Yos. 15:11 - Ebaibul

¹¹ kiporo a nen kitor nakeju a ekamukumukut a ŋolo alo Kuju Ekiron, kilugok kidir Cikeron, kinapakin emoru Baala, kiporo Yabaneel; toremokin nai nanam Mediteranian.

Yos. 15:11 Iomraidhean Croise

2 Ŋirw. 1:16

tosodi Elia tolimok Aasia tema, “Ebala Ekapolon aŋuna ibunio iyoŋ kiyaki ŋituŋa akiŋitun ŋakiro kon aneni a Baalsebub, a ŋina erae akuj a etaun a Ekiron, esibit mam Akuj alo Isirael, mam jik nyinyouni iyoŋ anaryeba kon, nai itwani jik iyoŋ.”

2 Ŋirw. 1:6

Toboŋokis ikes temasi, “Ikipotu isua eryama ka ekile ŋolo ikilimokini isua aboŋun alimokin iyoŋ atemar, ebala Ekapolon, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a? Nyiŋaleuni iyoŋ anaryeba kon; itwani jik iyoŋ!’”

2 Ŋakiro a ŋirwa 26:6

Abu Usia tolot akitijikin Ŋipilistin, tobwaŋabwaŋaa ŋarwatatain ŋuna ke etaun Gas ka ŋuna ke etaun Yabine ta ŋuna ke etaun Acidod ka abu todukok ŋitaunio diyete Acidod ka iwace anakwap a Ŋipilistin.

Ekim. 34:6

“‘Ekukoru kus ŋolo alo To iŋes anam Mediteranian.

Yos. 15:10

kilugok alo To Baala, kidir lomoru Seir, tomek akeju a emoru Yearim (iŋes Cesalon) alo Kuju, totiyaar Bes-Semes kitor diyete Timina;

Yos. 15:12

Alowae a ŋolo alo To, anam Mediteranian iŋes egyerit ekukoru. Arae ŋol ekukoru a ŋituŋa a ekabila a Yuda a ŋatekerin kec.

Yos. 15:45

Ekiron ka ŋitaunio keŋ ta ŋirerya keŋ;

Yos. 15:9

Kiporo alokidiama ekamukumukut ŋol, kitor lolelya a Nepetoa, tomyaa lotaunio ŋulu alomoru Epuron; kilugok a nen kitor Baala (iŋes Kirias-Yearim);

Ŋikat. 1:18

Apotu ŋituŋa a Yuda kikamasi etaun Gasa ka akwap keŋ daadaŋ, etaun Askelon ka akwap keŋ daadaŋ ta etaun Ekiron ka akwap keŋ daadaŋ.

1 Sam. 17:52

Tonyout ŋajorei a Isirael ka ŋuna a Yudaya ecelasi, kirita Ŋipilistin todolo tari Gas ka lopukei ŋulu ka Ekiron. Kidoŋo Ŋipilistin ŋulu awanawana lorot ameun alo Saraim tari Gas ka Ekiron.

1 Sam. 5:10

Aŋun, apotu ikes kiyakiyasi Asaduku ŋina ka Akuj a Ŋisirael yaasi Ekiron. Nai adolun Asaduku ŋina ka Akuj ŋin Ekiron bon, kikalout ŋituŋa ke Ekiron temasi, “Kaanukiro ayauniata ikes Asaduku ŋina ka Akuj a Ŋisirael neni yok akiar iwon ka ŋituŋa yok?”

1 Sam. 5:8

Aŋun, apotu ikes kiyakiyasi ŋituŋa anyarare ŋikapolok a Ŋipilistin, temasi ikes neni a ŋikapolok, “Nyo emaikina iwon etiyata aŋuna ka Asaduku a ŋina ka Akuj a Ŋisirael?” Toboŋokis ŋituŋa ŋulu a Gas temasi, “Yautu Asaduku ŋina ka Akuj neni kosi.” Aŋun, apotu ikes yaasi Asaduku ŋina ka Akuj a Ŋisirael Gas.

1 Sam. 7:14

Apotu Ŋisirael todemut Ŋipilistin ŋitaunio kec ŋulu sek ademarito Ŋipilistin ikes, ameun alo Ekiron tari Gas; todemut Ŋisirael Ŋipilistin tari ŋakiboisyo kec ŋuna sek ademaritae ikes. Toyakaun tari ekisil kidiŋ Ŋisirael ka Ŋiamori.