Yos. 17:11 - Ebaibul

¹¹ Ayakasi Isakar ka Aser ŋitaunio ŋulu arae ŋulu a Manase; ikes lu: Bes-Can ka ŋirerya keŋ, Ibileam ka ŋirerya keŋ, Dor ka ŋirerya keŋ, En-Dor ka ŋirerya keŋ, Taanak ka ŋirerya keŋ, Megido ka ŋirerya keŋ.

Yos. 17:11 Iomraidhean Croise

2 Sam. 21:12

abu Daudi tolot kijau ŋakoyo a Saul ka ŋuna a Yonasan alokoku keŋ aneni a ŋituŋa a Yabes-Gilead a ŋulu kepotu tokokoiyasi ŋakoyo ŋun aneni atukonokin ŋituŋa alo Bes-San. Arae nen apotu Ŋipilistin kinenekis ŋawat kec akoloŋit ŋina aaryata ikes Saul alo Gilboa.

1 Ŋirw. 9:15

Erae lu ŋiticisyo ŋulu abu Solomon toreik ŋituŋa akitiya: Akiduk Akai ke Ekapolon, akai keŋ a elope ka akiduk arwatata nakititis ŋina a etaun ta akiduk ŋarwatatain ŋuna a Yerusalem, Asor, Megido ka Geser.

2 Ŋirw. 9:27

Ani iŋolikini erwosit Aasia ŋolo a Yudaya ŋakiro ŋuna etiyasi, kigaŋ agaari keŋ toem lowae ŋolo ayai etaun ŋolo anyaritae Bes-agan. Erisit Yeu iŋes ka abu tolimok ŋirukitos keŋ tema, “Toguma iŋes daŋ toara!” Togumakis ikes iŋes nagaari alorot a ŋolo elosi Gur, togumakis ikes iŋes diyete etaun ŋolo enyaritae Ibileam. Toem Aasia tari lotaun Megido totwana a nen.

1 Ŋakiro a ŋirwa 6:70

Kepotu Ŋisirael tokorakis Ŋikoasi ŋuluce daadaŋ anatutubet ka apei a ŋina a ekabila a Manase ŋitaunio lu: Aner ka Beleam kaapei ka ŋadakarisinei kec.

1 Ŋakiro a ŋirwa 7:29

Arae ŋitaunio lu ŋulu a ŋituŋa a Manase, ido ayakasi lokukworin kec ka ŋituŋa ŋuluce: Bes-San, Taanak, Megido ka Dor kaapei ka ŋirerya ŋulu aya nawaetin kec. Arae lotaunio ŋul iŋes eboiyoto ŋiletok a Yosepu a lokoku a Isirael.

2 Ŋakiro a ŋirwa 35:22

Nai abu Yosia toŋer akimyekin Neko, kitusubun meere erwosit aŋuna ka akitijikin Neko, toŋer akiirar ŋakiro ŋuna erworo Akuj aneni a Neko. Abu tolot kitijikis Neko anakadipaalat a ŋina a Megido.

Ŋikiru. 83:10

Ibu iyoŋ tomunya ikes alo En-Dor, apotu ikes tobosikis neni, toruwor ŋalup.

Yer. 49:2

Aŋun, kire jik, ebunit apaki ŋina aramakinia ayoŋ eli aŋuna ke ejie a ŋolo itijiere Raba, etaun ŋolo a Ŋiamoni, aruwor Raba ereŋorot ŋolo etukotor ŋamoru, icunyaryo ŋirerya keŋ. Inyakarete Ŋisirael akwap kec aneni a ŋulu apotu kikamasi aneni kec akwap kec.

Sakar 12:11

Epoloor nooi akigworo a Yerusalem apaki ŋin, ikokini akigworo ŋina abu toyakaun Adad Rimon, nakadipaalat a emukura ŋolo enyaritae Megido.

Yos. 11:2

Kiyakiya nabo ŋituŋa neni a ŋirwosi a ŋulu aya nakwap ŋina a ŋikamukumukui ŋina alowae a ŋolo alo Kuju ka neni a ŋulu aya Araba nadipo ŋina alo Kwap anam Galileya ka neni a ŋulu anadipo a ŋina a ŋikamukumukui a ŋulu a Karimel ta neni a ŋulu nadipo ka anam Mediteranian diyete Dor.

Yos. 12:21

erwosit ŋolo a Taanak, erwosit ŋolo a Megido,

Yos. 12:23

erwosit ŋolo a Dor alo Napas-Dor, erwosit ŋolo a Goim alo Galileya,

Yos. 16:9

kaapei ka ŋitaunio daadaŋ ka ŋirerya ŋulu atyakakinitae ikes anakwap a ŋituŋa a Manase.

Yos. 17:10

Ayai akwap a Epuraim Kwap ŋina a Manase toyai ŋina a Manase Kuju ŋina a Epuraim. Arae ekukoru keŋ alowae a ŋolo alo To anam Mediteranian, alo Kuju arae ekukoru keŋ Aser ka alowae a ŋolo alo Kide arae Isakar.

Yos. 17:16

Tolimut ŋituŋa a Yosepu temasi, “Edidiŋ aŋuna kosi akwap ŋina a ŋikamukumukui ŋin ka nabo Ŋikanaani daadaŋ ŋulu elomito nadipoe, eyakatar ŋagaari ŋuna a ŋasuwa ŋuna ke ejie; tari ŋulu alo Bes-Can ka ŋirerya keŋ kaapei ka ŋulu anakadipaalat Yesireel ikote nenipei.”

Ŋikat. 1:27

Apotu ŋituŋa a ekabila a Manase nyiritasi ŋituŋa ŋulu eboiyete alo Bes-Sean ka ŋirerya keŋ, kori ŋituŋa ŋulu eboiyete alo Taanak ka ŋirerya keŋ, kori ŋituŋa ŋulu eboiyete alo Dor ka ŋirerya keŋ, kori ŋituŋa ŋulu eboiyete alo Ibileam ka ŋirerya keŋ, kori ŋituŋa ŋulu eboiyete alo a Megido ka ŋirerya keŋ, nai apotu Ŋikanaani torubakis iboiyete anakwap a ŋin.

Ŋikat. 5:19

Apotu ŋirwosi toloto lojie, ido apotu kitijioto ŋimoe, apotu ŋirwosi a Kanaan kitijioto ŋimoe, apotu ikes kitijioto ŋimoe alo Taanak alodiyete ŋakipi a Megido, nai nyeŋatara ikes esilipa edio.

1 Sam. 28:7

Tema nai Saul neni a ŋiketiyak keŋ, “Kiwarakinae ayoŋ amuron adio, ikotere ayoŋ olot neni keŋ eŋit iŋes ŋuna emaikina ayoŋ etiya.” Temasi ŋiketiyak keŋ neni a Saul, “Eyai amuron En-Dor.”

1 Sam. 31:10

Kiwuakis Ŋipilistin ŋiboro a Saul ŋulu ke ejie kai ka akuj kec a ŋina anyaritae Asitarite, ido toenikis akuwan a saul narwatata ŋina ke etaun a ŋolo anyaritae Bes-San.

1 Sam. 31:12

tonyout ŋikilyok daadaŋ ŋulu adedeŋ, toloto akiwar akuwar kia, tolemut anarwatata a Bes-San akuwan a Saul ka ŋuna a ŋidwe keŋ a ŋulusapa a ŋuluuni, yaut ikes ŋawat ŋun tari Yabes, kicunya a nen.