Yos. 2:12 - Ebaibul

¹² Aŋuna nai tokona etiyaa ayoŋ arimao neni kus, kikoŋo alokiro a Ekapolon atemar irimaakyata iyes neni a ŋiyeneta kaŋ. Nabo kitoodikinae ibore ŋini eketunupi ayoŋ ŋakiro kus.

Yos. 2:12 Iomraidhean Croise

Akisy. 21:23

Kikoŋ tokona a ne neni kaŋ alokiro ka Akuj atemar nyikimodikini iyoŋ ayoŋ, kori ŋidwe kaŋ, kori ŋituŋa kaŋ. Kikoŋ lopite ŋolo ekoŋio ayoŋ neni kon alotooma arimao. Kitiya ŋun neni kaŋ ka nakwap na ŋina idaunia iyoŋ akiboiyo irae egela.”

Akisy. 24:3

ido ekesikoŋ ayoŋ iyoŋ alokiro ke Ekapolon a Akuj a ŋina erae nakuj ka akwap ŋuna keŋ, kikoŋ ebe, nyiitakini iyoŋ lokoku kaŋ aberu anapesur a ŋuna eurito ŋituŋa a Kanaan, ŋulu tokona eboi ayoŋ aneni kec.

Akisy. 24:9

Kiwuak eketiyan ŋol akan keŋ kwap amuro ka Aburaam ke ekapolon keŋ, ido kikoŋ neni keŋ aŋuna a ŋakiro a ŋun a daadaŋ.

Akisy. 40:14

Nai ani ŋina ejokyarotor ŋakiro aneni kon, totamunitetei ayoŋ daŋ, kitoodiu arimao kon neni kaŋ; tolimoroe ayoŋ daŋ neni a Parao, itolemu ayoŋ alokai a na.

2 Ŋakiro a ŋirwa 36:13

Abu daŋ Sedekia toŋer Nebukadinesar ŋolo sek abu kisikoŋ alokiro ka Akuj atemar iwuapi ŋakiro a Nabukadinesar; abu iŋes kitogogoŋ akou keŋ ka kitininik ŋatameta keŋ towou akiwuap ŋuna a Ekapolon Akuj a Ŋisirael.

Esta 8:6

anerae ekokini ayoŋ ai edaŋidaŋi eteunit ŋican eponito neni a ŋituŋa kaŋ? Kori ekokini ayoŋ ai edaŋidaŋi eteunit amunyaro ebunit neni a ŋiyeneta kaŋ?”

Awos. 12:13

Eruwor ŋaokot emacar ŋolo itoodiunit ŋakais ŋuna iyes. Ani eŋolikini ayoŋ ŋaokot, alunyar ayoŋ aneni kus, ido mam ŋican eyakaun neni kus apaki ŋina ayaunia ayoŋ akisicanet nakwap a Ijipit.

Yer. 12:16

Ekaku, ani keyenut ŋikidunyet a Ŋisirael ka alelakinit ayenun ŋuna iwuapito ŋituŋa kaŋ, ido kikoŋo alokiro kaŋ ebasi, ‘Ikwapei eyarya Ekapolon,’ lopite ŋolo etatamitotor ikes ŋituŋa kaŋ akikoŋ alokiro a Baal, ŋun nai epedoryata ikes akiboi kaapei ka ŋituŋa kaŋ.

Mar. 14:44

Aris sek Yuda kelimoki ŋikekamunak a Yesu atemar, “Ŋolo anui ayoŋ, iŋes ŋolo. Kikamutu iŋes torikosi, totiŋito kojokan.”

Ŋirom. 1:31

Emam ŋakiro emisito ŋitai kec, nyiricito ŋakiro ŋuna iiyanakinete, emam ikes aminanar, emam akitim.

1 Tim. 5:8

Nai ani pa kidarit ituŋanan ŋiyeneta keŋ, akilo nooi ŋituŋa ŋulu ke ekal keŋ, adau iŋes akiŋer anupit Kristo ka aroniar nooi akilo ŋini nyenupit.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Yos. 2:13

Kiikinae ayoŋ atemar iesikinete iyes papa kaŋ, toto kaŋ, atalokaato kaŋ, atanakaato kaŋ kaapei ka ŋituŋa kec daadaŋ ka ikiiunete iyes isua nyikiari!”

Yos. 2:18

erae kitiya iyoŋ ŋakiro nu: Apaki ŋina ikamarere isua akwap na, itemokino iyoŋ toenik arac ŋina areŋan na lodirisa ŋolo sek ikiyooliunio iyoŋ isua, itemokino iyoŋ tocunak kai kon papa kon, toto kon, atalokaato kon ka ŋituŋa a ekal a papa kon daadaŋ.

Yos. 2:19

Ituŋanan kon daadaŋ ŋini elomari kiŋa, ido toarae, eruwor atwanare keŋ nakou keŋ, meere nakyes kosi. Nai ani keari ituŋanan idio ŋini eyai tooma akai kon, eruwor atwanare keŋ nakyes kosi.

Yos. 6:22

Tolimok Yosua ŋikilyok ŋuluarei ŋulu alosito arot etaun ŋol tema, “Toloto kai ŋina a Raab a amalaat, yaut iŋes ka ŋituŋa keŋ daadaŋ kiŋa lopite ŋolopei aris iyes kikoŋioto neni keŋ.”

Yos. 9:15

Tocamu Yosua aruwor ka ikes ŋipei, kimyekinae ikes nyeari tari ipei. Apotu ŋikarikok a Ŋisirael kikoŋo atemar ikiricakini acamunet ŋin.

Ŋikat. 1:24

Ani iŋolikinete ŋikarebok ekile elomuni alotaun, tolimokis iŋes temasi, “Kitoodikinae isua erot ŋolo elomarere lotaun, ido ikirimakini isua iyoŋ.”

1 Sam. 30:15

Kiŋit Daudi iŋes tema, “Ipedori iyoŋ arikor ayoŋ lokaremok ŋul a?” Toboŋok iŋes tema, “Kikoŋ mono iyoŋ alokiro ka Akuj atemar nyikiari iyoŋ ayoŋ ka nyikipotokini iyoŋ ayoŋ neni a ekapolon kaŋ, ido nai akayai ayoŋ iyoŋ kwap ama neni eya ikes.”