Yos. 20:9 - Ebaibul

⁹ Arae ŋul ŋitaunio ŋulu atyakaritae aŋuna a Ŋisirael daadaŋ kaapei ka ŋituŋa ŋulugelae ŋulu eboiyete ka ikes. Atyakaritae ikes aŋuna a idiotuŋanan a ŋini ebucakin akiar ŋinice, ikotere todoki nen nyear ŋini iwuapit akinyaŋia ŋini abu iŋes toar eriŋa nyitowua aloikiiko totubokinae.

Yos. 20:9 Iomraidhean Croise

Ekim. 35:13

Emaikina iyes toseut ŋitaunio ŋikanikapei ŋulu edoonokinete ŋituŋa kus,

Ekim. 35:15

Eruworosi ŋitaunio ŋul ŋulu edoonokinete Ŋisirael, kori ŋituŋa ŋulugelae ŋulu iboiyete ka Ŋisirael, kori ŋipeyok ŋulu eya Isirael, ikotere ituŋanan ŋini ebucakin akiar ŋinice epedori adokin nen.

Yos. 20:4

Ekaaran ŋolo edokini neni a epei a ŋitaunio a ŋulu ityakarete iyes, emaikina ani edoli lokek a etaun, towo, tolimok ŋakiro keŋ lokasikou ŋulu ke etaun a ŋolo edokini iŋes. Emaikina nai ŋituŋa a etaun a ŋol yaasi iŋes tooma etaun, kitoodikis neni iboikin, ido kiboiyoto ka ikes.

Yos. 20:6

Emaikina ekaaran ŋol kiboi alotaun a ŋol akitodol ŋina itowoere aloikiiko ka akitodol ŋina etwania esacaradoti ŋolo Apolon nooi alotaun a ŋol ŋirwa ŋul, apaki ŋin nai eboŋorya ekaaran ŋol lotaun ŋolo sek eboiyoto ka ŋituŋa keŋ, tojoŋo akiboi alotaun a ŋolo abu iŋes todoki.”

Yos. 20:8

Alokekwaye Yorodan, alo Kide Yeriko aponi totyakarae Beser etaun ŋolo ayai naloŋisat nenilapat anakwap a ŋina a Ruben, anakwap a ŋina a Gad aponi totyakarae Ramos etaun ŋolo ayai Gilead, anakwap a ŋina ka atutubet ka apei a Manase, aponi totyakarae Golan etaun ŋolo ayai Bacan.