Yos. 14:1 - Ebaibul

¹ Ŋakiro ŋuna etupakinito, erae ŋuna elimorito epite ŋolo aponiata Ŋisirael tokora akwap a Kanaan alowae a ŋolo alo To aŋolol Yorodan. Ŋituŋa ŋulu akorete ŋalup lotuŋa ikes lu: Eleasar esacaradoti ka Yosua lokoku a Nun ta ŋikapolokinitok ŋikalya ŋulu a ŋikabilae a Isirael.

Yos. 14:1 Iomraidhean Croise

Esir 7:5

a ŋolo arae lokoku ka Abisya a ŋolo arae lokoku a Pineas a ŋolo arae lokoku ka Eleasar a ŋolo arae lokoku ka Aron a esacaradoti a ŋolo Apolon nooi.

Esek. 45:1

“Ani ikorakini iyoŋ Ŋisirael akwap ŋina eruwor ŋina a ŋolokabila, emaikina iyoŋ totyaka nawae aŋuna a Ekapolon akwap ŋina erae aoyau keŋ ŋakilomitae ŋatomon ka ŋaarei ta atutubet, torae auruwuanut ŋakilomitae ŋatomon. Emaikina akwap ŋin daadaŋ erae ŋina eseg.

Ekim. 34:13

Kicik Moses Ŋisirael tema, “Erae ŋin akwap ŋina eruwor ŋina kus anakilamilam, akwap ŋina ecik Ekapolon ainakin lotuŋa a ŋikabilae a ŋikanikaomwon ka atutubet apei ŋina a ekabila a epei;

Ekim. 34:16

Kirwor Ekapolon neni a Moses tema,

Ŋitic. 13:19

Abu iŋes kilou ŋakwapin ŋakanikaarei alo Kanaan, ido inak ŋituŋa keŋ akwap a ŋituŋa a ŋul, kituruwo ŋina kec.

Ŋikis. 12:10

Ani idokarete iyes ekekwaye Yorodan, kiboikinos nakwap ŋina ikikorakini iyes Ekapolon Akuj kus ka ani ikisiŋuni iŋes iyes alomoe kus alowaetin a daadaŋ, ido kiboikinos emam ŋace,

Yos. 13:6

Tari ŋituŋa daadaŋ ŋulu elomito nakwap ŋina a ŋikamukumukui ameun alo Lebanon akitodol Misirepos-Maim ka ŋituŋa a Sidon daadaŋ, ayoŋ elope iŋes abwaŋi ikes alokiŋaren Ŋisirael. Itemokino iyoŋ tokorak Ŋisirael akwap ŋin toruwor ŋina kec ikwaŋina adaunia ayoŋ akicik iyoŋ.

Yos. 19:51

Arae ŋun ŋakwapin ŋuna apotu Eleasar esacaradoti ka Yosua lokoku a Nun ta ŋikarikok a Ŋisirael tokorakis Ŋisirael. Apotu ikes tokora akwap anakilamilam alokiŋaren Ekapolon aneni enyaritae Silo, alo Eema a ŋolo elipere neni ke Ekapolon. Epite ŋol iŋes aponiata Ŋisirael tokoryata akwap kec.

Yos. 21:1

Apotu ŋikarikok ŋulu a ekabila a Lepi toloto neni ke Eleasar esacaradoti ka neni a Yosua a lokoku a Nun ta neni a ŋikarikok a Ŋisirael a ŋulu a ŋikabilae a ŋuluce.