Yos. 13:13 - Ebaibul

¹³ Nai apotu Ŋisirael nyielasi Ŋigesuri ka Ŋimaakasi, ŋakiro ŋun iŋes arubakiniata Ŋigesuri ka Ŋimaakasi iboiyete ka Ŋisirael tari tokona.

Yos. 13:13 Iomraidhean Croise

Akisy. 35:22

Ani eriŋa Isirael iboi anakwap a ŋin, kebu Ruben tolot tolom Bila, apese a papa keŋ ŋina pa eisitae, kiira Isirael ŋakiro ŋun. Ayakar Yakob ŋidwe ŋitomon ka ŋiarei:

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 3:3

ŋolo a ŋiarei arae Kileab lokoku ka Abigail a ŋina alo Karimel, apuserut a Nabal; ŋolo a ŋiuni arae Abusalom lokoku ka Maaka a ŋina arae nakoku a Talimai a erwosit a ŋolo a Gesur;

Ekim. 33:55

Nai ani pa kiritasi iyes ŋituŋa ŋulu sek iboiyete anakwap a ŋin, ido kimyekis kidoŋo ŋice, ikiteryamunete ikes iyes ŋican lopite ŋolo ikiteryamunia anyait ŋina eyai nakoŋu, kori ekukwae ŋolo eyai nakuwan ŋican.

Ŋikis. 3:14

Abu Yair lopapait a Manase toryamu akwap ŋina ka Arigob daadaŋ tari lokukorin a Ŋigesuri ka Ŋimaakasi, tonyara Yair akwap ŋin a ekiro keŋ, aŋun, tari tokona enyaritae Basan Apos-Yair.)

Yos. 12:5

Epukat iŋes ŋinapei alomoru Erimon ka Salek, Bacan daadaŋ tari lokukoru a ŋituŋa a ŋulu enyaritae Ŋigesuri ka Ŋimaakasi kaapei ka atutubet apei ŋina a Gilead, akitodol lokukoru a Sikon a erwosit a Ecibon.

Yos. 13:11

Adolit akwap ŋina atyakakinitae ŋikabilae ŋul tari Gilead ka akwap a Ŋigesuri kaapei ka Ŋimaakasi ka emoru Erimon daadaŋ ta Bacan daadaŋ kiger Saleka.

Yos. 13:12

Iŋes atemar Bacan daadaŋ neni epukat erwosit Og ŋolo sek epukat Acitorot ka Edirei. Og bon abu topiyanun emunyaryo Ŋirepaim apaki ŋina etijio Moses ikes kiela.

Yos. 13:14

Ekabila ŋolo a Lepi iŋes bon abu Moses nyekorak adiokwap toruwor ŋina kec, nai ŋainakineta ŋuna epeitoe aŋuna a Ekapolon Akuj a Ŋisirael, ikes erae ainakinet kec ikwapei ecikitor Akuj ikes.

1 Sam. 27:8

Aloseneneete Daudi ka ŋikajiok ŋulu arukito ka iŋes akirem Ŋigesuri, Ŋigirisi ka Ŋiamaleki; kiboiyete ŋituŋa ŋul ŋinapei koloŋ anakwap a ŋina eyai ameun alo Sur tari Ijipit.