise

Akisy. 49:7

Eruwor aŋoit kus ŋina icenen, anerae idedeŋ nooi; Eruwor anyunyura kus daŋ ŋina icenen, anerae iryenyaaka nooi! Akorakini ayoŋ ikes nakwap a ŋituŋa a Yakob, eelakini ayoŋ ikes nakwap a ŋituŋa a Isirael.

Awos. 6:14

Ruben iŋes lokoku a Yakob ŋolo kiyae, ayakar Ruben ŋidwe ŋulusapa lu: Anok, Palu, Esiron ka Karimi, arae ŋul ŋituŋa a ekal a Ruben.

Awos. 6:25

Abu lokoku ka Aron ŋolo anyaritae Eleasar kiit nakoku a Putiel ŋina abu touru Pineas. Arae ŋul ŋituŋa a ekal a Lepi a ŋatekerin kec.

Ekim. 35:1

Abu Ekapolon kirwor neni a Moses anadipoe a Moab alodiyete Yorodan aneni iteosi ka Yeriko tema,

Ekim. 35:8

Ani iinakinete iyes ŋitaunio neni a ŋilepi alotooma akwap ŋina ekorakinitae Ŋisirael, emaikina totyakarae ŋitaunio ŋulu elalak ka totyakarae ŋitaunio ŋulu ekudyoko alokabilae a ŋulu eryamunito ŋitaunio ŋulu ekudyoko. Etyakakinio ŋilepi ŋitaunio alotyae a ŋolo eryamunit ŋolokabila.”

Yos. 14:1

Ŋakiro ŋuna etupakinito, erae ŋuna elimorito epite ŋolo aponiata Ŋisirael tokora akwap a Kanaan alowae a ŋolo alo To aŋolol Yorodan. Ŋituŋa ŋulu akorete ŋalup lotuŋa ikes lu: Eleasar esacaradoti ka Yosua lokoku a Nun ta ŋikapolokinitok ŋikalya ŋulu a ŋikabilae a Isirael.

Yos. 17:4

Apotu ikes toloto neni a Eleasar a esacaradoti ka neni a Yosua a lokoku a Nun ta neni a ŋikarikok a Ŋisirael temasi, “Abu Ekapolon kicik Moses akorakin isua akwap ŋina eruwor ŋina kosi lopite ŋolo ekorakinitere ŋikaipapae kosi.” Aŋun, ikwaŋinapei ecikitor Ekapolon Moses, abu Yosua inak ikes aloyeneta a papa kec akwap ŋina abu toruwor ŋina kec.

Yos. 19:51

Arae ŋun ŋakwapin ŋuna apotu Eleasar esacaradoti ka Yosua lokoku a Nun ta ŋikarikok a Ŋisirael tokorakis Ŋisirael. Apotu ikes tokora akwap anakilamilam alokiŋaren Ekapolon aneni enyaritae Silo, alo Eema a ŋolo elipere neni ke Ekapolon. Epite ŋol iŋes aponiata Ŋisirael tokoryata akwap kec.