Yos. 18:12 - Ebaibul

¹² Alowae a ŋolo alo Kuju esyakinit ekukoru kec alo Yorodan totiyaar nadipo ŋina a Yeriko ŋina alo Kuju, kilugok kidir To toloma nakwap ŋina a ŋikamukumukui kiropo a nen toloma naloŋisat Bes-Aben.

Yos. 18:12 Iomraidhean Croise

Osea 10:5

Ebuli ŋituŋa ŋulu iboiyete alo Samaria aŋuna a etorube a itaok, a etorube a ŋolo eyai Bes-Apen. Igworete ŋituŋa a Samaria aŋuna a etorube a ŋol igworete ikes kaapei ka ŋisacaradotin ŋulu ilipete ka itopoloorito etorube ŋol, elemaryo iŋes aneni kec yaarae nakwap ace.

Osea 4:15

“Okoe Ŋisirael, tari pa kimalaaniarito iyes aneni kaŋ, nyiinakis ŋituŋa a Yudaya ekaile ŋolo ka asecit. Nyilomasi Gilgal, kori nyitipeiyosi Bes-Apen ka nyikoŋo ibasi, ‘Ikwapei eyarya Ekapolon.’

Osea 5:8

Tokutakisi amomwara alo Gibea, tokutakisi arupepe alo Rama, toramakisi eli alo Bes-Apen, iyes ŋikilyok ŋulu a Benjamin, toloto lojie.

Yos. 16:1

Tonyarae nai ŋituŋa a Yosepu akorakin akwap. Alowae a ŋolo alo Kwap, esyakinit ekukoru a ŋituŋa a Yosepu alo Kide ŋilelyan ŋulu a Yeriko alo Kide aŋolol Yorodan, tomyaa a nen Kuju-To, kitor Yeriko, kiporo naloŋisat, kitor nakwap ŋina a ŋikamukumukui, todol Besel,

Yos. 18:11

Abu ekiro a ekabila a Benjamin a ŋatekerin kec kiŋarenu anakilamilam, ido apotu ikes toryamut akwap ŋina eyai kidiŋ ekabila a Yuda ka ekabila a ŋituŋa a Yosepu.

Yos. 2:1

Kiyakiya nai Yosua ŋolo arae lokoku a Nun ŋirototin ŋiarei aneni anyaritae Sitim alosit akireb anakimunono. Kicik ikes tema, “Toloto torebo akwap, torae nooi Yeriko.” Toloto ikes, tolomasi ewari kai ŋina ka amalaat a ŋina anyaritae Raab topero nen.

Yos. 3:16

totubos ŋakipi, towua aiwapei aneni alwanan, alotaun a ŋolo anyaritae Adam, a ŋolo ebakasi ka Saretan. Tosodo ŋakipi ŋuna aleleete lowae ŋolo ka anam a ŋina enyaritae ŋina Atwan, totubos. Todokasi nai ŋituŋa ekekwaye aŋolol Yorodan alowae a ŋolo iteosi ka Yeriko.

Yos. 6:1

Apaki ŋin, agolitoe ŋikekya a Yeriko, ikotere nyelomut Ŋisirael. Pa apedori idiotuŋanan alomar kiŋa, kori tooma.

Yos. 7:2

Kiyakiya Yosua alo Yeriko ŋirototin tema, “Toloto torebo akwap ŋina eyai etaun ŋolo anyaritae Ai, ŋolo edunyasi ka neni anyaritae Besapen alo Kide etaun Besel.” Toloto nai ikes torebo Ai.

Yos. 8:15

Tosodo Yosua kaapei ka Ŋisirael kiredakis abwaŋa edolunete ŋikajiok ŋulu ka Ai, toema lowae ŋolo ka aloŋisat.

1 Sam. 13:5

Tocunakinos Ŋipilistin akitijiore Ŋisirael, ayakatar ikes ŋagaari ŋalipyo ŋatomoniuni ŋuna eritae a ŋaŋolei ka ŋikajiok ŋalipyo ŋakanikapei ŋulu adokito ŋaŋolei ta ŋajorei ŋuna ekwaan elalak ka asinyon alokipetot ka anam. Apotu ikes toloto kiboiyosi Mikimas Kide Bes-Apen.