Yos. 17:7 - Ebaibul

⁷ Esyakinit ekukoru a Manase alo Aser tari Mikimesas neni iteosi ka Sekem. A nen kidir lowae ŋolo alo Kwap, nakwap ŋina a En-Tapua.

Yos. 17:7 Iomraidhean Croise

Akisy. 34:2

Ani iŋolikini Sekem lokoku ke Eipiit a ŋolo anyaritae Amor, a ŋolo epukat akwap ŋin Dina, kikamu iŋes kituruwo aberu keŋ.

Akisy. 37:12

Ŋirwa ŋul, towosyata ŋikaitotoi a Yosepu ŋakinei akiyok diyete Sekem.

Akisy. 37:14

Tolimok Isirael Yosepu tema, “Ape tokona toanyu kiboiyete ŋikaitotoi kon ejok kaapei ka ŋakinei; ido kinyaku ŋakiro neni kaŋ.” Kiyaki Isirael iŋes anakadipaalat a ŋina ke Eburon; tolot Yosepu tari Sekem,

1 Ŋirw. 12:1

Abu Reoboam tolot Sekem, anerae acunakina Ŋisirael daadaŋ Sekem akituruwor iŋes erwosit.

1 Ŋirw. 12:25

Abu Yeroboam toduk etaun Sekem, nakwap a Epuraim ŋina a ŋikamukumukui, toruwor neni eboiyo iŋes nen, kedau akiduk nen, abu tolot toduk Penuel.

1 Ŋakiro a ŋirwa 6:67

Anakwap ke Epuraim a ŋina elalak ŋikamukumukui, keponi tokorakinae ikes ŋitaunio lu: Sekem (iŋes etaun eiunor ituŋanan), Geser,

Ŋikiru. 60:6

Adau Akuj akirwor ŋakiro nu anakibois keŋ a ŋina asegan ebe, “Analelyanu kaŋ, atyakatyakae ayoŋ Sekem, ido okora akadipaalat ŋina a Sukos.

Yos. 17:6

Eyatakina akwap kec, anerae apotu ŋidwe a Manase ŋulupesur toryamut akwap kaapei ka ŋikaipapae kec, nai arae akwap a Gilead ŋina a ŋiletok a Manase a ŋuluce.

Yos. 17:8

Arae akwap a Tapua ŋina a Manase, nai nenilope erae etaun Tapua ŋolo ayai lokukoru a Manase, arae ŋolo a Epuraim.

Yos. 20:7

Aponi nai totyakarae ŋitaunio lu: Kedec alo Galileya, anakwap a ŋina a ŋikamukumukui a ŋina a Naputali ka Sekem anakwap a ŋina ŋikamukumukui a ŋina a Epuraim ta Eburon anakwap a ŋina a ŋikamukumukui a ŋina a Yuda.

Yos. 21:21

Aponi ikes inakinae anakwap a ŋina a ŋikamukumukui a ŋina ke Epuraim ŋitaunio lu: Sekem, arae Sekem etaun ŋolo adoonokinete ŋulu ebucakin akiar ŋuluce, Geser,

Yos. 24:1

Abu nai Yosua tocunak ŋikabilae a Ŋisirael daadaŋ Sekem. Tonyaraiya iŋes ŋikasikou, ŋikarikok, ŋikatubok ŋakiro ka ŋikapolok, totukokinos ŋul daadaŋ kiŋaren Asaduku ŋina ka Acamunet.

Yos. 24:32

Aponi tonukae ŋakoyo a Yosepu ŋuna sek keyaunete Ŋisirael anakwap a Ijipit nakwap ŋina kegyeli Yakob a ŋisilipae a amiat alodwe ka Amor a papa keŋ a Sekem. Abu akwap ŋina toruwor ŋina a ŋituŋa a Yosepu.

Ŋikat. 9:1

Abu Abimelek lokoku a Yerubaal tolot Sekem neni a ŋiyeneta a toto keŋ, tolimok ikes ka ŋituŋa daadaŋ ŋulu a ateker a toto keŋ tema,