Yos. 13:6 - Ebaibul

⁶ Tari ŋituŋa daadaŋ ŋulu elomito nakwap ŋina a ŋikamukumukui ameun alo Lebanon akitodol Misirepos-Maim ka ŋituŋa a Sidon daadaŋ, ayoŋ elope iŋes abwaŋi ikes alokiŋaren Ŋisirael. Itemokino iyoŋ tokorak Ŋisirael akwap ŋin toruwor ŋina kec ikwaŋina adaunia ayoŋ akicik iyoŋ.

Yos. 13:6 Iomraidhean Croise

Ŋikiru. 80:8

Ibu iyoŋ yau Ŋisirael alo Ijipit; Ibu iyoŋ kirita ŋituŋa a ŋakwapin, ido kiwuak Ŋisirael nen.

Ekim. 33:54

Emaikina iyes tokorakis akwap lotuŋa a ŋinateker anakilamilam; ateker ŋina elalak ŋituŋa keŋ emaikina iyes inakis akwap ŋina alalan ka ateker ŋina ekudyoko ŋituŋa keŋ, inakisi akwap ŋina edit. Akwap daadaŋ ŋina eryamuni ituŋanan anakilamilam, eruwor ŋina keŋ; eruwor akwap ŋin ŋina kus a ŋikabilae atapapaa kus.

Yos. 1:6

Togogoŋior, nabo totitinyor, anerae iyoŋ isikamari ŋituŋa lu akwap ŋina abu ayoŋ ekoŋ ainakin atapapaa kec.

Yos. 11:12

Abu Yosua tomunya ŋitaunio ŋul kaapei ka ŋirwosi kec, toar a ekileŋ ŋituŋa daadaŋ, lopite ŋolo kicikitor Moses ŋolo arae eketiyan a Ekapolon iŋes.

Yos. 11:8

kipotok nai Ekapolon ŋirwosi ŋul ka ŋasigarya kec nakan a Ŋisirael, toarae ikes kiritarae lowae ŋolo alo Kuju, todolo neni enyaritae Sidon ka Misirepoti-Maim, todolo tari Kide nakadipaalat ŋina enyaritae Misipa. Toarae ŋimoe ŋuk nyidoŋ tari ipei.

Yos. 13:7

Tokona nai, tokorak akwap lokabilae ŋuluce ŋulukanikaomwon ta atutubet apei a ekabila a Manase.”

Yos. 23:13

toyenete kire atemar nyerubakini Ekapolon kus iloununui ŋituŋa a ŋakwapin a ŋun alokiŋaren kus; nai ikokinete ikes eroko aneni kus auno ŋina elokitae, kori akipany ka ikokinete ikes epipil neni ikiramya ituŋanan ka adaset kaku, kori ikokinete ikes epipil aneni kus ŋikukwa ŋulu ebucakin akirem akoŋu. Erubakinete ŋun itiyasi akitodol ŋina idaunotor iyes anakwap a ŋina ajokan a na a ŋina adau Ekapolon ŋolo erae Akuj kus ainakin iyes.

Yos. 23:4

Kiirasi adau ayoŋ akorakin lokabilae kus akwap na daadaŋ ameun alo Kide anaŋolol Yorodan tari To nanam Mediteranian. Adau ayoŋ akorakin iyes ŋakwapin a ŋituŋa a daadaŋ a ŋulu aponi iwon kilounae ka ŋina a ŋulu eriŋa nyilouna.

Yos. 23:5

Ekapolon ŋolo erae Akuj kus iŋes ebwaŋi ŋituŋa a ŋakwapin a ŋun aneni kus, iritari ikes aneni itorete iyes apaki ŋina ilosyoto akirem ikes, ido nai kikamasi iyes ŋakwapin kec toruwor ŋuna kus lopite ŋolo ikiikinitor iyes Ekapolon ŋolo erae Akuj kus.