Yos. 15:13 - Ebaibul

¹³ Aponi Kaleb lokoku a Yepune inakinae ŋalup aneni a ŋituŋa a Yuda, ŋalup ŋuna alo Kirias-Ariba, iŋes Eburon, lopite ŋolo kicikitor Ekapolon Yosua. (Arae Ariba papa ka Anak).

Yos. 15:13 Iomraidhean Croise

Akisy. 13:18

Towotok Aburam a nen tocuna eema keŋ, bu tolom kidiŋ ŋikuyono ŋulu a Mamure anakwap a ŋina enyaritae Eburon. Todukok Aburam Namuroet nen aŋuna ke Ekapolon.

Akisy. 23:2

Ekaku, totwana Sara alo Kirias-Araba (iŋes Eburon) anakwap a ŋina a Kanaan. Kiyaloloŋ Aburaam ka kigwor aŋuna a Sara.

2 Sam. 2:1

Ekaku ke eete a ŋol, abu Daudi kiŋit Ekapolon ŋuna emaikina iŋes kitiya tema, “Alosi ba etipeiyo lotaun a Yudaya edio?” Toboŋok Ekapolon iŋes tema, “Kitipeiyo.” Kiŋit Daudi iŋes tema, “Lotaun ali etipeiyori?” Toboŋok Ekapolon tema, “Ape Eburon.”

1 Ŋakiro a ŋirwa 6:56

nai ŋimanikorin ka ŋirerya ŋulu keya Eburon, keponi tokorakinae neni a Kaleb alokoku a Yepune.

2 Ŋakiro a ŋirwa 11:10

Sora, Aijalon ka Eburon. Ŋitaunio ŋul ikes abu Reoboam todukok ŋaduketa ŋunajiet alo Yudaya ka Benjamin.

Ekim. 13:30

Nai kisililiŋ Kaleb ŋituŋa alokiŋaren Moses tema, “Oloto atipei ekamasi akwap ŋin toruwor ŋina yok, anerae ikipedori iwon akiloun ŋituŋa ŋul.”

Ekim. 13:6

alokabila a Yuda kiyakiyarae Kaleb lokoku ka Yepune,

Yos. 11:21

Apaki ŋin, abu Yosua tolot kitiji ka toar ŋituŋa ŋulu anyaritae Ŋinakim ŋulu alomito nakwapin ŋuna a ŋikamukumukui nu: Eburon, Debir ka Anab ta nakwapin ŋuna a ŋikamukumukui daadaŋ alo Yudaya ka Isirael. Tomunya jik Yosua ikes ka ŋitaunio kec.

Yos. 20:7

Aponi nai totyakarae ŋitaunio lu: Kedec alo Galileya, anakwap a ŋina a ŋikamukumukui a ŋina a Naputali ka Sekem anakwap a ŋina ŋikamukumukui a ŋina a Epuraim ta Eburon anakwap a ŋina a ŋikamukumukui a ŋina a Yuda.

Yos. 21:11

Ŋitaunio lu ikes aponi tokorakinae ikes: Kirias-Araba ekiro a papa keŋ ka Anak, tokona enyaritae etaun ŋol Eburon anakwap a ŋina a ŋikamukumukui a ŋina a Yudaya kaapei ka neni edakasi ŋibaren.

Ŋikat. 1:10

Kitijikis ŋituŋa a Yuda Ŋikanaani ŋulu eboiyete alo Eburon, (arae sek ekiro a Eburon Kirias-Araba) kilout ŋatekerin ata Cecai, Aiman ka Talimai.

Ŋikat. 1:20

Aponi inakinae Eburon neni a Kaleb, lopite ŋolo alimunitor Moses, abu Kaleb kirita a nen ŋidwe ka Anak ŋulusapa ŋiuni.

1 Sam. 25:3

Arae ekiro a ekile a ŋol Nabal, ido arae ekiro ŋolo ka aberu keŋ Abigail. Aos Abigail ka arae aberu ŋina ebusan; nai lokile keŋ, ŋolo arae Ekalebit, arae a kile ŋolo adedeŋ ka arono.

1 Sam. 30:14

Aŋaaritae isua ajore Kwap Yudaya nakwap a Ŋikeresi a ŋulu eyakasi Kwap Yudaya ka toremoi daŋ akwap ŋin, aponi isua toremoi etaun Sikilag, kicunyae.”

1 Sam. 30:31

ka Eburon ta nakiboisyo daadaŋ ŋuna sek ekiŋaren erimitotor Daudi ka ŋikajiok ŋulu arukito ka iŋes.