Yos. 18:6 - Ebaibul

⁶ Nai itemokino iyes kigyero ŋakwapin ŋakanikaarei yaut neni kaŋ. Abuni nai ayoŋ akilamilam aŋuna kus a ne alokiŋaren Ekapolon ŋolo erae Akuj yok.

Yos. 18:6 Iomraidhean Croise

Ŋikiru. 105:11

Tema Ekapolon neni a Yakob, “Akainakini ayoŋ iyoŋ akwap ŋina a Kanaan, ikwapei atutubet ŋina eruwor ŋina kon.”

Ŋakit. 16:33

Ilamilamakini ituŋanan ŋamuk alodiyete ŋamuroi keŋ, nai ŋuna itamunete ŋamuk, erae Ekapolon isiyookini.

Ŋakit. 18:18

Erae akilam ŋiboro akitub ŋakiro ŋuna iburaata ŋituŋa, erae epite ŋolo etyakere ŋituŋa ŋulu nyepatana akitub ebura kec.

Ekim. 33:54

Emaikina iyes tokorakis akwap lotuŋa a ŋinateker anakilamilam; ateker ŋina elalak ŋituŋa keŋ emaikina iyes inakis akwap ŋina alalan ka ateker ŋina ekudyoko ŋituŋa keŋ, inakisi akwap ŋina edit. Akwap daadaŋ ŋina eryamuni ituŋanan anakilamilam, eruwor ŋina keŋ; eruwor akwap ŋin ŋina kus a ŋikabilae atapapaa kus.

Ekim. 34:13

Kicik Moses Ŋisirael tema, “Erae ŋin akwap ŋina eruwor ŋina kus anakilamilam, akwap ŋina ecik Ekapolon ainakin lotuŋa a ŋikabilae a ŋikanikaomwon ka atutubet apei ŋina a ekabila a epei;

Ŋitic. 13:19

Abu iŋes kilou ŋakwapin ŋakanikaarei alo Kanaan, ido inak ŋituŋa keŋ akwap a ŋituŋa a ŋul, kituruwo ŋina kec.

Yos. 14:2

Aponi ŋikabilae ŋulu apiyanuna ŋulu arae ŋikanikaomwon ka atutubet tokorakinae ŋalup anakilamilam ikwaŋina kicikitor Ekapolon Moses.

Yos. 18:10

Kilamilam nai Yosua aŋuna kec alokiŋaren Ekapolon alo Silo. Arae Silo akorya Yosua akwap neni a Ŋisirael a ŋikabilae kec.

Yos. 18:7

Emame akwap eryamunete ŋituŋa a Lepi aneni kus, anerae ainakinet kec iŋes asacaradotonu ŋina a Ekapolon. Adaut sek Gad ka Ruben ta atutubet apei ŋina a Manase aryamun ŋakwapin kec alo Kide Yorodan. Moses ŋolo erae eketiyan a Ekapolon abu tokorak ikes.”

Yos. 18:8

Ani ketena ŋikilyok ŋulu acamitae akiyakiyar akigyer akwap, abu Yosua kicik ikes tema, “Toloto, kirimokisi akwap daadaŋ kigyerut, ido toboŋut ne neni kaŋ elamilam ayoŋ aŋuna kus a ne alo Silo alokiŋaren Ekapolon.”