Yos. 19:51 - Ebaibul

⁵¹ Arae ŋun ŋakwapin ŋuna apotu Eleasar esacaradoti ka Yosua lokoku a Nun ta ŋikarikok a Ŋisirael tokorakis Ŋisirael. Apotu ikes tokora akwap anakilamilam alokiŋaren Ekapolon aneni enyaritae Silo, alo Eema a ŋolo elipere neni ke Ekapolon. Epite ŋol iŋes aponiata Ŋisirael tokoryata akwap kec.

Yos. 19:51 Iomraidhean Croise

Akisy. 49:10

Mam ŋini elemari apukan aneni a Yuda, ipukaete ŋiletok keŋ jik, elemianakinete iŋes ŋituŋa a ŋakwapin ocur, ka itopoloorete ŋituŋa a ŋakwapin iŋes.

Ŋikiru. 78:60

Abu kimyek eema keŋ ŋolo ayai Silo, eema ŋolo sek ayakar iŋes kaapei ka ŋituŋa.

Mat. 20:23

Tolimok Yesu ikes tema, “Kire imasete ekopo kaŋ, nai ŋuna ka akiboikin teten ka kedyany kaŋ, nyerae apedor kaŋ ainakin. Erae ŋakiboisyo ŋun ŋuna a ŋulu eseunit Papa kaŋ.”

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Yoa. 17:2

Anerae iinak iyoŋ Lokoku apedor ŋinakipukaet ŋituŋa daadaŋ, ikotere iinakini akiyar ŋina nyedaun neni a ŋulu daadaŋ ibu iyoŋ inak iŋes.

Ŋitic. 13:19

Abu iŋes kilou ŋakwapin ŋakanikaarei alo Kanaan, ido inak ŋituŋa keŋ akwap a ŋituŋa a ŋul, kituruwo ŋina kec.

Yos. 14:1

Ŋakiro ŋuna etupakinito, erae ŋuna elimorito epite ŋolo aponiata Ŋisirael tokora akwap a Kanaan alowae a ŋolo alo To aŋolol Yorodan. Ŋituŋa ŋulu akorete ŋalup lotuŋa ikes lu: Eleasar esacaradoti ka Yosua lokoku a Nun ta ŋikapolokinitok ŋikalya ŋulu a ŋikabilae a Isirael.

Yos. 18:1

Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

Yos. 18:10

Kilamilam nai Yosua aŋuna kec alokiŋaren Ekapolon alo Silo. Arae Silo akorya Yosua akwap neni a Ŋisirael a ŋikabilae kec.

Yos. 20:1

Tolimok nai Ekapolon Yosua tema,

Ŋikat. 21:19

Aŋun, tolimut ikes temasi, “Kiirasi itiyao tokona alo Silo ŋasuban a Ekapolon ŋuna itiyaeneneo a ŋolokaru. Erae Silo etaun ŋolo apolon ŋolo eyai Kuju Besel, Kide erot ŋolo apolon ŋolo itipeiyorere Besel tari Sekem ka eyai Kwap Lebona.”

Ŋikat. 21:21

ido kiteut ŋapesur ŋuna a Silo epote lodoŋa, tosodi tolomut iyes alomanikorin a ŋulu a ŋikito a epiini, ido todaka ŋinituŋanan apese apei aŋuna keŋ a ŋapesur a Silo, yaasi ikes nakwap a Benjamin.

1 Sam. 1:3

Amina ekile ŋol akitipeiyonor Silo alotaun keŋ a ŋolokaru akilip ka ainakin amuronot neni ke Ekapolon a ŋolo a ŋajoresyo; etiyae iŋes ŋun alo Silo aneni ayakasi Opini ka Pineas ŋidwe a Eli ŋulusapa ŋulu arae ŋisacaradotin ŋulu a Ekapolon.