Yos. 18:1 - Ebaibul

¹ Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

Yos. 18:1 Iomraidhean Croise

2 Sam. 7:6

Ameun akoloŋit ŋina ayaunia ayoŋ ŋituŋa a Isirael alo Ijipit, nyeyakauna ayoŋ Kai tari nakoloŋit na. Arae ca loeema ayai ayoŋ eboiyo ka Ŋisirael.

1 Ŋirw. 14:2

tosodi Yeroboam tema neni ka aberu keŋ, “Tonyou, kitusubun akoloŋinait, ikotere nyeyenut ŋituŋa atemar irae iyoŋ aberu a Yeroboam. Ape Silo; anerae eyai ekadwaran Aija nen. Aija iŋes akalimokinit ayoŋ atemar aruwor erwosit a ŋituŋa a lu.

1 Ŋirw. 14:4

Aŋun, abu aberu a Yeroboam kitiya ŋuna alimokinio iŋes, tolot iŋes Silo kai ka Aija. Pa apedorit Aija akitere ejok apaki ŋin, anerae aris ŋakonyen keŋ kemumu aŋuna ka amojoŋu.

1 Ŋirw. 2:27

Aŋun abu Solomon tolema Abiasar anaraakau esacaradoti a Ekapolon. Kisiyook iŋes akirot ŋina aris Ekapolon kelimu alo Silo aŋuna ke ekal a Eli.

Neem. 9:24

Aŋun, apotu ŋiletok kec tolomasi nakwap ŋin kituruwosi ŋina kec, ido ibu iyoŋ kilou alokiŋaren kec ŋituŋa ŋulu eboiyete anakwap a ŋin ikes Ŋikanaani, ibu iyoŋ ikiwuak Ŋikanaani napedor kec kaapei ka ŋirwosi ta ŋituŋa ka akwap a ŋin, ikotere itiyaete Ŋikanaani neni a Ŋisirael ŋuna italakarito Ŋisirael.

Ŋikiru. 78:60

Abu kimyek eema keŋ ŋolo ayai Silo, eema ŋolo sek ayakar iŋes kaapei ka ŋituŋa.

Ŋikiru. 78:66

Abu Akuj tobwaŋ ŋimoe keŋ toboŋosi, abu kiteryamu ikes ŋileec ŋulu nyedaun.

Yer. 26:6

esikwaanikini nai ayoŋ Akai na ka Silo ka eturuwori ayoŋ etaun lo ŋolo icenen aŋuna a ŋituŋa a ŋakwapin a daadaŋ anakwap.’ ”

Yer. 26:9

Kaanukiro idwarya iyoŋ alokiro ke Ekapolon atemar ikwaanikin Akai na ka Silo ka eruwor etaun lo ereŋorot ŋolo emam ŋituŋa iboiyete alotooma?” Tosodi apotu ŋituŋa daadaŋ tocunun, kirimokis Yeremia kidiŋ alo Kai ka Akuj.

Yer. 41:5

todolut ŋikilyok ŋatomonikanikauni alo Sekem, Silo ka Samaria ebanyaritae ŋipeneka kec, tonapito ŋilowi ŋulu acilicilya toduŋuduŋo ŋawat kec, ayaunito ikes ŋainakineta ŋuna a ŋikinyom ka ekinyate ainakin neni ke Ekapolon alo Kai ka Akuj.

Ekim. 32:22

ido kikamarae akwap alokiŋaren Ekapolon, ekaku a ŋun iŋes nai iboŋunioto iyes ne, anerae idaut akiricakin ŋuna amaikina iyes kitiyata aŋuna ke Ekapolon ka aŋuna a Ŋisirael, ido eruwor akwap na ŋina kus alokiŋaren Ekapolon.

Ŋitic. 7:45

Ani kijaut ŋipapae kec Eema, apotu ikes kaapei ka Yosua yaut iŋes tari nakwap ŋina ekamarete ikes, apaki ŋina eritarya Akuj ŋituŋa ŋulu ka akwap a ŋin aŋuna kec. Kiboi Eema anakwap a ŋin akitodol ŋirwa ŋulu a Daudi.

Yos. 18:2

Edoŋito ŋikabilae a Isirael ŋikanikaarei ŋulu ariŋa nyekorakina ŋakwapin ŋuna eruwor ŋuna kec.

Yos. 18:8

Ani ketena ŋikilyok ŋulu acamitae akiyakiyar akigyer akwap, abu Yosua kicik ikes tema, “Toloto, kirimokisi akwap daadaŋ kigyerut, ido toboŋut ne neni kaŋ elamilam ayoŋ aŋuna kus a ne alo Silo alokiŋaren Ekapolon.”

Yos. 19:51

Arae ŋun ŋakwapin ŋuna apotu Eleasar esacaradoti ka Yosua lokoku a Nun ta ŋikarikok a Ŋisirael tokorakis Ŋisirael. Apotu ikes tokora akwap anakilamilam alokiŋaren Ekapolon aneni enyaritae Silo, alo Eema a ŋolo elipere neni ke Ekapolon. Epite ŋol iŋes aponiata Ŋisirael tokoryata akwap kec.

Yos. 21:2

Apotu tolimokis ikes alo Silo alotaun a ŋolo anakwap a Kanaan temasi, “Abu Ekapolon kicik Moses atemar emaikina isua ikikorakin ŋitaunio ŋulu kiboikino ka neni edakasi ŋibaren kosi.”

Yos. 22:12

apotu Ŋisirael daadaŋ tocunakinos Silo alosit ejie ka ikes.

Yos. 22:19

Ani kitamete iyes atemar nyejok akwap kus iyes akilipya, towotutu nakwap ŋina ke Ekapolon ekekwalo Yorodan, nakwap ŋina eyai Eema ŋolo ilipere neni ke Ekapolon, ido omora ka isua akwap kosi. Nai, nyiŋero Ekapolon, kori isua anakiduk Namuroet aŋuna kus toyai bo sek ŋina ke Ekapolon Akuj yok.

Yos. 22:9

Apotu nai ŋituŋa a ekabila a Ruben ka ŋulu a Gad ta ŋulu a atutubet a apei a ŋina a Manase torotokis aneni a Ŋisirael a ŋuluce alo Silo, alotaun a ŋolo ayai Kanaan, toboŋosi nakwap a Gilead ŋina ainakinio ikes ikwaŋina ecikitor Ekapolon Moses.

Ŋikat. 18:31

Tosodi, apotu ikes kituruwosi etorube a akuj ŋolo etiyaunit Mika aŋuna keŋ a elope apaki ŋina ayakar eema ŋolo elipere neni ka Akuj Silo.

Ŋikat. 21:12

Toryamut nai ikes alo Yabes-Gilead ŋapesur ŋamiae ŋaomwon ŋuna pa kiryamakina ka ŋikilyok, yaasi ŋasigarya ŋun ŋapesur ŋun Silo, neni eboiyoto Ŋisirael, arae Silo etaun ŋolo eyai nakwap a Kanaan.

Ŋikat. 21:19

Aŋun, tolimut ikes temasi, “Kiirasi itiyao tokona alo Silo ŋasuban a Ekapolon ŋuna itiyaeneneo a ŋolokaru. Erae Silo etaun ŋolo apolon ŋolo eyai Kuju Besel, Kide erot ŋolo apolon ŋolo itipeiyorere Besel tari Sekem ka eyai Kwap Lebona.”

1 Sam. 1:24

Ani ejoŋoe ikoku akinak, abu Ana ya ikoku keŋ Kai a Ekapolon ŋina ayai Silo, tomyaa emoŋ ŋolo arae apolou ŋikaru ŋiuni, ya ŋakirya ŋakiloi ŋatomoniarei ka ŋaarei ka ebur ŋolo etiyaunitae alolou a ibarasit ŋolo eturitae epiini.

1 Sam. 1:3

Amina ekile ŋol akitipeiyonor Silo alotaun keŋ a ŋolokaru akilip ka ainakin amuronot neni ke Ekapolon a ŋolo a ŋajoresyo; etiyae iŋes ŋun alo Silo aneni ayakasi Opini ka Pineas ŋidwe a Eli ŋulusapa ŋulu arae ŋisacaradotin ŋulu a Ekapolon.