Yos. 14:12 - Ebaibul

¹² Aŋun, inakinae ayoŋ akwap ŋina a ŋikamukumukui na, ŋina abu Ekapolon ekeik ayoŋ akoloŋit ŋina ikiboŋunio ayoŋ ka ŋirukitos kaŋ, itolimokin iyes ŋakiro a akwap a Kanaan. Iyoŋ daŋ elope ibu kiira apaki ŋin atemar edukito ŋimoe ŋulu anyaritae Ŋianakim ŋitaunio ŋulu ewuatae a ŋarwatatain a ŋuna egogoŋ. Nai ani kekeŋarak Ekapolon ayoŋ, apedori akibwaŋ ikes erita ikwaŋinapei alimunitor Ekapolon.”

Yos. 14:12 Iomraidhean Croise

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

2 Ŋakiro a ŋirwa 14:11

Kilip Asa neni ke Ekapolon Akuj keŋ tema, “Okoe Ekapolon, nyityakatyakat iyoŋ ŋituŋa akiŋarakin ŋulu ejioko ka ŋulu nyejioko, kiŋarakinae isua, okoe Ekapolon Akuj kosi, anerae neni kon ikiyarikinit isua, aponi isua alokiro kon akitijiore ŋituŋa ŋulu alalak lu. Okoe Ekapolon, irae iyoŋ Akuj kosi; nyicamak ituŋanan idio ikilouni iyoŋ.”

Ŋikiru. 44:3

Pa apotu ikes kikamasi akwap aŋuna ka ajionu kec, meere tari aŋuna ka agogoŋu kec aponiata ikes kilouniata; nai arae aŋuna ka apedor ka agogoŋu kon ka arae aŋuna iteyenikinitor iyoŋ ikes atemar iyai iyoŋ ka ikes, anerae imina iyoŋ ikes.

Ŋikiru. 60:12

Anarukit ka Akuj, ikiji isua ikidedeŋ nooi, erae Akuj iŋes ilouni ŋimoe kosi.

Ekim. 13:28

Nai egogoŋ nooi ŋituŋa ŋulu iboiyete anakwap a ŋin ka ewuatae a ŋarwatatain ŋitaunio kec, nabo nyedisyak ŋitaunio kec ka nabo eŋolikin isua ŋiletok ka Anak aina.

Ekim. 13:33

Ikiŋolik isua anakwap a ŋin Ŋinepilim (arae Ŋianaki ŋiletok a Ŋinepilim) ani ikisikwaanikin isua ka ikes, tosubunae isua ŋabeerei koŋin, aneni kec daŋ asibitae isua ŋabeerei koŋin.”

Ekim. 21:34

Nai abu Ekapolon tolimok Moses tema, “Nyikuryaniar aŋuna keŋ, anerae, adau ayoŋ ainakin iŋes napedor kon, iŋes kaapei ka ŋituŋa keŋ ta akwap keŋ daadaŋ. Kitiya neni keŋ lopite ŋolo ibunio iyoŋ kitiya neni a Sikon a erwosit Ŋiamori a ŋolo epukat alo Esibon.”

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

Ŋikis. 1:28

Ai ikilosi iwon? Ikitubulo isua ŋakiro a ŋikaitotoi kosi ŋuna enyakunete ikes anakwap a ŋina alosito akireb ebasi ‘Egogoŋ ŋituŋa ŋulu iboiyete anakwap a ŋin ka eoyak akilo iwon ka daŋ epolok ŋitaunio kec eyakasi ŋaduketa ŋunajiet ŋuna aoyak nooi alokidiama; aponi daŋ isua kiŋolikinae ŋiletok a Ŋianakim.’ ”

Ŋikis. 9:1

Kiirasi, okoe Ŋisirael! Aapuu iyes adokar ekekwaye Yorodan nakoloŋit na aŋuna ka alomar nakwap ŋina a Kanaan, kiritasi ŋituŋa a ŋakwapin ŋulu elalak ka egogoŋ akilo iyes, ŋulu iboiyete alotaunio a ŋulu apolok a ŋulu edukitoe ŋaduketa ŋunajiet ŋuna aoyak nooi,

Ŋikis. 9:3

Toyenutu nai nakoloŋit na atemar Ekapolon Akuj kus iŋes edokari ekekwaye ikiŋarenik iyes eryenyaana esibit akim ŋina enomi akwap, emunyari iŋes ikes, ido ilouni ikes alokiŋaren kus, ikotere iyes iritarete ikes ka imunyarete ikes atipei, lopite ŋolo ikiikinia Ekapolon iyes.

Ŋipil. 4:13

Apedori ayoŋ akitiya ŋiboro daadaŋ alotooma Kristo ŋolo akainanakini ayoŋ agogoŋu.

Ŋibur. 11:33

Anupit iŋes etijiyoto ikes ŋakwapin ŋuna gelae kilout. Apotu ikes towua aŋuna ka akiyookino, ido toryamut ŋuna eikinit Akuj. Apotu ikes kitubutasi ŋiŋatunyo ŋakituka.

Yos. 15:14

Abu Kaleb kirit a nen Ŋianakim ŋiuni ŋulu araakasi ŋiletok ka Anak; ŋirorwa kec arae Cecai, Aiman ka Talimai.

Ŋikat. 1:20

Aponi inakinae Eburon neni a Kaleb, lopite ŋolo alimunitor Moses, abu Kaleb kirita a nen ŋidwe ka Anak ŋulusapa ŋiuni.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”